Next
【打工仔辛酸】返工遲到幾分鐘即畀老細鬧 真係好大壓力呀！網民：遲15分鐘以內都叫情有可原呀……
【打工仔辛酸】返工遲到幾分鐘即畀老細鬧 真係好大壓力呀！網民：遲15分鐘以內都叫情有可原呀……
2023-10-16
不論在職場或是個人生活，準時可謂基本。普遍公司都理解員工上班途中，或會遇上突發事故，因此都會默許員工可以稍微遲到。不過，有部分管理層認為，員工準時上班是必須，一旦發現員工遲到便會加以痛斥。
近日，有網民於連登討論發文，大呻新公司管理層不近人情，只要員工遲到1至2分鐘就會遭受嚴厲斥責，強調自己過往10多年工作，都未遇過此情況，讓事主直呼壓力過大。
延伸閱讀：【職場八卦】本地公司鍾意捉人遲到又要求員工遲走？網民：準時收工好似有罪咁⋯⋯
按圖了解樓主及網民回應：
樓主：「近排轉咗新工，老細只要見到班員工遲到1至2分鐘，就會不停咁鬧佢哋『點解要遲到』，我係隔籬望到都覺得好大壓力。
我返咗10幾年工都冇遇過呢個情況，我知遲到係唔好，但有時塞車，或者架巴士停多一盞燈，返到公司都已經唔只遲1至2分鐘啦。
我以前做team head都同班下屬講，只要唔好遲多過5分鐘就可以，而家呢份工未做夠1個月，見到老細咁已經想辭職唔做，希望可以我快啲搵到新工啦！」
網民A：我而家做緊team head，我覺得只要你唔影響公司運作，遲少少係冇問題，當然唔好遲得太過分。如果少少「走盞位」都唔畀班下屬嘅，會太過不近人情啦，隨時影響成Team人工作氣氛。
網民B：真係好睇你做邊行，我平時返都會例遲半個鐘，但同時會自覺遲半粒鐘先收工。
網民C：真係好難預準時間返到公司。學樓主咁講，只要架巴士過唔切一枝紅綠燈，就會慢咗幾分鐘先落到車。香港交通根本冇得預計，除非自己唔介意好早起身，預鬆啲時間，唔係嘅話只要有乜交通意外、地鐵訊號故障就一定遲到。問題就嚟啦，我擺咁多心機喺返工準時方面，我係咪都可以準時收工先？
網民D：遲15分鐘以內都叫情有可原呀……你等吓紅綠燈、等吓lift都冇咗10分鐘，仲未計搭車或者轉車隨時出現嘅狀況。
網民E：通常扮工嘅人先會斤斤計較員工遲到。員工做到嘢，邊得閒理佢哋有冇遲到呀！
網民F：準時返工冇問題，但唔該公司畀返我準時收工，或者計返足OT錢畀我。
網民G：雖然遲幾分鐘都畀老細鬧係幾誇張，但樓主如果唔係經常遲到，其實唔使太大壓力喎。有時壓力係自己畀自己，返工已經咁辛苦，唔好搞到自己咁緊張啦！
網民H：有啲公司真係癲到遲幾多分鐘，就扣返你幾多人工……
網民I：以前有個同事日日返工都遲5分鐘內，有一日畀HR質問佢仲有冇心返工。我上司聽到件事，就問返位HR：「公司係想要一個日日遲幾分鐘但做到嘢嘅人，定係準時返工但每日都扮工，唔做嘢嘅人？」
網民J：其實準時唔係基本責任嚟乜，點解樓主講到遲到好似變咗基本嘢，一定要人原諒……
網民K：其實遲到根本係一個習慣，就算你公司HR批准員工可以遲15分鐘返公司，你咪又會再遲多少少先返去。唔想遲到咪早10分鐘出門口，返到公司可以沖吓咖啡、去過廁所，舒舒服服咁埋位做嘢。明明件事好容易解決，係你自己掌握到嘅事嚟，唔明點解會好大壓力。
延伸閱讀：【職場文化】新人OT係老奉？網民：準時走有咩問題？
帖文一出，引起眾多網民紛紛留言，大部分網民表示在辦工室工作遲到根本不是一件甚麼大事，只要按時完成工作、能為公司帶來業績以及不是太過分的遲到，大部分公司都不會理會，認為事主公司過分嚴苛，建議樓主應該儘快辭職。
另外，部分網民表示，不少公司要求員工準時上班，卻無視員工超時工作的行為。若然公司希望員工按規矩準時上班，公司亦應該允許員工準時下班，或支付超時工作的費用。再者，有部分網民對事主的行為感到不滿，指出準時是個人美德，亦是基本責任，不應該因為公司默許員工遲到而將遲到合理化！
延伸閲讀：【職場文化】幫同事返工打卡 畀老闆發現咗！老闆咁做 被網民大讚好人！
眼見同事作為薪水小偷，經常「遲到早收」，實在令人不吐不快。按圖即看網民對薪水小偷的看法。
延伸閱讀︰【返工血淚史】搭車來回兩個鐘好難頂 網民︰一程車都算，要轉車真係折磨
部分打工仔為求準時上班，都會預早時間出門，讓自己提早回到公司。按圖即看網民對於提早上班有何意見吧！
延伸閱讀︰【辭職學問】遞信後遲到早退又請假 好不負責任？網民：佢已由奴工變為顧問！
最新專訪片︰
【星級斜槓族】網絡女神Hazel林熙彤 甜美外表下藏着老靈魂 辦攝影展留住記憶中的九龍城
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!