【打工仔辛酸史】獨力完成Project 教埋同事做嘢!老細覺得我係畀人幫嗰個?事主大嘆:老細仲以為我得中三學歷……

【打工仔辛酸史】獨力完成Project 教埋同事做嘢!老細覺得我係畀人幫嗰個?事主大嘆:老細仲以為我得中三學歷……

打工仔每天辛勤工作,努力完成上司委任的項目,都是希望老闆肯定自己的工作能力,繼而升職加薪,或者換取他們的肯定,獲得成功感。不過,如果打工仔突然知曉自己努力一直沒有受到上司重視,會有甚麼反應?

近日,有網民於社交媒體平台「奴工處」投稿,指自己是公司年紀最細的同事,一直以來都獨力完成工作,甚至經常教導其他同事處理職務,但老闆一直覺得事主能力不足,甚至以為他只得中三學歷……

延伸閱讀:【辭職禮儀】未過試用期就辭職 仲買唔買散水餅? 網民:睇你同同事關係點啦

按圖了解網民回應:

事主:我今年27歲,係全公司年紀最細嘅員工。每次交project畀老細嘅時候,佢都會問係唔係某某同事教我或者幫過我。明明好多嘢都係我自己獨力做晒,仲要好多時候係我教啲同事點做。

有一次,我忍唔住同老細講,所有project都係我自己做,畀晒所有自己做同教同事做嘢嘅證據佢睇,希望老細唔好再成日覺得我係有人幫先可以完成到啲project。之後大家坐低傾咗陣,我先發現老細一直以為我得中三學歷,佢係完全無睇過我份CV……

我聽完之後好嬲,即刻遞信辭職,老細話升我職希望我留低,但我拒絕咗佢。點解返工有幾努力做嘢都好,老細永遠都唔知道。

網民A:老細一直睇唔到員工嘅努力同付出,真係快啲辭職算,總有其他公司老細會留意到你嘅付出。

網民B:畀我嘅話就升完職先再辭職,畀自己個title好睇啲,搵工都易啲。

網民C:睇嚟係有啲老海鮮係老細面前攬晒啲功勞上身,吹噓自己點樣教你做嘢。

網民D:老闆睇唔到你付出或者成日覺得你無努力,永遠唔會有升職嘅機會。

網民E:老細講就話會升你職,但到你真係留低,佢又會唔知拖幾耐先會升你職。

網民F:出嚟做嘢識人好過識字,能力高唔代表升到職!

網民G:如果老細唔鍾意你嘅話,就算你幾努力都好,佢都會話你唔努力。

網民H:老細或者上司唔願意肯定你付出過努力嘅話,好應該早走早着。

網民I:樓主辭得好!

網民J:通常見你辭職先話會升你職嘅老細,都係伏味濃!

網民K:其實樓主老細都幾醒,將樓主用到盡。

延伸閱讀:【職場熱話】一人一個返工領悟嘅真理!識人好過識字、做嘢唔好做太快、切記要扮蠢!

眾多網民都支持事主的決定,認為身為老闆,沒有留意員工的付出、肯定員工的努力,只會令員工對公司感到失望,加強了他們離職的意欲。部分網民表示,事主有着優秀的工作能力,老闆沒有好好善用,是他的損失,離職尋求更好的發展機遇才是上策。此外,有少部分網民認為,是有其他老海鮮同事搶走了事主的功勞,使老闆誤以為事主工作能力有待改進。

延伸閲讀:【職場熱話】衰同事收起其他人文件 打工仔:見識到職場黑暗

按圖即看香港工作環境是否懲罰忠心打工仔:

延伸閲讀:【職場熱話】打工仔呻老闆成日畀額外工作:令我日常工作延誤 點算好?

按圖即看4個方法辨認職場毒瘤行為:

延伸閲讀:【職場熱話】見工間公司不允許外出食飯 事主:因為食飯問題拒絕Offer係咪好傻?


最新專訪片︰

【金像獎背後】憑《年少日記》獲多個獎項提名 編劇、導演卓亦謙:時刻提醒自己不要心高氣傲!

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related News

  • 【銀行熱話】銀行員工扮工扮出鑊?美富國銀行突炒10多名員工 因為用咗OOO神器!僱主又可以點樣有效防止員工「扮工」?

  • 【打工仔幸福感】月入逾$O萬 幸福感會較!6成自認幸福感高打工仔 有4大特點!

  • 【打工仔辛酸】大老細係超級控制狂 有同事竟做到OOOO?網民:快啲裸辭保平安啦!

  • 【打工仔辛酸】一人一個返工壓力大徵狀!晚晚失眠、極不願意入公司門口、電話一響就焦慮……

  • 【職場熱話】轉工感幸福 打工仔終於可以放假同家人OOO!網民:無嘢重要得過屋企人

  • 【薪酬待遇】打工仔加人工 竟然只加得OOO?事主大怒:加完等於無加過咁濟!

  • 【職場熱話】打工仔要做陪審員 老闆一舉動隨時犯法!網民:叫你老細有咩留返同法官講!

  • 【4天工作周】4天工作日返10小時VS. 5天工作日返8小時 究竟點揀好!網民:梗係揀返4日啦!

  • 【打工仔辛酸史】打工仔放假去旅行 竟因為OO畀上司鬧爆工作能力低!事主大嘆:啖氣真係吞唔落……

  • 【殘酷2選1】中型外資公司經理VS全球Top100公司普通員工!選擇人工好定名聲好?網民:梗係睇工作量!

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow