【見工奇遇記】盤點面試被HR問過的古怪問題 「自己似邊個明星」都上榜

經常收到HR的投稿，表示遇到無數求職者的古怪行為，不過今次就調轉，有打工仔分享「見工奇遇記」，直指多次在面試期間，被不同的HR問過不少奇怪問題，當中問「你覺得自己似邊個明星？」最令打工仔搲爆頭。

按圖了解打工仔的「見工奇遇記」︰

延伸閱讀︰【見工奇遇記】面試花三小時 先後被三個人見？打工仔︰全部問我同一個問題

求職者最怕被問情境題？
有很多求職者都投訴面試時，經常被HR問一些刁難求職者的問題，例如問「今晚有個親人擺酒，但做晒公司啲嘢，你會點做？」，儘管求職者提出多個解決方法，都無法滿足HR，令求職者非常無奈。

不過，有時HR問求職者情境題原來有原因，無非是想透過問題，了解求職者的處事方式和應變能力。以下有7條常見的情境題問題，不想突然被HR考起，不如事先準備！

按圖了解更多︰

 

1/ 你上次失敗嘅經驗係咩？
解說︰HR可透過呢條問題，了解求職者會點處理同面對當下嘅情況，例如會睇下求職者喺失敗後，會否打沉意志，定係會積極從錯誤中學習，為下次做好準備。

追問︰如HR繼續問「如何解決難題」或「從中學到啲咩」的話，可以知道求職者過往的缺點，以及佢克服困難嘅方法。

2/ 分享下你上次成功嘅經驗。
解說︰透過過往嘅經驗，可得知求職者嘅工作態度同手法，特別係遇到困難時，會唔會用不同嘅方法解決疑難。

追問︰如HR問「你有冇曾經想試過放棄？」，其實係想測試你對受壓嘅能力。

3/ 你如果為自己定立目標？
解說︰如何定立目標，能代表個人的能力，HR要喺云云求職中揀選最合適的人才，都要了解求職者會否自我挑戰，定係只定立簡單任務，完成就算。

追問︰HR有可能會追問求職者，會如何達成目標，無論係個人定係團隊目標，抑或短期、長期目標。

4/ 你日常嘅工作安排係點？
解說︰僱主都希望請到自律嘅員工，自動自覺完成公司嘅工作。因此HR會從問題中，了解求職者嘅Project Management技巧及自律性。

追問︰有時HR會深入了解求職者每日的工作量，或完成每個項目所需嘅時間，希望可以簡單明白求職者過往嘅受壓程度。

5/ 你會點樣同客人建立互信嘅關係？
解說︰有些職位可能要同客戶溝通，特別係Sales、Marketing等崗位，需要極高嘅交際手法。HR會透過呢題問題，了解求職者點樣獲得客戶嘅信任，為公司建立良好嘅關係。

6/ 面對成功時，你會點樣獎勵自己？失敗時點樣鼓勵自己？
解說︰每位打工仔都會遇到失敗嘅時刻，不過失敗後點樣重燃雄心，重新出發最重要，HR亦而中評估求職者嘅抗壓能力。

7/ 如果你要從零開始處理新項目，你會點安排工作？
解說︰HR會從呢題問題，看清楚求職者嘅計劃技巧，以及會對Project Management嘅理解，同時可考驗他們如何適應新工作環境。

延伸閱讀︰【職場熱話】疫情好轉多Offer 求職者面試放飛機 HR批不負責任：嚟唔到都通知聲！

延伸閱讀︰【見工奇遇記】打工仔被懷疑請假面試 全因新HR打電話去原公司核實資料？
 

⏩⏩  需要請人？立即刊登招聘廣告！  ⏪⏪