Next
【職場兩性】女朋友因一件事幫男友遞辭職信 仲賠一個月糧即刻走人？
【職場兩性】女朋友因一件事幫男友遞辭職信 仲賠一個月糧即刻走人？
2022-05-20
在職場上轉換工作是很平常的事，打工仔都想追求更好的薪酬待遇及晉升空間。最近有網民分享男同事辭職賠糧即走的經歷，常人都會以為他有好路數才闊綽地賠上一個月薪金，豈料原來整件事都是其女朋友一手策劃，背後原因令人不知道「好嬲定好笑」。
延伸閱讀：【職場兩性】工程師被女友死黨恥笑 做地盤飽受歧視與攻擊？
點解女友要咁做？（按圖即睇）
事主：「今日收到通知話男同事辭咗職，仲要係補錢即走嗰種。聽到上司講原來佢唔係自願走，又唔係畀人炒，而係佢條女幫佢遞信。之前都有係咁易聽過男同事話佢女朋友係一個控制狂，唔鍾意佢有時要OT。又話公司有啲單身女同事，話男同事好易會有第三者。」
「已經成日為咗份工嗌過好多次交，估唔到今次會直接幫男同事遞埋信咁癲。連錢都幫佢補埋唔使返多一個月工，即刻就可以專心陪女友。聽聞佢女友係幾疊水，遲啲結埋婚可能成世唔使做。我都想可以唔使做又有人養！」
網民意見：
網民Ａ：搵咗個老母做女朋友，慘過食屎……
網民Ｂ：有得食軟飯幾好啊！依家呢個年代，好多夫妻都係「女主外，男主內」，可能你個男同事好enjoy呢。
網民Ｃ：老土都要講句，「一個願打，一個願捱」，祝你個男同事好運啦。
網民Ｄ：有軟飯食仲出嚟打工？不思進取，唔怪得條女嬲啦！
網民Ｅ：呢啲女朋友都有人要？幾有錢執到都喊三聲！
網民Ｆ：呢一類控制狂，萬一懷疑你不忠就GG，叫你男同事注意下體安全。
網民Ｇ：有軟飯食我又唔介意，不過傳到所有同事都知就好無face。
辭職的原因千奇百怪，除了以上男同事的經歷外，有HR分享曾有Fresh Grad解釋「因為媽咪唔鍾意份工要辭職」，此貼文更引發其他網民哄動，分享他們聽過最「無厘頭」辭職理由。
按圖了解更多：
同場加映：5件離職時絕不能做的事（按圖了解）
延伸閱讀：【職場兩性】女子為報復出軌前男友 假扮HR提供工作機會再狠狠Reject
延伸閱讀：【職場兩性】心儀女同事即將離職 打工仔猶豫Last Day去馬表白？
延伸閱讀：【職場兩性】跨越職級的辦公室戀愛可行嗎？盤點7套員工愛上老闆的浪漫劇集
如果大家在職場上有不開心想發洩，或是對《勞工法例》有疑難，歡迎投稿給我們，我們會盡量解答你的問題，當打工仔的樹洞！👉 https://forms.gle/o2K2DaZWXzLFhypT7
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!