Next
【辭職學問】資深同事離職刪除電腦所有文件 損害公司資產可能犯法？
【辭職學問】資深同事離職刪除電腦所有文件 損害公司資產可能犯法？
2022-06-10
正所謂「凡事留一線，日後好相見」，打工仔辭職最好當然是與公司好來好去。不過如果是不愉快地離職，有時可能會「火遮眼」做出報復僱主的行動。日前有網民在討論區發文，指資深同事日前離職，沒有做好交接之餘，更刪除電腦內所有個人文件，連IT部都沒法back up。有網民指出有關行為可能已犯法，僱主有權要求賠償。
延伸閱讀：【網絡熱話】日資公司職場文化好難頂？人氣壽司店職員返工一日即劈炮
按圖即睇事發經過：
事主：「資深同事離職，啲files跟人唔跟server，依家大家坐哂喺度。佢係前老細秘書，半退休，財務自由唔憂做，基本上係大內總管。佢純粹因為頂唔順新老細，唔想服侍佢而離職。直到佢Last Day，老細都無安排人同佢交接，又請唔到人。」
「佢臨走del埋自己個common drive啲嘢，IT都backup唔到。公司個IT真係廢，del咗兩個禮拜都無，佢竟然話救唔返無留底。而且最重要嘅機密嘢一直都係同事Save落自己手指，佢無交畀公司。老實講，我都諗住走了，呢間公司留唔過。」
網民意見：
網民A：其實嚴格嚟講，啲file係公司財產，佢咁樣delete係可以告得，只要有證據。
網民B：畀咗成個月時間你都無人去handover，即係文件唔重要啦，人哋del都咬佢唔入啦。
網民C：間公司睇怕management都係垃圾，一來就算無人走正常都要regular backup，二來激到人走之前要del file。
網民D：講真辭職好心好來好去，Del文件除咗爽一時之外，對自己無好處，後面仲可能有麻煩。
網民E：人哋未走就個個都唔願交接，到走咗就怨無留底……
網民F：就算係最垃圾嘅Google drive都有自動backup，樓主你哋間公司究竟老土到咩程度？
網民G：試過有公司咁樣告，真係告得入，仲要判佢賠好多錢，最後條友破埋產。
網民H：老細管理無方，講到佢係大內總管咁重要，但辭職竟然無人跟？！
員工將公司電腦內的資料刪除，理論上是損害公司資產。一旦發現員工利用公司機密資料後收取利益，公司可以採取民事索償；若是透過電腦取走資料後不當處理，可能涉及不誠實使用電腦罪行；如資料涉及他人私隱及加以運用，甚至已侵犯私隱；如涉版權問題，可能則違反版權條例。一切視乎該人如何使用取得資料。為了雙方利益著想，建議僱主在僱傭合約列明離職後程序，以免不必要的爭辯及導致損失。
作為一個負責任的員工，離職前應該好好處理交接工作。最理想是預先草擬一份交接文件，讓下任同事可以快速了解負責項目的來龍去脈及執行細節。
交接文件中應包含的5項細節：（按圖了解）
同場加映：員工10大離職前玩嘢事跡（按圖了解）
延伸閱讀：【辭職學問】退出公司WhatsApp Group點先得體？HR傳授2個口訣！
延伸閱讀：【職場兩性】女朋友因一件事幫男友遞辭職信 仲賠一個月糧即刻走人？
延伸閱讀：【勞工法例】上司企圖拖延Last Day 辭職通知期計算方法你要知！
如果大家在職場上有不開心想發洩，或是對《勞工法例》有疑難，歡迎投稿給我們，我們會盡量解答你的問題，當打工仔的樹洞！👉 https://forms.gle/o2K2DaZWXzLFhypT7
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!