【見工面試】見工成日畀HR話jumpy 網民怒斥：加幾%人工就想人共渡時艱？

「跳槽」一直是備受爭議的話題，尤其是當經濟壓力與生活成本不斷上升時，員工選擇轉工以追求更高薪酬或更好福利，已成為一種普遍現象。然而，「Jumpy」（跳槽頻繁）這個詞卻常被用來標籤那些經常轉工的員工，甚至成為部分僱主或招聘代理壓低薪酬的藉口。有網民在網上「連登討論區」發文，批評HR挑剔求職者「Jumpy」，無奈道：「福利好、人工OK，邊個會想走？」

按圖睇樓主及網民回應：

+13

+12

樓主：到底Jumpy係乜嘢？公司唔加人工，或者只加幾%，追唔到通脹，支出仲隨年齡上升，結果你話我哋要犧牲自己同你共渡時艱？

人都要面對現實嘅，人哋出得起錢請我，唔通我唔轉工咩？又唔見你調返轉諗吓點解原本間公司留唔住人？福利好、人工OK，邊個會想走？返得多唔同公司就代表Jumpy？

你要睇呢個人為乜轉工。佢係唔係handle唔到份工，心唔定，吓吓唔啱就轉行轉公司，或者成日比人炒呢？呢啲先叫jumpy。

而家係間公司需要人，但又畀唔起錢，咁轉公司都係人之常情。根本Jumpy呢個字就係HR同Agent想壓價，或者想踩求職者先講得出。

網民A：同HR 講，如果我哋唔jumpy，你哋嗰行分分鐘冇得撈啊！

網民B：由啲HR口中講得出「Jumpy」呢個字，都知佢哋咩料啦。

網民C：有料唔怕Jump，我每年Jump一次，每次都叫過20至30%，但又畀我Jump到喎。

網民D：其實都係搵藉口壓吓價，我有份做咗6年，佢地都問點解做咗6年唔繼續做。

網民E：其實係調返轉，你見個成日轉工嘅人，驚請錯個有問題嘅員工，所以係HR提心吊膽，係HR Jumpy（緊張不安）先啱喎！

網民F：求其問吓，你唔識應對，唔識講價，咪請另一個醒目啲。

網民G：上一份工做咗兩年幾，呢份做咗接近3年，轉工比Agent話轉工轉得密。

「Jumpy」這個詞在職場上出現，某程度上反映了僱主對員工流動性的擔憂，但更深層次的問題在於：為何公司無法留住人才？在香港這個高生活成本的城市，薪酬增幅追不上通脹，員工自然會尋求更好的發展機會。與其將責任推給員工，僱主更應反思自身的薪酬政策與福利制度是否足夠吸引與留住人才；此外，企業亦應該理性分析員工轉工的原因，而非一味將求職者標籤為「不穩定」。

睇埋：轉工要小心兩大盲區！

+20

+19

睇埋：一年轉一次工=Jumpy！？

+14

+13

延伸閱讀：【見工面試】未辭職應徵公司HR就打電話做Reference check！求職者困惑：我應該點做⋯⋯

延伸閱讀：【職場熱話】返工壓力大到會無端端喊 網民：影響健康一律建議轉工

延伸閱讀：【職場熱話】決定跳出舒適圈 轉工後竟負能量爆登！網民：唔轉工會更加後悔！

延伸閱讀：【職場熱話】辭職被老細威脅封殺 成功轉工加薪3倍 打工仔：完美復仇！

最新專訪片︰
【星級斜槓族】雷同二友為音樂夢想打100份工 用創作回應時代 願成為都市人的心靈「療癒劑」

⏩⏩  需要請人？立即刊登招聘廣告！  ⏪⏪