【見工奇聞】HR問「點喺大海撈針」競爭對手一句KO霸氣離場網民：好想識佢！

CTgoodjobs' Editor

Published: 2025-07-18 07:15

Updated: 2025-07-18 07:15

在現今職場競爭日益激烈的環境下，見工過程變得愈來愈荒謬。求職者除了要應付層出不窮的筆試和群體面試外，還常常遇上HR和面試官出其不意的「腦筋急轉彎」。近日，一則見工奇聞在網絡上熱傳：某公司HR在群面中突然拋出一句「如果一支針掉落大海，你會點撈返出嚟？」這條無厘頭問題，令在場求職者一時語塞。令人驚訝的是，當大家還在苦思對策時，一位男求職者霸氣拋下一句話，隨即瀟灑離場，這一幕立刻引發網民熱烈討論，紛紛表示「好想識佢！」

競爭對手一句KO霸氣離場

+29

+28

樓主：見工被安排group interview，我同另一位求職者，加埋對方公司HR同兩個經理，總共5個人坐喺間房。我好緊張，競爭對手又喺隔籬，重點係in到一半，有位經理問咗條勁無厘頭嘅問題：
「如果一支針掉落大海，你哋有咩方法撈返出嚟？」

當我開始苦惱點答，隔籬個男求職者突然企起身，好紳士咁講：
「見工已經辛苦，仲要答呢啲無聊嘢，請咗都唔做啦！」
跟住佢好淡定咁離開會議室，型到爆啊！差啲想嫁畀佢！

當時全場呆晒，包括我。個男仔走咗之後，HR同兩個經理就開始議論：「咁冇禮貌都有嘅！」「係囉！咩人嚟㗎！」「呢啲人請咗仲得掂嘅？」我冇參與佢哋對話，最好笑係佢哋冇再問返點喺大海撈返支針……究竟係唔記得咗？定係佢哋自己都覺得條問題無聊呢？

網民A：有冇支持問呢啲問題嘅朋友解釋下，問呢啲問題有咩好處？
網民B：咁樣走法，唔怕被blacklist咩？同行圈子好細㗎！
網民C：係當刻，事主已經諗好埋佢哋將來個仔女叫咩名……
網民D： 500強公司問都算，如果SME都問啲咁嘅問題，間公司應該好多傻人，尤其係問嗰個！公司咁細就唔好浪費人時間啦！
網民E：見完工，差啲連老公都搵埋～
網民F：點解香港啲公司停滯不前？就係因為太多呢啲on9問題！
網民G：Oxford / Cambridge / NASA 同 FBI 其實都問呢啲問題
網民H：叫個男仔見字回覆啦！搵唔到工都可能搵到段姻緣～
網民I：毫不專業嘅面試安排。
網民J：想知應該點答先啱……
網民K：純粹睇你EQ高唔高，大部分老細都鍾意問無聊問題。
網民L：型到我都想嫁畀佢！
網民M：公司大啲、人工高啲，答呢啲問題條氣都順啲……

部分人不理解這類問題的意義，認為無助評估求職者能力，甚至質疑其專業性，認為這種面試安排欠缺誠意和效率。有網民擔心求職者若以激烈方式回應，可能被業界「黑名單」，影響未來發展。亦有人認為，若是大型企業提出這類問題尚可接受，但中小企若如此，反而浪費時間。部分留言則幽默回應，讚賞求職者的霸氣和自信，甚至開玩笑說「差點連老公都搵埋」。另有意見指出，這類問題多為考察EQ，部分老闆喜歡用無聊問題測試求職者的反應。

延伸閱讀︰【見工奇聞】求職者面試手袋掛呢樣嘢被評「唔夠成熟」當場出局網民：好彩冇請！

+24

+23