【打工仔辛酸】升咗做Manager 但日日都被下屬針對 事主大呻:真係頂唔順啦 好想辭職唔做!

【打工仔辛酸】升咗做Manager 但日日都被下屬針對 事主大呻:真係頂唔順啦 好想辭職唔做!

對於剛晉升管理層的打工仔來說,如何有效管理下屬可謂一項挑戰:一來未有任何管理同事的經驗;二來要細心處理同事之間的關係,避免影響團隊表現。有網民於連登討論區發文,指自己於年初時晉升至經理,工作期間卻遭到一位年紀較大的下屬處處針對,令事主感到工作壓力過大,更大呻:「真係頂唔順啦,好想辭職唔做!」

延伸閱讀:【打工仔辛酸】返工遲到幾分鐘即畀老細鬧 真係好大壓力呀!網民:遲15分鐘以內都叫情有可原呀……

按圖了解事主及網民回應:

事主:「今年升咗職做Manager,但最近返工都畀某位下屬針對,佢年紀大過我,我一直都知佢想坐我個位。近排一齊負責嘅project,佢專登錯漏百出,我同佢講有乜地方出錯,佢就會表現出一副好唔情願嘅樣,然後先肯慢慢改。

佢每日會做好多小動作,例如借啲意暗寸我、周圍同同事講我管理有問題,想拉攏同事一齊針對我,同我傾公事嘅時候,又好冇禮貌,比面色我睇。有日直接同老細投訴我,話我交待嘅指示唔清晰……

老細有日就搵咗我傾,佢聽完都覺得係個下屬問題,建議我call個會,同全team人清晰講解返啲指引。明明佢係Assistant Manager,點解可以扮晒嘢,話唔知啲project嘅分工同運作係點?

份工本身好chur,好多嘢做,而家仲要part住咁嘅同事,我真係頂唔順啦,打算邊做邊搵份新嘅工,臨走前我應該繼續無視佢好,定係針對返佢轉頭?」

網民A:你職位大過佢竟然怕個下屬,你之後仲可以點管人呀?佢唔聽你講嘅話大大聲喺office鬧佢啦!

網民B:職場有部分人係軟硬都唔受,硬碰就會發晦氣;軟嘅就會得寸進尺,以為自己工作能力好勁,通常呢類人都係工作冇效率同冇責任心。

網民C:如果揸正嚟做嘅話點都係佢大鑊啲,佢有乜困難就叫埋你老細3個人開會當面傾,睇吓邊個理虧!

網民D:每日收工前抽15至30分鐘,面對面問佢,有乜唔明同有冇唔清楚嘅地方,睇吓佢係咪真係上咗年紀要講得詳細啲定點。再叫佢每日都要寫一份log出嚟,畀你知佢做咗啲乜。過咗一排都冇改善就直接炒人!職場好多呢啲人,對住佢哋真係唔可以示弱!

網民E:嘗試提拔另一個人做Assistant Manager,畀佢知佢係隨時可以被取代,唔係話冇咗佢唔得。只要佢意識到危機感,就唔會再亂玩嘢!

網民F:最正路就係尊重佢多啲,人多嘅時候就讚吓佢工作經驗幫到成team人,好多老海鮮都係要面。同埋你做得Manager,你有責任處理好同事問題,提升teamwork表現,呢啲問題避得一時,避唔到一世呀,你繼續晉升上去都有機會遇到差唔多嘅問題。

網民G:佢針對你,你咪針對返佢囉。反正你都諗住辭職唔做,有乜好驚。遇到呢啲人一定要做啲嘢令佢覺得驚,先唔會再恰你。

網民H:好多management grade都係亂做,有問題係唔知點處理,又欺善怕惡。呢啲係最差的管理表現。知樓主升咗冇幾耐,管人真係要靠經驗,呢次係一係累積經驗嘅好時機嚟。加油呀樓主。

網民I:你都講咗老細知個同事問題,你不如建議老細炒咗佢算啦。

網民J:做得管理層,其實最好就軟硬兼施,要識幾時做好人,幾時做壞人。

網民K:有冇得讓返個經理位比佢做,或者同老細講想降職?

延伸閱讀:【職場調查】只要做到嘢就得?逾8成管理層唔介意員工用ChatGPT完成工作!

部分網民認為事主作為經理,職級比下屬高,理應想到方法處理問題,網民建議事主可以提拔新人取代下屬職位、每天進行面談逼使對方認真工作,或者向老闆提出解僱要求等方法管理下屬。另外,有部分網民對事主經歷感到同情,認為事主剛升上管理層,未有太多經驗是正常事,鼓勵事主不應逃避這次的學習機會,以助將來更有效管理下屬。

延伸閲讀:【職場貼士】遇到麻煩同事要點應對?5個方法幫你輕鬆應對!

不同管理層都有各自的管理技巧,各種技巧並無高低之分。雖然管理技風格有千百種,但大體都有公認較為差勁的領導手法。按圖即看5個有問題的領導風格,讓作為管理層的你評估自己有否相符條件。

延伸閲讀:【辦公室政治丨人際關係丨解決方法】辦公室政治無得避?睇清呢10條職場潛規則 學識生存之道 助你保住飯碗

同事在職場上發生口角並不罕見,作為上司應該如何處理同事的糾紛,避免出現更進一步的肢體衝突?按圖即看6個應對職場衝突的方法。

延伸閲讀:【職場文化】點樣可以有效管理年紀大過自己好多嘅下屬?


最新專訪片︰

【星級斜槓族】網絡女神Hazel林熙彤 甜美外表下藏着老靈魂 辦攝影展留住記憶中的九龍城

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related News

  • 【辭職時機】月薪低於2萬!每年須出差4個月應否辭職?網民:快啲走!

  • 【求職難】4成公司承認今年曾發布虛假招聘廣告!咁做嘅原因係咩?

  • 【求職平台|職位空缺】香港找工作如何入手?畢業生、失業及轉工人士必睇!5大免費求職平台資料一覽!

  • 【職場扮工】7成CEO扮識AI!為趕上潮流?管理層:「仿佛自己是一個騙子」

  • 【見工面試】同一間公司10次面試都失敗!求職者百思不解!網民推測1個關鍵原因!

  • 【薪酬趨勢2024】人工過$2萬嘅行業係?8大行業主類劃分的平均每月薪金!

  • 【薪酬趨勢2024】秘書搵幾多錢?4大按職業組別平均每月薪金!呢類人士月入$26,000以上?

  • 【45歲提早退休】過來人分享6個辭職前必備條件!心態比儲蓄數字更重要?

  • 【見工面試】HR唔尊重求職者?直斥「公司唔係畀你學嘢!」網民:講得呢句都係老Seafood!

  • 【求職Email】CV都唔睇!直送垃圾桶?HR揭直接篩走1種求職者!被指「缺乏自我管理」?

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow