Next
【見工奇遇記】企業老闆唔肯約實時間 面試期間仲食橙 求職者：好唔尊重
【見工奇遇記】企業老闆唔肯約實時間 面試期間仲食橙 求職者：好唔尊重
2022-06-23
職場勞資雙方各有所需，老闆要勞動力處理業務，打工仔要薪金支持生活。合約一日未簽訂，雙方也沒有義務去履行甚麼責任，但正因在這個情況下，見工面試才能在兩者地位較平等的情況進行。假如公司老闆對面試的所有事都心不在焉，你會有甚麼感受呢？最近，有位準備跳槽的打工仔打算應徵媒體工作，怎料面試遇上奇怪老闆，覺得不被尊重，遂到香港討論區發表貼文。
延伸閱讀：【見工奇遇記】面試花三小時 先後被三個人見？打工仔︰全部問我同一個問題
即睇事主分享及網民回應：（按圖了解）
事主：「話說上個月想轉工，咁就apply咗份production house嘅media officer。而家見工都用Zoom interview，其實都無咩問題，但佢話唔知佢幾點得閒，叫我1點至4點期間喺Zoom waiting chat room等佢，已經覺得佢好大牌。我心諗，約人interview但連時間都confirm唔到人，個HR都好無誠意。等到2點半都唔係太想等，去到2點45分左右，佢終於online。
一開cam，嘩！佢喺到食緊橙（心諗：咁串呀！），然後叫我介紹自己，行禮如儀嘅程序。最後，個老細仲好串咁話：「你咁高學歷，我哋公司請唔起你，唔明你讀咁多書仲interview嚟做咩？」嗰刻好想即刻quit個meeting。大佬呀！見個工啫，都唔使咁串呀嗎？唔知其他人有冇咁嘅經歷呢？」
網民：搵另一份啦！
網民：故意嘅，考你EQ。
網民：都無理由唔畀確實時間人interview呀？你嘅係時間，我嘅就唔係時間？
網民：等3個鐘已經可以唔in啦！
網民：你應該錄低佢，放上嚟問人而家係咪咁見工。
網民：垃圾老闆，就算請都唔好入去做！！！心理變態㗎！只會玩謝你。
網民：一見佢一路食橙一路in，咁唔畀面個interview場合，就好收線啦，浪費時間。就算佢請咗你都要諗諗做唔做。
網民：佢咁串，你開套四仔一路睇一路in，串返佢食橙咁小學雞。
網民：咁你都可以串佢嘅，唔好食橙啦，食塞米啦咁。
網民：佢食橙時，你咪食蕉囉！
網民：你應該對住個mom打個呵欠，撩撩耳屎，然後話：「你講咩？我都聽唔清楚，唔阻你食橙喇，我眼瞓喇，你收檔啦！」
網民：我早幾日試過類似經歷，個HR一眼都無望過個 cam。
網民：呢啲環境，見完就算數。不必再見！
網民：其實可以食完橙先開始 interview，尊重自己，尊重別人。
網民：人與人之間相處要有基本禮貌。如果個老闆覺得唔值得花時間，就應該精簡啲去搵求職者，不要浪費大家時間。
網民：上兩個星期interview咗條友，用手機，收得差，條友仲要帶住口罩。視像都仲帶口罩，係咪玩嘢？話口未完，第二個仲神奇，條友一路行街一路in，咪玩啦！我就唔會請呢啲友仔。
線上面試同需專注 網民：有呢種老闆唔好去做
討論區貼文一出，老闆面試態度備受批評，不約實面試時間是浪費求職者時間之舉，怒言：「你嘅係時間，我嘅就唔係時間？」不少人認為，即使企業是發薪一方，但仍要有基本尊重。此外，老闆在面試期間食橙，更令多名網民確認該企業對面試和員工不甚尊重，其中有人勸告事主，「就算請都唔好入去做」。
不論是實體面試，還是線上面試，面試官與求職者同應予對方尊重。有網民認為，事主當時應以其人之道還治其人之身，反諷老闆面試無禮。不過，有名相信是從事人力資源行業的網民則指，線上面試盛行帶來不少見工怪事，例如曾遇上有求職者「一路行街一路見工」。
即使面試官點樣唔禮貌都好，見工最緊要做好自己，按圖即睇6大進行Interview應有嘅心態。
延伸閱讀：【見工奇遇記】8年經驗打工仔面試僅獲Fresh Grad Offer 鬧爆面試官：嘥晒我時間
延伸閱讀：【面試貼士】網民分享10大見工中伏位 面試官遲到、唔畀求職者OO⋯⋯
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!