【職場熱話】各行各業有咩奇怪「職業病」？零售Sales：行街會忍唔住幫人摺衫

2022-12-30

正所謂「習慣成自然」，在一個行業工作久了，或多或少都會帶上「職業病」，將工作模式帶到日常生活中，弄出不少笑話。最近有從事零售業的網民在討論區分享，表示逛服裝店時不自覺地會幫人摺衫、排好貨架；亦有客戶服務員表示每次聽電話時，會衝口而出說「您好，請問有咩幫到你？」。

各行各業有咩奇怪「職業病」？（按圖了解網民分享）

零售：同朋友行街買嘢，走出門口嗰時不自覺同職員講「多謝光臨，下次再見」，朋友笑到傻，勁尷尬。

會計：篤計數機超快，excel formula上晒腦，乜都計數。

顧客服務：對任何人講嘢都好似對客講嘢咁，加好多修飾語，例如一般來講、盡快、應該、唔好意思、我幫你睇睇……

記者：無論睇咩好自然第一時間望有無錯字，見到有錯會好嬲。

幼稚園老師：要教小朋友跳舞，因為要做鏡面示範，久而久之左右顛倒。

市場營銷：當身邊人瘋狂討論或迷戀一樣嘢時，會莫名地分析群體特點，思考點解會咁受歡迎。

節目制作人：睇戲時極其痛苦，不自覺地想分析鏡頭的拍攝手法、畫面構造、揣摩劇情，總之就是不能好好欣賞電影！

人力資源：在社交場合遇到新朋友，會不由自主好似面試咁觀察同傾偈，10分鐘內就解到佢嘅成長經歷、家庭環境、教育背景、職業生涯。

建築師：行路會周圍望建築物，仔細研究結構、配色，成日唔小心撞到人。

設計師：有強迫症，咩都一定要對齊，看到行距不統一的文字會非常難受，手勢慣咗按Ctrl+Z。

10位成功人士的怪癖：（按圖了解）

+17

如果大家在職場上有不開心想發洩，或是對《勞工法例》有疑難，歡迎投稿給我們，我們會盡量解答你的問題，當打工仔的樹洞！👉 https://forms.gle/o2K2DaZWXzLFhypT7

Tags︰

Look out for further updates on our Facebook fan page!

【轉工轉行】調查指47%中年打工仔因為想有更高人工而轉工 有咩要考慮？