Next
【見工面試】早到唔等於美德？打工仔抱怨求職者太早到增加工作量！事主：約你幾點就幾點到啦！
【見工面試】早到唔等於美德？打工仔抱怨求職者太早到增加工作量！事主：約你幾點就幾點到啦！
2024-11-13
求職者都希望向公司表現自己的誠意，從而增加獲得工作的機率。有不少人會選擇在面試時早到，好讓自己能夠作準備，不過早到並不代表有好處？有打工仔在Threads發文表達不滿，指雖然自己不是HR，但求職者經常面試早到，導致他的工作量增加，他勸喻求職者：「約你甚麼時間就甚麼時間到」！
點圖了解更多事主經歷：
事主：「我唔係HR，但同事會喺我Office度進行面試，我就要開門畀佢哋，點解你哋班求職者成日都要提早到？早到唔等於係美德嚟，約你幾點，你就幾點到啦。提早5至10分鐘都算，你提早半個鐘做乜？？？你知唔知點解人哋要約你呢個時間？背後一定有原因㗎喎！」
網民留言：
A.1. Applicant唔一定熟路，見工預得鬆好平常。
2. Google map可以check時間但多數唔準。
3. 30mins企街會熱死（雖則本人見工早到係會搵清涼嘅地方等，一般會早10至15mins到）
4. Applicant只會關心interview成功與否
5. 早到唔會畀人話，但遲到係死罪
B.人哋唔知你公司運作，點知道你得一間會議室／同時見好幾個／無receptionist 開門等等，仲唔知等部電梯要5分鐘定15 分鐘，早到半個鐘內完全可以理解。同埋都2024年啦，其實除非last round想見真人，頭幾round online interview唔得咩？你仲可以exactly夠鐘嗰一秒先「出現」咪唔使搞咁多。
C.我以為係常識，點解咁多人鬧返Po主轉頭？PS.我自己一般會預早+-15min，萬一早咗半個鐘咁多到達附近，我都唔會直接上間公司，太早就唔係「準時」，更加唔係「美德」，而且會可能令對方不便。
D.早到正常應該係樓下自己等到夠鐘先上去。
E.早半個鐘好正常，較到得10分鐘一有意外遲到你又開post。
F.試過有人早到一個鐘，我趕咗佢返落去食埋早餐先好再上嚟。
G.遲超過5分鐘、早超過15分鐘=冇時間觀念。
H.真，佢哋唔知早到咁多會令到人好困擾，打亂晒人哋個schedule，等得耐自己又唔忿氣。
I.同意！！！ 準時呀唔該！！！早到好多，其實都好無禮貌！！！
J.我遇過有啲人早一個鐘到都試過，嗰刻已經扣晒分。
K.早多過十分鐘我會扣分，見嗰個又未得閒，間房又未吉到出嚟，唔知咁樣會搞到人就唔係咁夾公司文化啦。
L.我試過因為面試地方好遠，又驚搭車會遲，所以早咗半個鐘到，我喺附近行吓，搵個商場去埋洗手間。喺樓下企到剩十分鐘先上去，比起預約時間早到太多其實已經唔叫準時，係唔識安排時間。
M.同意，以前做HR，最怕啲人早好多到，其實係會扣少少分。
事主的發文引來網民熱議，有網民認為事主太咄咄逼人，強調早到半小時是在正常的範圍。有網民則同意事主的想法，認為求職者應該自己行調整到達的時候。有不少網民則表示，假如早到半小時，會在附近先找廁所，到約定時間10分鐘前才會知會公司。有曾經擔任HR的網民就表示，很怕別人太早到，會有扣分的可能性。
面試冇戴錶被鬧欠時間觀念？（點圖了解更多）
面試提早半個鐘到，竟然畀HR叫返屋企？（點圖了解更多）
延伸閱讀：【面試定查家宅？】求職面試竟然畀HR問父母職業？網民：唔使寫，直接走人！
延伸閱讀：【見工面試】求職者被問「點解會想轉工？」要點答先好？即睇5個貼士！
延伸閱讀：【見工面試】見工叫你介紹自己 唔通真係講完自己個名就講興趣？自介要包括邊幾點？
延伸閱讀：【2024職場英語丨見工面試】見工面試被問「你有咩優點？」 點答先唔會令HR覺得好自大？善用呢10個形容詞表現自己（內附自我介紹範例）
最新專訪片︰
【Office豪華旅行團】安永會計重視多元和企業社會責任 培養包容性的企業文化
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!