【解僱員工】刻苦耐勞VS受歡迎 網民：我係高層會炒你先 炒人有咩要注意？賠償要點計？

身為中級管理層的打工仔有可能需要面對解僱下屬的艱難決定，更可怕的是需要在一班下屬中挑選其中一人去解僱。有打工仔在網上討論區「連登」發文，向網民提供選擇題，詢問網民建議解僱哪一名員工。結果網民表示，「如果我係公司高層，會炒咗你，留佢兩個。」

延伸閱讀：【職涯規劃】38歲慘遭公司解僱！要養家又唔想由低做起點算好？網民分享過來人經驗！

按圖睇樓主及網民回應：

+11

+10

樓主：如果有兩個下屬，你會揀炒邊一個？下屬A：相貌平平、做嘢忠忠直直、刻苦耐勞、肯捱，但係做嘢多甩漏，學歷背景好一般。佢而家三字頭，有頭家，而且仲供緊樓。

下屬B：靚仔受女同事歡迎、三大畢業、做嘢效率高，後生單身95後冇咩負擔。但係佢講嘢太直，態度一般，返工遲到早走，冇時間觀念。

網民A：如果我係公司高層，會炒咗你，留佢兩個。

網民B：邊個可取代性高啲，咪炒邊個囉！

網民C：睇個職位需要邊種人，完全係兩類人嚟喎。

網民D：我效率高，做完嘢咪收工，有咩問題？

網民E：邊個人工高就炒邊個。

網民F：炒晒兩個，請兩個靚女返嚟！

網民G：有個供緊樓嘅下屬就最好做，炒下屬B，然後叫供緊樓嗰個一個頂兩個，再放風出嚟「如果佢再係咁多甩漏，下次到佢。」隨時解決埋甩漏問題！

網民H：全部炒晒，再請外勞。

網民I：本身個位如果唔使好叻嘅人做嘅話，咁就炒B，因為B遲早都會走。

網民J：B呢啲會自己隨時轉工走；A呢啲你每年加500蚊人工都唔會走。

網民K：炒晒兩個之後用AI取代！

網民L：做嘢嚟講，有責任感遠遠大過醒目。

要注意，在解僱員工時需要遵守法律規定，並提供合理解僱理由。根據《僱傭條例》，僱主必須給予適當的通知期或代通知金，除非是即時解僱的情況，否則通知期通常不少於7天，具體視乎合約條款而定。但是，如果你在員工懷孕、產假、病假或工傷期間解僱對方，有可能會構成不合法解僱。

解僱賠償

需支付的款項包括：未發放工資、代通知金（如適用）、未放年假薪酬、年終酬金等。服務滿2年以上的員工如因裁員被解僱，有權獲得遣散費；服務滿5年以上的員工如非因裁員被解僱，有權獲得長期服務金。但是遣散費及長期服務金並不可同時獲得。

去旅行期間被解僱…

+12

+11

45歲打工仔被勸提早退休？

+12

+11

延伸閱讀：【職涯規劃】 40歲打工仔入職大公司1個月！已經想辭職唔做？「起初好有熱誠，越嚟越唔想做⋯⋯」

延伸閱讀：【職場熱話】上司直接出Reference letter竟被HR質疑犯法 網民：佢老細ＯＯ咪犯法囉

延伸閱讀：【職場熱話】放完假返公司發現部門大換血 事主驚悉冇被炒因1個離譜原因 網民：搵定工啦

最新專訪片︰
【星級斜槓族】JACE陳凱詠自組工作室成獨立音樂人 新歌《間歇性休眠》紀錄人生低谷期 鼓勵大家勇敢面對人生考驗

⏩⏩  需要請人？立即刊登招聘廣告！  ⏪⏪