【打工仔辛酸】點解依家啲大學生咁難教？教兩次都仲錯！網民：不嬲薪金同質素成正比

隨着畢業季節過去，一大批職場新人正式投入勞動力市場。然而，近日不少資深打工仔紛紛發文，抱怨新一代 00 後新人的實際工作能力與其亮麗的簡歷（CV）嚴重不符。最令前輩崩潰的，莫過於新人自稱精通各類辦公軟體，但在實務操作時卻表現得如同「電腦小白」，甚至連基本的 AI 工具亦不會運用。這種「預期與現實」的巨大落差，正成為辦公室矛盾的新導火線。

打工仔熱話速遞：5種「高薪但極短命」職業｜世界最佳城巿2025排行榜｜打工仔最想喺邊間公司做

網民怒斥00後CV造假

樓主：點解而家啲00後可以咁蠢？最近公司嚟咗個00後，返咗都成個幾禮拜，樣樣嘢都已經教咗兩次以上，又話自己返好多intern 啲嘢好熟手，但係叫佢整份報價，份嘢交出嚟錯到七彩，啲位歪嘅，word 行距又唔識較，excel 叫佢用vlookup 都話唔識，仲好意思係份cv 上面寫Skill:MS Office ！
我都已經唔介意，仲提你有咩唔識可以用AI，AI咁發達都可以話唔識用，明明你班大學生份份assignment 都係用ai做，到底而家班大學生除咗識上莊開Party之外，仲識啲咩？
網民A：唔好見到一個00後蠢，就當晒全代人都係咁啦好冇？老實講，你教兩次就Expect人識晒所有流程，咁你當年第一份工係咪神嚟㗎？Word行距、Excel formula呢啲你覺得簡單，因為你已經做咗幾年，人哋啱啱入職緊係會亂。
仲講到AI咁神，好似用AI就識晒所有嘢噉。AI係工具唔係魔法棒，唔識設prompt、唔知邏輯，AI都幫唔到。你見00後啲assignment靚唔代表佢抄AI代表佢廢，只係依家教育本身就迫住咁玩。
而且，00後唔似以前咁老實捱，佢哋係想搵方法快啲搞掂啲嘢，唔代表唔肯學；反而係成個年代變咗，職場規則啲人仲用十年前嗰set嚟judge新一代。所以真係講句，唔係00後蠢，只係你未識用00後。你要人快，你要人叻，你就要update埋你自己個mindset先！
網民B：永遠薪金同質素成正比㗎啦。
網民C：邊個大學畢業乜都識？ 好多社會工作技能同經驗慢慢儲， 做過intern 又點？ 同full time 好大分別，每一個都新仔做起，做錯嘢係人都有，你咁叻咪請個有幾十年經驗囉！
網民D：我個人的管理風格是，除非對方是不願意做不願意學，如果唔係，新人初期的工作表現，一律是資深同事的責任。你要明白，除非你可以比到AO那些級別的人工，如果唔係，你永遠沒有可能請到完美的員工，如何改善新人的工作質量，永遠最好覺得是自己的責任。
網民E：Office呢啲嘢個個都係咁填，但係個個都唔識執格式（format），大學唔係VTC，真係冇教人做文件㗎。
網民F：你講吓你公司開咩價請人先不如。
網民G：畀你知我咩都識，咁你咪掟曬啲嘢畀我做？
即便事主主動提醒可以使用 ChatGPT 或 Copilot 等 AI 工具來輔助完成任務，該新人亦表示無從入手 。這反映了一個嚴峻的現實：雖然年輕一代在日常生活中頻繁接觸社交平台（如 Threads、Instagram），但他們往往缺乏將科技轉化為生產力的能力 。

🔥最熱門地區職位空缺🔥
🔗職位空缺傳送門🔗
▶️【中環】工作機會
▶️【上環/金鐘】工作機會
▶️【銅鑼灣/灣仔】工作機會
▶️【鰂魚涌/太古/北角】工作機會
▶️【觀塘區】工作機會
延伸閱讀：【面試奇聞】5個口組成甚麼字？求職者斥「刁難」離場 兩大結局神反轉！
 

延伸閱讀：【入職必睇】Offer到手先係開始？新人被迫簽「自願」條款：無薪OT、扣假、扣糧齊晒

延伸閱讀：【失業問題】 AI裁員真相曝光！研究驚人發現：老闆借AI開刀炒人！背後原因極荒謬！

延伸閱讀：【職場關係】返工唔埋堆、食飯Me Time竟被當異類？網民：唔社交先係最舒服嘅生活狀態！

---

最新專訪片︰
【職業背後】26歲突告別摯親後 棄家族生意成殯儀策劃員 決心用香燭燃亮每位家屬前路

⏩⏩  需要請人？立即刊登招聘廣告！  ⏪⏪