【點知面試請唔請？】HR問呢啲問題即係唔請？網民：不如唔好浪費大家時間！

每位打工仔求職的過程中總免不了要面試，面試的本質是為了篩選出最適合的求職者，但是如果HR在面試過程中詢問一些無聊問題，目的又是為了甚麼呢？

有打工仔社交媒體專頁「奴工處」發文指，HR決定不聘用求職者時，往往會詢問一大堆無聊問題，並由你的答案中「雞蛋裡挑骨頭」，令不少網民大嘆「不如唔好浪費大家時間！」

延伸閱讀：【職場文化】HR揭1個年輕打工仔特點！質疑「唔怕CV肉酸？」網民反駁：人工最緊要！

按圖睇樓主及網民回應：

+10

+9

樓主：其實唔請人點解仲要問埋啲無聊問題？請唔請其實好易Feel到，如果請大多數都會好爽快，講幾句就知佢已經決定請。通常唔請嗰啲反而會問你一大堆嘢寸你。

我人生見過3間飲食主管，問埋啲問題係經典嘅：

1.主管：我哋呢間店喺旺角喎（距離我屋企兩個站）！

我：OK呀，都近我屋企。

主管：你之前尖沙咀仲近啦（距離我屋企一個站）。

明明我冇講過返工遠……

2.主管：點解要下星期一先返得工嘅？

3.主管：點解你要見我哋間舖嘅？其實類似嘅舖頭，呢個商場周圍都有㗎喎！嗱，下面有間XX啦，後面都有間XX喎。再唔係遠少少都有間，你有冇去睇過呀？

我好直接答佢因為你哋人工高啲先見工。我心諗，唔請就唔好浪費大家時間啦，又唔係問我識煮啲咩，或點樣煮嘅有關問題，佢一路問我就一問反白眼好想快啲走。

網民A：我試過畀人In咗個幾鐘， 請埋我飲咖啡，仲話我係一個好嘅Candidate。正想問佢幾時開工嘅時候，佢話暫時唔會請人，不過佢好impressed我點點點，我淨係心諗：你唔請人出Job Post做咩……

網民B：感覺係有內定嘅人要請，但係唔可以唔登報請人，唯有Hea啲求職者。

網民C：點解嚟見工？因為我失業，我窮，我無錢囉！

網民D：好明顯係唔識問人，又要夾硬講啲傻嘢嚟問人！我以前見工，遇唔少唔識問人嘅所謂面試官。

網民E：小心有伏！特登問啲問題嚟刁難你，然後佢話你唔識呢樣嗰樣減你人工。

網民F：其實佢哋都係收集定啲人，到有需要時就會叫你返工。

網民G：HR跑數咋……樓主係陪跑員，唔使灰心！

網民H：問題想突出呢間舖有幾優秀，有幾與别不同，但對應徵者評估毫無意義！

網民I：兩個站好遠都問得出，香港有幾大呀？

網民推斷，為何HR明知不會聘請，仍要以挑剔問題質疑求職者，是因為兩個可能性，第一是其實HR與一般打工仔一樣，也要追KPI，所以需要安排一定人數的求職者進行面試，以顯示自己「有做嘢」；第二個可能性是因為本來已經內定會聘請一名求職者，所以只好刁難其他求職者。

睇埋點樣改善HR第一印象？

+9

+8

+16

+15

延伸閱讀：【見工面試】求職者面試中5個不能講嘅大話！

延伸閱讀：【轉工跳槽】拒絕Offer應否提及搵到工？HR咁樣講⋯

延伸閱讀：【人力資源丨行業術語大全】「418」、「HRBP」你識幾多？15大面試、返工必學HR術語一覽！

最新專訪片︰

【office豪華旅行團】GT Group超日系辦公室展現年輕活力 仲有Poolside畀員工放水燈！
 

⏩⏩  需要請人？立即刊登招聘廣告！  ⏪⏪