Next
【見工成功暗示】過來人分享！面試官講呢3個句代表面試成功？HR網民：千祈唔好相信！
【見工成功暗示】過來人分享！面試官講呢3個句代表面試成功？HR網民：千祈唔好相信！
2024-10-21
求職過程中，最讓人忐忑不安大概是等待面試結果的過程。假如能夠預測面試結果，相能夠令求職者放下心頭大石。有台灣打工仔在網上討論區Dcard分享個人經驗，指自己在1年內到近40間公司參與面試，並提及假如見工時面試官講出以下3句說話，就代表取錄機率高於9成，有自稱是HR的網民就勸喻事主及其他網民不要相信這種所謂的成功暗示。
點圖了解更多事主經歷
事主：「最近見到失業潮，我自己都係是其中一分子，但都算幸運，9月底裸辭未到一個月就搵到新工。每晚深夜Send CV嘅焦慮，仲有等待面試及結果嘅無限循環，我真係好感同身受。所以我決定上嚟分享啲面試竅門同取錄徵兆。
呢3個星期，我Send咗上百份履歷，最後先得4至5間想去面試嘅公司。今年我面試咗快40間，講吓我嘅心得，畀你可以回想吓面試過程中有冇呢啲互動：
1.『可以，你份CV好靚！』：呢句話真係令人好開心，有被肯定嘅感覺，正中面試主管嘅心意，符合佢嘅期待。其他就睇你哋有幾夾啦！
2.『你幾時可以返工？』：呢個時候唔好急住答，問一問部門主管嘅期望，再搵一個自己同主管之間嘅中間值。（儘量兩個星期內，唔好講到一個月內，因為佢哋希望你快啲返工。唔好理係咪咩伏工，有offer再煩。）
3.「我盡量星期O回覆你」：如果有一個星期內可以回覆嘅特定時間，基本上就已經成功咗。前提係要先問清楚人工。睇吓公司可畀到嘅範圍，再比對自己過去嘅人工，然後微調。咁樣最後討論薪資時少啲機會被foul，同時自己嘅薪酬可能會比之前更好。
尤其第三點，我已經有兩份工證實咗！如果佢有講「我幾時（特定時間）回覆你」，而且大約5-7天內，就基本上會有offer。（不過都係嗰句，未有書面offer之前就繼續Send CV繼續面試。）
PS：有時候如果冇興趣嘅公司，但離屋企唔遠通勤費又唔貴，都可以去見吓，當傾偈上吓堂。
其他薪酬福利嗰啲比較基本但取錄率唔高嘅就唔放上來啦，呢啲係兩份工都畀人請之後先意識到嘅取錄徵兆！
仲有冇其他面試取錄徵兆？都歡迎放上嚟討論！希望可以幫到最近喺度面試嘅大家！」
網民回應：
A.身為HR，我都係啱啱畢業，曾經被一堆取錄徵兆荼毒過，係可悲嘅新鮮人。見過好多公司面試嘅取錄徵兆，根本都係呃人嘅。
1.話你份CV靚，可能只係客套說話。
2.問你幾時可以報到，有可能其他人比你更早報到，就Foul咗你。
3.話咩時候會回覆，大多數都係求其講講，最後都係都冇消息。
拎面試過程來評估，更加唔準。有啲水準嘅公司為咗維持形象，真係好會做戲，扮到好似面試愉快，實際上你早就被淘汰咗。（好似你同某個男／女第一次約會，結果發現對方根本唔係你杯茶，只要你有啲禮貌，都會繼續演戲直到Date完。）
所以我畀個建議就係，絕對唔好相信取錄徵兆。諗吓，就連當面試完話要請你嘅公司，都可能隨時反悔，取錄徵兆更加唔可信。面試完請一律當作冇請到你，快啲準備下一個面試。相信取錄徵兆只會令你期待越大，失望越大，打擊你嘅信心。
B.面試真係睇性別同樣貌，講真，如果性別適合份工同埋靚仔靚女，就算CV再差都照樣上到位⋯⋯
C.我同你好似，冇返後一星期內就搵到新工，但「幾時可以返工」呢條問題，我都話取錄後隔日就可以返工。
D.以上3個都係官腔說法，實際上都係一半一半。
E.我半年面咗十幾間公司，你提到嘅徵兆有2、3間公司面試都有出現過，仲有問過期望待遇，然後就都冇回音。噚日收到第一間出Offer，但人工比我而家嘅工少咗一截……而家係裸辭等走嘅狀態，人生真係好難。
F.遇過嗰種明明覺得你很好，話會請你，但硬係要話一星期內通知返工時間。結果後來想改請其他人，乾脆唔通知你。打電話過去問，佢哋先話「噢，抱歉，我哋搵到其他人啦，唔記得咗講。」然後面試嗰啲HR仲係兩個睇落好似剛畢業嘅小妹妹，直接果斷將嗰間公司黑名單咗。
G.我有一排面試做足準備，見咗10間，有8間都得到呢3種回覆，仲全部都傾到薪酬。最後全部都冇請到。
對於事主談及的3大徵兆，自稱是HR的網民認為不可盡信，皆因這些都只是客套說話，或者是HR為求套取求職者個人情報而問的。實際上，希望越大失望越大，自稱是HR的網民勸喻事主，面試結束後，就應該馬不停蹄繼續尋找適合自己的工作，別太多。有網民都不認同事主的說法，因為很多面試都曾有事主提及的3個成功特徵，最後卻都未有被聘請，令他感到無奈。
10個職涯諮詢網站提及的面試成功跡象
面試10大禁忌
延伸閱讀：【見工面試】面試官態度差兼冇禮貌 求職者嬲到想拍枱走！其實點處理先啱？
延伸閱讀：【2024更新丨職場生存之道】7大同事之間不能說的秘密！辦公室的禁忌是？職場常見反話、溝通壞習慣及身體語言之忌一覽！
延伸閱讀：【見工面試】HR堅持打電話約面試！全因1個理由？「我都唔想打畀求職者！」
最新專訪片︰
【星級斜槓族】Cloud雲浩影曾做過侍應、補習老師及派傳單 風格多變深受觀眾喜愛 冀能實現演唱會夢
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!