【見工面試】Apply份工即收公司回覆！情況係咪正常？網民反問：咁嘅工你想返咩！

求職者搵工心切，普遍以漁翁撒網形式應徵工作，希望當中有公司回應他的申請。曾經歷求職階段的人，都明白想要收到公司回覆的焦急心情。有台灣求職者在網上討論區Dcard分享個人經歷，指投遞履歷後，相隔半個小時，就收到公司的回覆，並邀請他參加面試，令他感到不知所措，對此網民疑問：「這樣的公司，你想去上班嗎？」

點圖了解更多事主的求職經歷：

+14

+13

「我啱啱Apply咗份工，就收到面試邀請，星期四朝早9點左右，我將封CV send咗出去，結果我9點半，就已經收到HR的通知，打電話嚟約面試，想問咁係咪正常？因為以我所知，HR喺審閱CV後，會交畀想請人嘅部門篩選，再通知合適嘅人嚟面試，感覺個速度太快，好擔心係咪因為工作有啲咩不可告人嘅辛酸，或者好缺人先會咁做？所以想問吓經驗人士嘅意見。」

網民回應：

A/根據過去嘅面試經驗同工作經驗話我知，如果你上司約面試嘅時間，係直接約晚上7點過後（唔係因為你在職，而係佢哋只有呢段時間先有時間傾），假日仲覆緊返工嘅Message，通常工時都好得人驚......我曾經忽略咗呢點就入職，果然每日都OT

B/我係HR，希望畀個意見你，如果你應徵嘅公司有一定規模，通常HR都對職位需要嘅條件都好了解，如果HR評估過，你份CV係適合，即刻約你面試都係好有可能發生嘅事，而你喺文中都提到，會否畀上司睇過，呢個其實係按公司而定，甚至會依據唔同主管嘅習慣嚟作配合。當然，呢份工都可能係伏工，只係希望可以畀另一個我哋實務工作嘅參考你

C/肯定係伏工啦，30分鐘就決定搵你嚟In，感覺係要搵啲無乜能力嘅人嚟做，但如果你無乜專長，就去做啦

D/我覺得你點都要小心，通常急住搵人都好，最少都應該要半日或者一日時間先回覆，半個鐘（甚至唔夠半個鐘）就通知你去面試，通常公司制度都有啲問題.....當然都可以去面試，就當係個經驗

E/咪去見下囉，反正唔會蝕底

F/唔好諗太多，可能只係啱啱食完早餐，打開求職網站見到啫

G/我搵工有2大原則：1/主動搵你，而唔係上市公司，或者打一次電話以上，問你去唔去面試嘅公司唔去；2/好快已讀我份CV唔緊要，但即刻搵你去面試嗰啲唔去，畀樓主你參考吓

H/我覺得好正常啫，我當初Apply份工，公司HR收到CV大槪1個鐘就打嚟約面試，而且係大公司，後來入職先知佢哋一直搵唔啱人，見到我份CV覺得唔錯，先馬上打嚟約我面試，公司福利都唔錯，唔加班，既然有機會去試吓都無妨，當係練習囉

I/公司反應快速與理想人選接觸：係唔係伏工？係唔係詐騙？

不讀不回或慢慢嚟：HR有無做嘢？公司對揀人都無誠意！

而家做招聘都唔容易

公司都有不同的處事方式
對於事主的分享，網民都提出不同的意見，有人指收到CV 後30分鐘馬上約面試，聽起來就覺得像是伏工，公司應該是有問題；但有自稱是HR的網民指，大公司的HR都會知道職位需要的條件，所以才會馬上聯絡合適的應徵者，而未必需要經部門主管的核實，再進行聯絡的程序。

有網民笑言，公司反應比較快，就會被認為是奇怪的公司；要是不冷不熱，HR就會被誤會為沒做事或者是公司對請人不認真，招聘真是不容易。事實上，每間公司的處事方式都有所不同，並不能以偏概全，遇上面試邀請，不妨去嘗試一下，即使發現工作不適合自己，也是練習面試不錯的機會。

HR的小動作可以預測面試結果？（點圖了解更多）

+14

+13

即睇8種HR不想遇到的求職者：

+12

+11

延伸閱讀：【職場趨勢】TikTok成打工仔發洩工具？10大熱門職埸趨勢關鍵字！
延伸閱讀：【職涯規劃】30歲必須月入3萬元？20個職場人生道理
延伸閱讀：【工作電郵】寫Email標題唔可以亂寫？7個最常犯嘅錯誤你有冇犯？
延伸閱讀：【職場溝通】Z世代與職場老海鮮難以相處？逾1成上司於首周解僱年輕員工！

超準MBTI魔法測試！你在魔法世界裡的16型人格是什麼?
立即入嚟測試啦!!
👉🏻https://bit.ly/473SlY4

最新專訪片︰

【SHE Says】投身金融科技行業銳意改革創新 WeLab集團首席財務官林詩慧：我要成為一個像獵人的領袖

⏩⏩  需要請人？立即刊登招聘廣告！  ⏪⏪