【見工奇遇記】面試即獲Offer！竟遭現職員工勸退？事主：佢話千祈唔好入嚟做⋯⋯

求職者找工作時，參與心儀公司時，都希望做到一擊即中，馬上獲得工作機會。不過，這是否最好的結果？有台灣打工仔在網上討論區Dcard有打工仔分享個人經歷，指見工時馬上獲得Offer，竟然被現職員工勸退，事主：「他讓我千萬不要進來工作。」

點圖了解事主分享：

+12

+11

事主：「我係一個應屆畢業生，今日去面試，一入嗰間公司，覺得特別細，環境老實講，都冇好好，就係一般嘅商辦大樓，面試算順利，到後面有口頭Offer，話可以去返工，聽到我就呆咗，但我就唔係好想去，嗰吓唔知點推，因為我冇拎到正式錄取信，都去緊其他公司面試，個人鍾意其他工多啲嘅。

面試完一出嚟，一個佢哋嘅職員就走出嚟，將我拉埋一邊。

職員：你嚟面試？

我：係呀，做咩？

職員：唔好嚟呢度做嘢！就算請咗都唔好嚟！

我：吓咩事？

職員：呢邊人工好低咋，先得27,000台幣（約6,894港元），而且呢邊都係老闆自己人，全部都係走後門入嚟，你唔好嚟呀，個老闆超級偏心。

我：真定假？

職員：真係！我喺度做咗一陣，我呢個月唔做啦。

我可唔可以覆話，『多謝你同我面試，但我仲有其他機會，希望可以再多一段時間考慮。再次多謝公司喺面試中詳細解答我好多問題，預祝公司請人成功，期待未來仲有機會同你哋合作』。」　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　網民回應：

A/我都差啲變成叫人唔好嚟返工嘅人，口頭嘅Offer唔算數，冇約定時間的話，都唔算數。你就唔好覆住，等佢哋預你報到先，再覆返佢哋。

B/話搵到工啦！

C/好希望遇到呢啲前輩，而家遇到嘅都講假話！

D/嘩遇到呢啲職場前輩真係好，收到錄取通知後，就直接回話唔好意思，另外有規劃故無法到職就好，唔好擔心。

E/曾經有提醒過面試嘅新人，但就遇到轉頭投訴，話有員工叫我唔好嚟，公司查完發現係我，之後我就再冇好心提醒，安靜咁睇住啲新鮮人，報到然後浪費時間同體驗與面試嘅落差感，再離職。

F/遇到好心人，好人一生平安。

G/多啲去睇吓啲網站平評價，有啲公司衰到好多負評，就唔使考慮，可以直接唔使報到。

H/我之前都只係諗住返份兼職，去某間公司試吓做，又係遇到個勸我快啲走嘅前輩，我當下真係好感激佢，而家回頭諗返都係覺得好多謝佢，希望好人有好報。

I/唔想去就唔好同人講話要考慮，直接Reject，祝福佢哋快啲搵到優秀嘅人才之類，咁就好。

對於事主的經歷，不少網民都認為事主很幸運，遇上一個願意對他說真話的職場前輩。有網民就談及個人經歷，指自己曾經好心向求職者分享，讓他不要加入公司，豈料被對方投訴，更被公司發現是自己做的，後來就不敢向新人提及。有人就認為事主在面試後，可以查閱評價公司的網站，那就能減少考慮的時間。

有人不忘向事主提醒指，勸新人不要加入公司，除了真心不想更多人受罪以外，亦可能因為與公司積怨。假如各位求職者遇上這種事，可以先作資料搜集，了解公司的情況，再作決定。　

求職者有甚麼大話不能說？（點圖了解更多）

+14

+13

即睇6件面試不應做的事：

+20

+19

延伸閱讀：【見工衣着｜面試貼士】着西裝面試 竟被HR取笑？求職者怒火中燒！網民抱不平：狗眼看人低！即睇面試衣着貼士及注意事頂（內附面試官態度惡劣的應對方法、奇怪問題回答方法）

延伸閱讀：【面試定查家宅？】求職面試竟然畀HR問父母職業？網民：唔使寫，直接走人！

延伸閱讀：【職場英語｜面試英語】唔識答HR嘅問題點算好？又唔想口窒窒回應 教你10句英文應對！

最新專訪片︰
【星級斜槓族】JACE陳凱詠自組工作室成獨立音樂人 新歌《間歇性休眠》紀錄人生低谷期 鼓勵大家勇敢面對人生考驗

⏩⏩  需要請人？立即刊登招聘廣告！  ⏪⏪