Next
【見工面試】約11個新人報到 只有1人出現！HR怒喊：唔嚟都通知聲！
【見工面試】約11個新人報到 只有1人出現！HR怒喊：唔嚟都通知聲！
2023-06-20
找工作對求職者來說，是個漫長的過程；進行招聘，就是人力資源從業員（HR）的一大挑戰。成功請到適合的人選，並不是單純發布招聘廣告，需要挑選適合的人選、聯絡應徵者進行面試，亦要與相關部門協調。即使理想的應徵者接受Offer，也不代表所有事情結束，皆因事情總會出現變卦。
台灣社群「爆料公社」有HR分享慘痛經歷，指在某天本來有11個新人到公司報到，最後竟然只有1個人出現，令他感到很憤怒，「即使不來也說一聲！」
點圖即睇事主分享：
「而家啲後生仔想點啊？約好咗今朝9點報到，11個裡面得1個嚟咗，有2個瞓過龍，3個無接電話，5個就話搵到份更加好嘅工，搞到我好麻煩，啲部門知道無新人用，都衝嚟我話點解唔早啲講聲，我點知會咁？我都覺得好嬲，上星期明明同佢哋確認過，話會準時到，而家就搞成咁。揀其他工唔係唔得，但係唔識通知聲人，當大家都要等你讓你？」
網民回應：
A/你哋都幾識講，叫人返去等通知，你嘅時間就係時間，其他人就要空等？
B/我自己係會同公司講聲，雖然9成見過嘅公司都唔通知結果，最後都唔知自己面試成唔成功
C/其實唔係得後生係咁，中年人都會咁，遇過有人返工第一日就遲到，理由係唔熟路，所以遲咗都好正常，又直接話唔鍾意佢做法的話，炒咗佢都無所謂，只能夠話呢啲係個人心態
D/咪即係話HR唔識揀人囉，好嘅唔揀，專揀啲唔好嘅人
E/你公司咁缺人，好似都有啲問題
F/先唔講佢哋無禮貌，你哋公司報到率連10%都無，你哋公司要唔要檢討吓，諗吓你哋個福利制度係唔係唔夠健全？應承咗要返工突然唔嚟，唔係搵到更好嘅，就係寧缺勿濫
G/其實而家啲後生仔係咁，有啲要等成個星期先嚟返工，用各種誇張嘅理由，好似男、女朋友、要外遊、屋企小動物無人照顧咁
H/HR全憑自己主觀意識揀人，真係好笑，你揀新人係因為貪佢哋平？
I/11個裡面，如果有1個唔嚟，係佢嘅問題，但如果有成10個人唔嚟，就係你嘅問題
自我反省是必須
對於事主的分享，網民都不太領情，有人認為HR的雙重標準，明明求職者未獲聘，HR也不會有任何通知，因此新人No show未有通知，也是正常事。對於事主斥責年輕人，有網民為他們平反，指即使是中年人，也會有這種情況出現。另外，有網民認為，公司到職率不足10%，管理者應該要思考一下問題所在，而不是單方面斥責求職者。新人未有事先通知就No show，當然是不負責任的行為，但作為HR，遇上這種情況時，不應單方面斥責應徵者，而是思考公司的問題，從而作出改善，盡量令這個情況不再發生。
怎樣知道自己面試失敗？（點圖了解更多）
即睇5條奇怪面試問題：
延伸閱讀：【心理測驗】你適合轉工定係進修？即做職場心理測驗搵答案！
延伸閱讀：【員工福利】5個2023年全球公司實行的最潮、特別福利！為員工寵物買保險？
延伸閱讀：【全美之冠】2023年100個最佳工作場所 呢啲公司竟然贏咗Google、微軟！
延伸閱讀：【人力資源】2023年掀起安靜招聘（Quiet Hiring）趨勢 僱主及員工注意事項一覽
有新嘢‼️覆老細&同事唔使打字，有【CT打工仔秒回系列】WhatsApp Sticker即刻搞掂🥰
即刻撳入嚟下載啦‼️
👉🏻https://bit.ly/3XCqYyY
最新專訪片︰
【星級斜槓族】Jason陳柏宇入行前做過洗頭仔同送貨員 拍YouTube只為吹水好玩 自認100分爸爸 但對父親節零感覺？！
Look out for further updates on our Facebook fan page!
Follow CTgoodjobs for the latest career news, hot topics and recommended jobs!