【見工面試】見工準時係應份？HR：10個求職者有3個都遲到

見工時早10分鐘到達面試地點，不但能給予僱主良好的第一印象，求職者還可以調節心情，不慌不忙地面對接下來的提問。不過最近有HR指出，越來越多求職者見工遲到，普遍遲來15分鐘，令人不禁質疑準時的重要性。

延伸閱讀：【見工面試】HR叫錯名 見工要做IQ TEST 打工仔分享最差面試經驗

按圖了解網民分享：

打工仔：「我哋公司算中上水平，行內叫有啲名氣，仲係上市公司。頭先同HR吹下水，佢發晒脾氣話被部門主管捽，原來連續幾日都有好多人見工遲到。搞到其他部門主管走去同ceo嘈，ceo又鬧返HR head，一層鬧一層。佢哋一日閒閒地見十個八個求職者，佢話真係每日至少有兩三個人遲到。遲到範圍一般15分鐘內，而一星期會有兩三個人遲半個鐘，最痴線試過遲兩個鐘，話自己肚痛。年齡層就咩都有，30至50歲嘅人都有遲，不過二字頭就真係多啲。因為公司規定in完要寫返份report交上去，除非no show，否則遲到都要in。我純粹想同大家了解吓，究竟而家見工遲到係咪好正常？準時唔係應份咩？」

網民點睇？
網民Ａ：其實守時係基本禮儀，去邊度做咩都好，準時都係應份。就算約朋友出街，都唔會想人哋浪費時間等你。
網民Ｂ：我之前見工約我10點，成間公司無人，跟住等咗15分鐘先見到成班人一齊返公司，見到我仲問我搵邊位。我話約咗見工，個老細好驚訝「吓？乜今日約咗人見工咩？」
網民Ｃ：準時同樣適用於僱主，有啲老細遲成一粒鐘都肯嚟見人，呢啲工請你都唔好做，咁無時間觀念的老闆你唔好預佢會準時放你工。
網民Ｄ：行為反映心態，如果唔志在份工，自然唔會著緊，咪見工都遲到囉，最後梗係唔請佢啦。
網民Ｅ：個人認為遲到係不能接受，除非中途有突發意外、死人冧樓，其他原因免談。
網民Ｆ：我次次見工會早到，但每次hr都遲到，填完資料等到就快恰著先叫我入房，特別係大公司。
網民Ｇ：雙方都應該準時囉，唔明班HR次次都遲大到咩意思。試過約我9點見，我8:45到咗，等到10:15都無影，最後我直接走咗。
網民Ｈ：而家天氣熱，去到公司會成身汗，我會提早15分鐘涼冷氣乾一乾身，同埋留少少時間以防需要用廁所。
網民Ｉ：求職者早少少到OK嘅，但HR都一樣有責任去預好啲時間，例如要填表，咁就應該約早15分鐘，等個人有時間填好先見。

自從疫情之後，許多公司都採用網上形式進行招聘，透過zoom、skype等平台進行視像面試。與傳統面對面見工不同，求職者千萬不要「準時」進入虛擬面試室，原因是……

7項Online Interview要注意的細節：（按圖了解）

 

⏩⏩  需要請人？立即刊登招聘廣告！  ⏪⏪