【NGO熱話】社福機構請文員 但要識拍片、剪片 人工仲要只係得⋯

【NGO熱話】社福機構請文員 但要識拍片、剪片 人工仲要只係得⋯

進入這個影片主導的時代,每個人以為有一機在手,就可以上傳個影片當個youtuber,而幾乎所有行業都需要拍片,而正因為影片製作的普及,令不少公司的HR都誤會了拍片、剪片、後製是每個求職者都必備的技能……

延伸閱讀:【職場文化】被上司搶功勞 辛苦成果被沾光 點樣應對先啱?

有網民在社交平台專頁「奴工處」上投稿分享,指:「最近見咗份工,Title係商場嘅顧客服務經理,面試官居然問我識唔識拍片同剪片……」明明風馬牛不相及,卻如此被問,實在令人不解,不少網民都回應道:「一萬人工要有三萬人工嘅能力。」、「好似拍片剪片係中學生嘅技能咁,好似識鋼琴唔會寫落CV咁樣,過多幾廿年就會個個都識……」及「聽過做sales都要拍片、剪片。」

說到公司機構都想以低價講萬能人,有網民則分享,自己見過有NGO請文員都要百般武藝!處理文員一般的工作外,還要懂得做設計、拍片等多媒體工作,真的令人十分驚訝!

即睇網民討論:(按圖了解)

網民:「唔出奇啊!我都見過有啲社福機構請文員要識拍片、剪片、執相、整宣傳海報+ 一般文員職務……」

網民:「我見有啲社福機構嘅中心主任都要做你講嘅工作。」

網民:「主任要識做唔出奇!佢哋人工高成倍喎!但一般文員都要識做晒,就真係唔合理,得12K至13K左右,搵鬼做咩……」

網民:「搵食艱難。」

網民:「除樓上講嘅,仲要做埋reception,搞活動時set場、收場、買及訂物資、計糧、編更等。同事呢,對上就係堆各級社工,1個會計,對落只有1個part time清潔姐姐,所以呢個文員真係10對手都唔掂,返咗3日就係咁先喇!個filing房成10年冇執過,director叫我得閒執吓喎,唔趕嘅。明哂點解10年都冇執過啦!」

網民:「我做嘅文員係receptionist + IT + designer + 訂物資 +秘書+ pantry 清潔倒垃圾 +買外賣 +執雜物房 + CS + HR。」

網民:「十八般武藝!」

網民:「做過舍監,搞活動、寫report、派藥、捉舍友分飯、洗碗、洗衫、倒垃圾、買餐訂餐、寫交更、文職包括點算物資、活動紀錄,仲要寫詳細活動report、規劃、預算、目標,仲要幫手搬嘢、巡邏、幫護士職業治療師上堂,然後各重大中小開會,做到差啲死都算,食飯想自己靜吓唔埋堆,唔蛇王都畀人搞,呢世寧願餓死都唔再撈NGO嘅工,係服務對象慘,有心做嘢嘅會被迫害,求其交差嘅升官。」

網民:「啲社福請小巴司機都要有電工A牌,做埋維修同office送件,勞工署個網大把。」

網民:「重點出9千蚊人工。」

網民:「當年搵兼職見NGO話做文件派遞,in個時問識唔識整網站,又in過一份外賣步兵,in個時話要入廚房幫手。」

 

超出自己專業範疇應該做嗎?
不少公司機構對專業範疇的認知都很少,以為拍片、剪片、後製、設計、執相、造圖全都很簡單輕鬆,但現是每個專業都是需要時間去製作,如果求職者發現工作範疇過於不合理,實在不要勉強自己!巿場上一定還有其他機會,你要知道自己可以選擇,不要未開始就已經抱有屈就的心態,這只會令自己的壓力和負面情緒不斷累積。

延伸閱讀:【職場文化】被上司搶功勞 辛苦成果被沾光 點樣應對先啱?

延伸閱讀:【職場兩性】女同事Last Day突然表白 男事主苦惱:我有女朋友…

延伸閱讀:【職場熱話】9K請遊戲設計兼寫App 被網民大鬧無良公司!

延伸閱讀:【職場熱話】人工高、同事好 唯一苦惱係每日返工來回4個鐘!你會點做?

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告