Next
【金融危機】美國SVB矽谷銀行爆煲、瑞銀收購瑞信 會點影響大學生報工？
【金融危機】美國SVB矽谷銀行爆煲、瑞銀收購瑞信 會點影響大學生報工？
2023-03-23
美國矽谷銀行（Silicon Valley Bank，SVB）身為美國頭20大商業銀行，最近陷入爆煲風險。該銀行雖然在香港並無太多業務，但他們一旦破產，很有可能產生連鎖效應，重創許多巨型Start Up公司，甚至影響不同銀行的部門。同一時間，瑞信銀行亦因此陷入重大危機，令其股票創歷史性新低，最終被瑞銀集團（UBS）收購。簡單而言，香港大學生無論應徵投行或銀行的前中後台部門，或者科技行業的公司，都會直接受到影響。以下為大家詳細分析是次歐美金融危機，如何影響銀行各部門的招聘，以及面試時有機會被問的問題。
最新銀行及金融職位空缺：https://bit.ly/3K0np1n
美國SVB矽谷銀行爆煲、瑞銀收購瑞信懶人包：（按圖了解）
問：為何會發生SVB矽谷爆煲事件？
答：SVB矽谷係美國排行第16大嘅商業銀行，總資產約1.63萬億港幣，旗下存款更高達1,754億美元。SVB除咗提供傳統銀行服務之外，仲同風險較大嘅初創企業融資。矽谷倒閉係因為呢一年矽谷的存款因初創企業現金流問題而大幅減少，然後矽谷迫於無奈以極低價出售其持有嘅債券去換取現金流，造成銀行巨額虧損，從而引發市場信心危機。好多風險投資基金要求投資嘅初創企業盡快提出喺矽谷嘅存款，要24小時內一次過提取巨額對SVB造成極大負荷，導致爆煲。
問：為甚麼瑞信股價大跌，CDS Spread爆升？
答：另外上個星期瑞信可以話係禍不單行，首先係上兩個星期被美國監管機構延遲佢哋發佈年度報告，之後就有SVB爆煲，上個星期更爆出瑞信由2021年開始對於佢哋內部監管及風險管制存有重大缺陷。消息一出，瑞信股價立即直線下跌，上星期三更跌咗24.2%，蒸發咗超過70億美金嘅市值。佢哋嘅CDS Spread直情升咗超過1,000 bps。最新消息係瑞銀以30億瑞士法郎收購瑞信，而瑞士央行亦會向瑞信提供高達1,000億瑞士法郎的流動性援助貸款。
問：監管機構點樣應對今次金融危機？
答：首先聯邦政府喺上星期日提出咗解決方案：
- 將矽谷銀行客戶嘅存款保障額上限取消，而且可以立刻提款。
- 對於其他同矽谷銀行有類似資金流問題嘅銀行，可以將相關債券以面值全額抵押比聯儲局，以解決流動性問題，現階段基本上防止咗出現金融系統崩潰嘅可能性。
- 至於喺英國方面，喺政府嘅協調下英國匯豐銀行宣布以1英鎊價錢收購矽谷銀行英國分部並注資20億英鎊以提供流動資金畀矽谷英國分行嘅客戶。
問：SVB矽谷爆煲及瑞信危機關同學咩事？面試唔同部門有啲咩要識？
對投行唔同部門嘅影響：
- S&T：基本上對每一個Asset Class都有嚴重影響，銀行股突然大跌，大家面試Equity時要識分析事件。另外，如果你面試Rates/Credit/Commodity一定要知，因為市場產生信心危機，市場預計聯儲局下星期將會只加息25bps，減少加息力度，美國債券dividend yield同步下跌，債券價格反彈，而避險需求上升，所以金價飆升。另外，面試都好大機會問你SVB事件同Mortgage Backed Securities（MBS）同Credit Default Swap（CDS）市場嘅關係，你一定要識深度分析！
- PB/AM：一般會問你點畀個客投資建議，其實SVB爆煲令到客戶對市場同系統有信心危機，從而重新審視資產分配。更多客戶而家傾向將資產投放於債券甚至定期，以等待更好嘅股票入市機會。對於專業投資者客戶，市場波動性亦增加佢哋對Structured Product嘅需求。
- Corp bank：呢件事對大行Cash Management反而更有利，而家嘅存款客戶更傾向於類似JPM嘅大型金融機構。但對貸款部，某啲行業（如科技業、金融業）嘅貸款違約機率一定會增加，借貸審批一定會難咗，變相難做新生意。
對你報Risk Management、Compliance及Finance部門嘅影響：
由於SVB爆煲事件係因為Risk同Treasury team對於Capital Management做唔好把關，令到銀行陷入危機，而且系統性嘅風險增加。經過今次事件之後，預計監管機構對於銀行嘅資本控制；尤其是中小型銀行亦會變得更加嚴格，導致銀行存款成本亦都可能會大幅上升，從而擠壓銀行嘅利潤率，對將會報Middle/Back office嘅同學，好大可能會被面試官問你對呢件事嘅睇法。所以同學要開始組織返成件事嘅成因後果，分析你對事件嘅睇法，咁就可以令面試官刮目相看。
對其他巨型Start Up公司，特別喺科技行業嘅影響：
雖然而家佢哋喺SVB嘅存款已經受到一定嘅保障，但係今次事件亦都產生咗市場及投資者對於佢哋嘅風險管理嘅反思。加上而家仲處於加息周期，對於呢啲Start Up公司嘅估值同融資機會都會受到好大影響。
問：今次金融危機對同學報工有咩影響？
答：喺短期內唔同投行headcount可能傾向保守，瑞信無可避免地需要內部重組及進行一定裁員，甚至某啲部門未必打算請人。我哋當然求神拜佛矽谷銀行爆煲唔會帶嚟嚴重嘅連鎖反應，但呢件事依然不斷發展緊，後續會有咩情況仍然有待觀望。呢兩件事對銀行及金融業、科技業一定會受到或多或少嘅影響，而面試亦無可能唔問及呢件事！
最新銀行及金融職位空缺：https://bit.ly/3K0np1n
（文章由HKCareers提供）
HKCareers是一個專為大學生提供實習和畢業求職資訊及咨詢服務的網上平台，幫助同學一步步實踐自己的職業規劃。
銀行界最新消息｜銀行入行攻略｜銀行界人物專訪｜銀行界八卦｜名家專欄
延伸閱讀：【說好香港故事】3月舉行多場金融監管界國際會議 金管局余偉文：讓財金界人士體驗Hong Kong is back!
延伸閱讀：【銀行界傳奇】窮小子變高盛任期最長CEO 打工皇帝賺逾11億美元 Lloyd Blankfein的華爾街奮鬥史
延伸閱讀：【工作時數】銀行邊啲部門最Chur？最輕鬆？一文比較各個崗位工時
---------------------------------------
有新嘢‼️覆老細&同事唔使打字，有【CT打工仔秒回系列】WhatsApp Sticker即刻搞掂🥰
即刻撳入嚟下載啦‼️👉🏻https://bit.ly/3XCqYyY
最新專訪片︰
【女強人的誕生】轉行半年由經理晉升至主管 戶戶送香港區客戶經理主管Yoko自發統籌培訓課程 關心團隊自我成長
Look out for further updates on our Facebook fan page!
Follow CTgoodjobs for the latest career news, hot topics and recommended jobs!