Next
【Open office】開放式辦公室被管理層包圍好唔自在 網民：無聊人先會介意
【Open office】開放式辦公室被管理層包圍好唔自在 網民：無聊人先會介意
2022-09-30
為了迎合工作空間新潮流，許多辦公室已經改為開放式設計。開放式辦公室（open office）移除了傳統辦公室的隔板，使員工在工作期間更容易看到同事的臉孔，增加溝通機會。不少人認定這種設計會帶動討論，提升團隊凝聚力與歸屬感，但工作氣氛繃緊的香港，人事關係複雜，很多人避免與同事有過多交流，尤其是上司。
最近，社交媒體專頁「奴工處」有一打工仔投稿，表示過往曾於某企業的開放式辦公室工作，怎料身旁全是管理層，感到渾身不自在。
延伸閱讀：【職場八卦】同事扮去廁所落街拎外賣 打工仔：坐門口位真好
即睇事主分享與網民回應：（按圖了解）
事主：有咩慘得過返open office工仲要坐三煞位，被managers全方位包圍？我左邊係director間房，後面係我manager，右邊係senior，前面又一個manager，而3點鐘位置就係HR manager。先唔講open office仲嘈過街市，就連嘆氣都有人聽到，咪使旨意扮工。而家轉咗份正常office工，終於有得唞下……
網民：咁要睇吓你咩職位先喎！如果你係VP，你隔籬幾位咪又覺得自己坐緊三煞位。
網民：前後左右都被高層包圍，你職位都唔會低得去邊……
網民：聽落好似個個都係高層，公司無卒仔。
網民：成間公司都係高層，你改埋title做CEO，咁就可以一齊圍威喂喇！
網民：只有好得閒、好無聊嘅人，先會以為人哋每分每秒望住你。
網民：你做自己咪得囉，理得人啫！同樣你啲manager做私人嘢都會被你睇到啦！
網民：最唔like open office，真係嘈到死！之前份工隔籬部門主管成日大大聲video conference。好心啦，間公司有幾間大房都唔用，我唔想知你匯報啲咩事呀，嘈住晒好騷擾囉！
不應過分緊張？
多名網民表示，身邊遭高層包圍或暗示事主職位「唔會低得去邊」，認為不應該過於緊張。不過，有些網民指出，當今有職銜通脹（title inflation）現象，笑言事主公司「無卒仔」，「個個都係高層」，更有留言提議事主也可成為「行政總裁」，成為高層一份子。
部分網民則指，就算四周皆為高層，工作期間不應過分理會身邊的人，直言無所事事的人才會害怕被高層斥責。某名網民則指，高層也會擔心做壞榜樣，難以在下屬面前處理私人事。
原來不少打工仔對open office安排都有微言，究竟點解呢？立即按圖睇吓眾網民嘅經驗啦！
好多人覺得open office似街市，但辦公室太靜都會係問題，按圖即睇公司靜過太空嘅5大壞處（按圖了解）
延伸閱讀：【職場熱話】打工仔呻公司茶水間唔可以放零食 原因是老闆要OO？
延伸閱讀：【職場熱話】無料上司辭職打千字文列出「豐功偉績」 同事大呻：好嘔心！
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!