Next
【見工面試】HR要求隔天早上見工 遲咗覆被已讀不回！公司咁做竟被網民怒罵？
【見工面試】HR要求隔天早上見工 遲咗覆被已讀不回！公司咁做竟被網民怒罵？
2023-09-15
找工作期間，求職者要打醒十二分精神，以免漏接公司電話，白白錯過加入心儀企業的機會。不過，人總不能24小時待機，如若求職者沒有接到人力資源從業員（HR）的來電，部分企業會歡迎求職者回電；亦有公司選擇無視對方的回應。有台灣求職者在網上討論區Dcard訴苦，指自己錯過秒回HR訊息的機會，晚了回覆被已讀不回，網民都替他感到不值，甚至怒罵公司！
點圖了解更多事主分享：
「我而家仲係在職，因為一直有睇啲感興趣嘅職位空缺，所以都有轉工嘅諗法，有嘗試Apply，因此得到對自己嚟講較為理想嘅職位面試機會。
但公司希望我配合嘅時間，有啲難安排（佢直接約我隔日朝早），由於工作好忙，個Message都只能夠等空檔嘅時候覆，一開始我有問佢『會唔會有其他面試時間』，被已讀咗2個鐘，屋企人建議我直接覆間公司『可以呢個時間去面試』，但之後佢就一直不讀不回我啦......
我真係同公司拎咗假，但完全收唔到對方回覆（連已讀都無，咩詳情都無，只係問可唔可以嚟）我白白請咗假。後嚟間公司Send Message畀我，話因為我無去，所以跳過咗我，完全0通知，連已讀訊息都無。
後來我有嘗試繼續聯絡間公司，講明個詳細情況，但一樣無辦法安排額外嘅面試，想知道我喺邊一步做錯咗？係唔係我唔應該信屋企人嘅建議，導致決定太過魯莽，仲臨時同在職嘅公司請假；或者我應該無論有無被已讀或者回覆，都應該直接去面試？心情真係好差，唔知自己喺度做緊咩。」
網民回應：
A/直接約隔日朝早，仲要唔另外畀時間，咁唔尊重人嘅公司，唔需要覺得難過，去嗰度面試，不如喺屋企休息好過。
B/搵工呢家嘢，有時候都幾講緣分。塞翁失馬，焉知非福？你錯過咗呢個工作機會，或許係好事。你唔需要一直覺得係自己做錯。你諗吓，呢間公司聯絡應徵人員咁隨便，無好好溝通清楚，連約面試都唔太重視，仲要臨時先通知。
但是你喺呢次事件入面，你都學識咗，要「把握機會」。你要搵新工，但是你個心都仲係全部放喺而家份工上面，以而家嘅工作為第一優先，而家工作忙完，先得閒有空處理新工作。即係代表你自己都未準備好要放低而家嘅工作，有牽絆，你就走唔甩。
C/知道人選在職，仲要無常識，約呢啲時間嘅公司，通常都無合作必要。
我自己通常會詢問可唔可以安排中午或收工後嘅時間先通個電話，喺當中確認自己搵工比較在意嘅幾項重點，例如職位空缺嘅狀況或薪資待遇範圍，唔啱自己需求，就唔使浪費時間去請假。
而不願意安排，我會軟性請對方再評估：因在職身份同考量對方招募流程成本，或許盡可能促進雙方合作結果嘅前提下再安排面談。目前呢個方式，能先安排電訪嘅機率大概五成。以上分享，祝順利！
D/我都覺得樓主唔使太難過。有啲公司雖好，但好不近人情，亦都唔尊重員工。好同唔好，有時候都好難講得明，但是尊重員工嘅公司，喺我心裡面一定是優先加分。
E/咩垃圾公司，勁遲先約，仲要第二日朝早～
F臨時約面試=好缺人
已讀不回=唔尊重人
雖然是打一通電話就會有答案嘅事，但呢個面試邀約嘅過程，感覺都唔係咩好公司。
G/我覺得唔去都還好！感覺他們唔缺面試者。
H/恭喜妳避開地雷，從公司做小事嘅方法，就能知道佢哋做全部事情嘅方法，喺招募流程如此隨便嘅公司，放佢去啦！
約面試也是一種學問？
對於事主的分享，大部分網民都表示同情，並強調這種公司即使沒能加入也不算可惜。提及事主因為工作太忙而無法即時回覆公司的邀約訊息，有網民就認為事主是未做好換工作的心理準備，現時的工作對他來說仍然很重要，建議事主學會調整心態，否則對現任工作有了牽絆，就難以離開現時的職位。
作為HR要為員工着想，當中包括有潛在員工，即是求職者。假如得悉求職者仍在職，就應該先致電了解對方的情況，再調整面試的安排，而不是單方面決定一切。歌詞有提及「莫道你在選擇人，人亦能選擇你」，在HR挑選求職者的同時，對方也在選擇適合的公司。若然因為這種小事，錯過人才就未免太可惜。
錯過HR的來電，應該怎樣回電？（點圖了解更多）
即睇4大面試中伏位！
延伸閱讀：【職場趨勢】TikTok成打工仔發洩工具？10大熱門職埸趨勢關鍵字！
延伸閱讀：【職涯規劃】30歲必須月入3萬元？20個職場人生道理
延伸閱讀：【工作電郵】寫Email標題唔可以亂寫？7個最常犯嘅錯誤你有冇犯？
延伸閱讀：【職場溝通】Z世代與職場老海鮮難以相處？逾1成上司於首周解僱年輕員工！
超準MBTI魔法測試！你在魔法世界裡的16型人格是什麼?
立即入嚟測試啦!!
👉🏻https://bit.ly/473SlY4
最新專訪片︰
【SHE Says】拒認「女強人」 盼望與員工共同成長 太古酒店集團人才與文化總監陳昭彤：擁有生活的熱情，才會更投入於工作！
Look out for further updates on our Facebook fan page!
Follow CTgoodjobs for the latest career news, hot topics and recommended jobs!