【見工面試】求職者被當面通知「不取錄」欲訴苦反被網民挖苦？「面試官唔錯得晒！」

所謂「熟能生巧」，當求職者多參加不同工作面試，就自然能夠掌握應付面試官提問的技巧。面試中未得到理想的結果，因此一時失落，實屬正常事。有台灣求職者在網上討論區Dcard分享見工遇上的不快事件，希望「求安慰」，卻反被網民挖苦！

點圖了解更多事主分享：

+15

+14

「我今年啱啱畢業，本身係理工科系，所以諗住喺科技行業發展，日前收到一間細公司嘅面試邀請。面試當日，我上咗嗰間公司，等咗面試官15分鐘先開始面試，職位所屬嘅部門主管入到嚟睇睇我份履歷，同我講『我個仔同你同年，今年都畢業，佢同你讀IT，佢今年再讀碩士喎，咁你呢？你得學士畢業，覺得自己可以拎啲咩同其他人比？』

講真，嗰陣畀佢問呢個問題，我完全答唔到，因為我喺學校嘅成績一般，因為家境問題，無法再升學，出嚟做嘢都係搵食，返學嗰陣大部分時間都係半工讀，無乜參加活動或比賽，同其他經驗豐富嘅學士同碩士比，無咩優勝嘅地方，甚至輸人一大截。

然後負責面試嘅主官開始睇我嘅成績，問咗我某幾科相關嘅問題，雖然我成績都麻麻，但呢啲科目都同份工無關，佢問『呢科我學咗咩，某啲實驗嘅原理係咩，點樣應用」我老實講，呢科其實我唔太識，分數都係啱啱好，對方只係嘆咗口氣就話『好啦無所謂』

後嚟問嘅問題，都係針對份工好細嘅地方，我完全無相關經驗，所以有好幾題都唔識答，面試官就直接同我講：『你唔係待業咩？應該有好多時間可以上網查資料？或者拎以前學過嘅嘢嚟複習，咁都係一種準備，而唔係我問你一堆嘢，結果你完全答唔到』

因為我安排嘅面試比較多，每間公司只有大槪了解做啲咩，無諗過會問到咁細，呢部分都係我問題，我都檢討緊。後嚟面試官當面同講，『說實話，我哋真係好缺人，希望可以搵啲有經驗嘅人嚟做呢個位，但你完全無經驗，唔好意思，唔符合我哋搵人嘅條件。』前面咁玩我，後嚟就話無經驗唔請，浪費我半個朝早，仲喺度貶低我，搞到我回程心情好差。」

網民回應：

A/無嘢嘅，下次知咪得，之後遇到呢啲面試，走嗰陣同佢哋講，『有你呢啲人喺度，咁嘅公司我都唔想入』咁你會覺得好爽。講真，畢業之後咩都識，佢哋都請唔起啦，唔使覺得難過

B/其實個面試官都錯唔晒，佢可能期待你喺無經驗嘅條件下，展露出其他特別嘅長處，但佢咩都答唔到，只能敗興而歸。

新鮮人面試無得比，只好比學校，有啲人學校唔好但依然可以搵到理想嘅工作，因為嗰啲人可能知道點樣去展露自己嘅亮點，你要好好思考，面試唔係簡單嘅你問我答。

C/你覺得是自己浪費咗半個早上？但我覺得面試官提的問題很恰當，面試就係要做好萬全準備，你無足夠亮眼的履歷，咁就要做好，人哋問咩問題，你都要識得應對

D/ 面試官問題都問得合理，畀你嘅回饋都好有幫助，但你竟然覺得係浪費時間，對方喺度貶低你？呢種態度就係你唔成功嘅原因！建議你返屋企立即記低面試官嘅問題，譬如低分嘅課程你學到咩，再諗下你應該點答，呢種問題肯定之後其他面試官會問，根本係必考題，嗰啲細節都可能係業界常識，快啲記keyword去查去學

E/ 我自己覺得對新鮮人而言，無實戰當然只能針對在學成績去問，睇你分享，覺得佢問嘅嘢都好合埋，就將呢次面試當成經驗，咁先會變得更好

F/呢次係學習嘅經驗，無可能每家公司都隨便就請人，樓上有幾位都講得好好，你自己無拎出自己嘅優勢，反而開始自我懷疑，面試官講嘅都無錯，你無嘢做都可以加強自己不足嘅地方，加油

面試後需要反省？
對於事主的抱怨，大部分網民都不領情，指出沒有做足周全準備的事主，不應怪責面試官，因為對方問的問題都非常合理，亦對事主未來參加面試有很大的幫助。有人建議事主不妨記下面試時問過的問題，並思考自己應該如何回答，這樣才能在下次面試有更大的進步。每次參加面試後，不論結果是好是壞，我們都應該思考自己在過程中有甚麼地方需要加強及改進，這樣才能提升自己的面試表現，增加獲得理想工作的機會。

面試時不能講甚麼大話？（點圖了解更多）

+14

+13

即睇4大面試中伏位：

+14

+13

延伸閱讀：【職場趨勢】TikTok成打工仔發洩工具？10大熱門職埸趨勢關鍵字！
延伸閱讀：【職涯規劃】30歲必須月入3萬元？20個職場人生道理
延伸閱讀：【工作電郵】寫Email標題唔可以亂寫？7個最常犯嘅錯誤你有冇犯？
延伸閱讀：【職場溝通】Z世代與職場老海鮮難以相處？逾1成上司於首周解僱年輕員工！

最新專訪片︰
【星級斜槓族】JACE陳凱詠自組工作室成獨立音樂人 新歌《間歇性休眠》紀錄人生低谷期 鼓勵大家勇敢面對人生考驗

⏩⏩  需要請人？立即刊登招聘廣告！  ⏪⏪