【職場文化】睇個位就知公司對員工好唔好?網民一致贊成坐OOO最差

【職場文化】睇個位就知公司對員工好唔好?網民一致贊成坐OOO最差

不少打工仔夢寐以求的願望,是在環境寬闊、光線充足、設備新淨的辦公室環境下工作。環境影響工作意欲外,原來也可從而看出公司是否重視員工?

有打工仔在網上連登討論區發文稱,只看座位已經可以得知公司是否善待員工,引起不少網民激烈討論,更直指「公司尊唔尊重員工,其實好易睇。」

延伸閱讀:【員工薪酬】打工仔希望今年加薪5.6% 三分一人意欲轉工?中小企挽留人才關鍵係?

按圖睇樓主同埋網民點講:

樓主:做過大集團,每個員工嘅電腦唔會舊得去邊,好難會見到有殘舊嘅工具,包括鍵盤、滑鼠、螢幕,一人一部商務電話都係最新iPhone,個位唔算特別大,但有足夠空間。走廊同Meeting room好多空間,Pantry非常企理,每個Office都有間雜物房,雜物唔會推出去走廊或者員工位範圍。

另外做過一間私人公司,間舖裝修靚就靚,但個Office伏到震,又細又逼,寵物店咁,個位隔籬又疊高啲紙箱,一個新淨正常嘅文件Folder都冇,全部都殘殘舊舊……啲電腦應該有8至10年歷史,個Mon表面多花痕,一撻撻咁,6個人都係得一部迷你水機,頭頂仲要有CCTV,老闆全程MON住每一部電腦。最後我做咗兩個禮拜左右就辭職。

網民A:員工冇位又點計?要book枱做嘢。

網民B:睇兩樣嘢夠啦:

1. 坐豬肉枱坐到密密麻麻。

2. 無新手包,例如啲人邊個打邊個、啲嘢係點做,系統點申請等等。

網民C:做過/去過好幾間上市公司,只要係啲唔使見人嘅部門,咩奇怪嘢我都見過,早兩年14吋Mon都有。

網民D:我見過/做過最極端例子有兩間:

A公司:全High Tech,年年換新設備系統,又使錢整到公司環境好Modern,租晒甲級金融地段,冇雙糧花紅,基本福利。

B公司:接近零科技零IT,全部嘢唔爛唔換,公司又舊又殘到爆,完全係90年代設計,員工跟舊時有雙糧有花紅,平均每年出6至8個月,除咗基本福利外,公司仲包食飯包OT。

作為一個打工仔,你想老闆使錢喺公司度定員工度?

網民E:前公司位又大,Mon又大,所有硬件都好新好靚,咁又點?每一行位頭頂天花就有幾個4K連收音,360度CCTV𥄫實你,每日監視你嘅一舉一動,慘過坐監。

網民F:Out晒啦呢啲,2024年仲係冇WFH/Hybrid嘅都係X公司。

網民G:我仲用緊有粒波嘅滑鼠,開機要半個鐘……

網民H:我個Microsoft Office仲係可以見到「萬字夾」小幫手嘅版本……

網民I:豬肉枱即係唔信啲員工。

不少網民都留言表示除了座位外,最伏是遇到會「微管理」的老闆,例如在座位頭上天花裝CCTV監察員工工作表現,甚至會私下查閱員工曾到訪甚麼網站等,坦言「老細將啲精神放係呢啲地方,間公司好極有限。」

睇埋仲有咩微管理方式?

打工仔最驚呢啲公司…

延伸閱讀:【返工血淚史】網民嚴選最唔適宜返工地區 返OOO最慘連飯堂都冇

延伸閱讀:【員工福利】無限休假、花紅同4天工作周 你會揀邊樣?盤點3大留才措施特點!

延伸閱讀:【職場熱話】最惡劣打工經驗係點樣?返六日、免費OT未算嚴重 更有僱主或觸犯法例


【CEOTalks】肯定員工努力 願意堅持終能獲得成功 譚仔國際行政總裁劉達民:中途放棄的話 永遠未能欣賞山頂的風景

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related News

  • 【薪酬趨勢2024】公屋 vs 私樓住戶!收入差距高達2萬?3大房屋類型劃分的住戶每月入息中位數!

  • 【2024最新月入中位數】經理每月人工幾多?即睇專業人員、文書支援人員、服務及銷售人員9個行業平均月薪!

  • 【薪酬趨勢2024】學歷與收入成正比?7大類教育程度就業人士每月就業收入中位數!

  • 【見工面試】向面試官提Expected salary 卻被嫌升幅太多?網民:想壓你價啫!

  • 【HR人工有幾多?】最新15大人力資源及行政職位月入中位數 HR究竟有咩做?淨係In人請人?即睇HR入行必備條件

  • 【見工面試】答「期望薪金」小心4個地雷!呢步錯咗可能令你人工低於市價

  • 【薪酬趨勢2024】人工中位數高達$31,800嘅行業係?揭曉20大行業每月工資中位數!

  • 【見工面試】期望薪酬係齋talk?打工仔嘆與實際收入大有出入!網民反問:你第一次返工咩?

  • 【職場熱話】最惡劣打工經驗係點樣?返六日、免費OT未算嚴重 更有僱主或觸犯法例

  • 【薪酬討論】年資越長薪酬越高?網民:薪酬應同能力掛勾!

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow