【見工奇遇記】Send完CV就有offer？　求職者感驚嚇：驚有伏

2022-06-24

來到畢業季節，即使畢業生未必準備好投入職場，但大部分都開始了尋找工作的階段。發送了無數履歷，卻只獲零星企業邀請面試是常見事，不過面試也不代表會獲聘用。直至現時為止，大家遇過甚麼奇怪的見工經歷呢？最近，有名求職者向社交媒體專頁「奴工處」投稿，提及一個求職經歷令他感到吃驚。

延伸閱讀：【見工奇遇記】企業老闆唔肯約實時間　面試期間仲食橙　求職者：好唔尊重

即睇事主分享及網民回應：（按圖了解）

事主：想知大家有冇試過搵工Send完CV，完全無Interview，但HR就Email嚟話請你同你傾Offer？好驚有伏！

網民：真係冇試過，簽咗約再算！
網民：點都望一望傾兩句先呀？我最多試過in完即刻有offer，但連電話都冇講兩句就……感覺好伏……
網民：我試過，細公司文職，電話傾好直接返得。
網民：咪睇下咩料囉！然後唔啱就直接reject佢！
網民：而家好多都係電話傾一轉先面試。
網民：我試過最多只係hea in。
網民：我未試過，多數都係send完CV冇回音，或者interview完咗之後冇消息話請你。
網民：一定係HR send錯email！
網民：可能騙案，同你傾賣器官啫～
網民：聽日你去呢個地址，交低2萬上堂先。然後去呢度畀3000蚊制服費用，後日就去呢個地址返工喇。月薪4萬，有無問題？

僱傭關係開始前需基本理解

多名網民對事主遭遇感到難以置信，大部分人表示自己從未曾遇上不用面試就直接獲聘的事情。一名打工仔直言，「點都望一望傾兩句先」，認為企業與求職者欠缺基本理解難以構成健康的勞資關係。有網民則指，事主其實可以嘗試了解一下，不適合可以直接離職。根據《僱傭條例》（香港法例第57章），即使合約有列明終止合約通知期，僱員在試用期內首個月內仍可隨時終止該合約，而無須給予通知或代通知金。

有網民斷言，不用面試而即可出聘書的工作普遍是「伏工」，該公司人手應該極度短缺。另有留言提到聘請決定充滿疑團，呼籲事主小心求職騙案。

2022年首季求職騙案大增3倍，即按圖查看專家教授6個防騙小貼士（按圖了解）

+11

+10