【職場文化】畢業生偏好做大公司定細公司?大公司福利好、細公司少是非

【職場文化】畢業生偏好做大公司定細公司?大公司福利好、細公司少是非

很多準畢業生都會計劃一下畢業之後的工作,不知道大家會比較憧憬在大公司跨國企業工作,還是在簡單的中小企細公司工作呢?抑或是做個freelancer或slasher較為自由自在?

延伸閱讀:【IT熱話】見工坦承曾hack公司電腦發現有bug 老細即請!

有網民在討論區Dcard發起投票,想了解一下大家畢業後第一份工作,最理想在甚麼規模的公司工作,並以「第一份畢業嘅工你會揀?」為題,讓網民投票。結果如下:

14%細公司(例如:中小企)
39%大公司(例如:跨國企業)
3%其他(例如:家族生意)
44%仲讀緊書,未諗

是次投票共有2754人參加,雖然有44%參加者仍在學並未有想法,但大細公司之爭中,大公司竟然大比數勝出!不知道在社會工作了數年的大家,又會否有另一番見解?

即睇網民回應:(按圖了解)

網民:「有得揀當然大公司!個名寫出嚟都靚啲,做嘢都有規矩可以跟。」

網民:「一定唔好家族生意。」

網民:「問嚟都多餘,有得揀一定大公司,除非人工差好遠。」

網民:「啱啱出嚟做嘢揀大公司好啲,份CV睇落都吸引啲。」

網民:「人工最高嗰份,假設一樣,就一定係大公司。」

網民:「做過大公司,依家細公司,喺大公司好多辦公室政治,見得最多就係點推波、刷鞋,依家細公司真係大家諗點快手拆咗件事,精神健康好多,純粹個人經歷,唔代表每一份工都係咁。」

網民:「理想就梗係揀大公司啦!但現實係公司揀你,唔係你揀公司。」

網民:「細公司budget又有限、又冇啲好勁嘅人lead住,萬一有同事病咗,你仲要做埋佢嗰份 ,大公司點都好啲。」

網民:「我會根據工作崗位同學唔學到嘢而揀,唔會揀最細(得2至3人嗰啲),又唔係一定揀最大。」

網民:「大公司個朵跳出去勁啲!見到嘅人同事都多好多!」

網民:「大學兼職做咗三年大公司,真係返唔到轉頭,假多、醫療好福利足!」

網民:「如果係大公司同細公司揀,一定係大公司,因為細公司衰起嚟真係可以完全唔guide你,由得你錯再鬧你,雖然成長得好快,但係冇犯錯嘅空間。利申:做過兩間細公司,都係冇guidance嘅情況下做約三個人嘅工作量,日日OT。」

網民:「一定大公司,易跳走!」

大公司細公司 各有好處
沒想到連網民都大部分選擇了大公司,他們大多認為大公司的人工和福利都較細公司好,加上寫咗CV上的公司名和職銜都一定對日後轉工有幫助。更有網民覺得大公司的工作模式有系統、有規矩,工作起來更有效率;相反,網民覺得細公司有時指引不清晰、欠缺人手、工作量多,相對地一定欠吸引力。

不過,一些職場過來人則指出,大公司的辦公室政治可能會比較嚴重,更多的是同事推卸責任、擦鞋、打小報告、小圈小等情況,令他上班時很不快;而當他轉到細公司工作,人事的確比較簡單,雖然很多工作步驟都得自己親力親為,不過大家都是以解決問題為大前提,故令他感到身心靈都較健康。亦有網民指,細公司可以更容易了解不同部門的工作步驟,對於了解一間公司如何運作有莫大幫助。

所以其實大公司與細公司都各有好處,大家可以仔細考慮才作決定,不過,有網民無奈指,其實作為畢業生,很多時都是公司揀你,輪不到你揀公司。大家又覺得呢?

延伸閱讀:【IT熱話】見工坦承曾hack公司電腦發現有bug 老細即請!

延伸閱讀:【職場熱話】新上司每個星期請食飯 係好上司認證?網民:遲早要還㗎…

延伸閱讀:【辭職學問】返工首月內想辭職 朝早定係放工遞信先啱?

延伸閱讀:【醫護熱話】註冊護士課程取錄女友 男友頓感自卑 網民:邊個話護士一定配醫生?

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!
刊登招聘廣告