Next
【薪酬討論】打工仔試用期後無加薪 批公司壓榨員工福利
【薪酬討論】打工仔試用期後無加薪 批公司壓榨員工福利
2024-03-08
一些公司會在員工試用期過後，會與打工仔洽談工作表現、適應問題，甚至進行薪酬調整，但是並非每一間公司都有這樣的制度。近日有網民在香港討論區發文，表示他完成試用期後，沒有薪酬調整，多次主動詢問上司、高層，才得悉公司沒有相關機制。
他補充，以前每一份工作在試用期後都會加薪，批評這間公司見目前市道不好，於是壓榨員工福利。但不少網民認為是樓主以往幸運，表示坊間很少會試用期後加人工。
延伸閱讀︰【職場熱話】打工仔連續12份工都唔過試用期 網民分析：工作態度出事
按圖了解事主、網民分享：
事主：「3個月試用期後無人工加，有冇朋友經歷過？見工時唔講明，到我問上司2次都唔答。我直接問太子女，朝早問，夜晚先覆我，話公司無試用期後調整薪金機制，一年左右先考慮調整。聽完感覺間公司好差，難怪啲人咁快走。我每份工過試用期後都一定加，而且有啲公司未過試用期就加人工，或者見工時講明加幾多，唔似呢間公司，見市道唔好，壓榨員工福利。」
網民A：我做咗13年，都未試過試用期之後加人工。
網民B：除非講明會加，冇講一般都唔會加
網民C：本身人工低嘅話，過完試用期都冇加，的確幾慘，即走。
網民D：咁快啲去第二到試用啦。
網民E：每一個工種都唔同。聽你咁講似係文職，我自己做服務業，基本嚟講試用期後都唔會有人工調整。除非你真係好突出，基本嚟講都係一年一次，或者你係轉工先至會有機會唔同。
網民F：試用期後調整薪金機制，坦白講唔係一定有，只係公司對員工嘅小恩小惠。做過大公司、中型公司都唔一定有得加。你入職時已經知道人工啦，諗吓出面市道咁差，仲衰過沙士，你嘈完咪一樣留喺度……
網民G：試用期完咗有人工加， 呢個做法唔一定有，不過都代表公司對你嘅睇法，係你留定走，佢哋都冇乜所謂，樓主執生啦。
網民H：真係唔一定，你做多幾份就會發現，最好未過試用期前問定，因為過咗試用期，要通知好耐先走得。
網民I：點解你見工時唔問清楚？公司如果冇講明，的確可以唔加，我公司都冇。 如果普通文員，做得唔好，年尾都未必有得加，因為隨時都可以搵人代替，一出POST請人，大把人排隊見工。
網民J：好多都冇試用期後加人工。試用期真係睇吓大家啱唔啱做！唔係心水人工，我一早唔會應承返工，唔會簽合約。.
網民K：搵工的確運氣佔大多數，呢啲加薪機制唔係間間公司都有。
如不少網民所指一些公司沒有相關機制，若果公司沒有明確說明，打工仔亦可以在商談合約時，先詢問清楚試用期後的人工調整制度。除了避免事後有爭拗，亦讓打工仔提早決定是否簽約，如試用期後才詢問，員工就需要更長通知期才能轉工。
延伸閱讀：【加薪技巧】過試用期點開口加人工？HR教識5大絕技 提升加薪成功率
【職場熱話】試用期內辭職覺得好內疚？網民：你試佢！佢試你！試過唔啱就分手！
Look out for further updates on our Facebook fan page!
Follow CTgoodjobs for the latest career news, hot topics and recommended jobs!