【見工面試】面試被人「查家宅」 畢業生乖乖和盤托出被HR批：哦！原來你無老竇

不少求職者在尋找工作時必經面試階段，有助公司了解求職者的背景，也可以讓求職者初步了解公司的環境，雙方同時也在衡量對方。然而，不少求職者，尤其是一眾「職場新鮮人」會對面試的來臨也會相當緊張。緊張自己表現不佳、緊張自己不懂得回答問題，緊張自己的衣着打扮等……面對求職者面試時表示未如理想時，一般面試官也會保持禮貌態度應對，但若對方並沒有想像般有禮時，各位求職者又該如何應對？

網民在網上平台「Threads」上發文分享指當年剛畢業尋找第一份工作時，碰巧遇上書店聘請員工，於是便前往面試。第一輪面試時，書店要求事主以廣東話、普通話，以及英文對答，事主也輕鬆通過。可是到了第二輪面試時，面試官便對事主諸多刁難，首先批評事主學歷不佳，及後更如「查家宅」般詢問事主家庭狀況。畢業生事主不懂應對，只好和盤托出，豈料面試官更指事主「無老竇」。極度不快的經歷引來網民熱議，並分享類似經歷。

即睇畢業生「大戰」極不禮貌HR！（按圖了解）

+18

+17

事主：突然諗起件事，啱啱畢業出嚟搵工。

有間書店請人，咁就去見吓啦！中英文普通話對答PASS晒，即刻叫我去隔籬房Second In。

入到去，個上司已經睇緊我份CV，即刻就問我：「你間學校Band2喎，點解要我哋請你？」

我嗰吓聽到眼都突，我In書店店鋪員咋！關咩學校畢業咩事？

但我都微笑住客氣地答完問題，佢再望一望我CV問：「你屋企人做咩職業？」

當時我入世未深，真係好認真咁答佢。

然後我最記得佢講咗句：「啊，原來無老竇」。

臨走前，佢叫我Email公開試成績表畀佢睇，當時我仲以為要請我，所以先問我攞成績睇。

最後，當然無請啦。問一堆問題，全部都唔關份工事！因為根本就無心要請人

，叫人見工只係Hea時間再揶揄人！

人大咗，先知道原來好多人都係咁衰！

網民A：好多面試官，都會係面試時候試你地嘅抗壓能力。

網民B：我好耐之前見工都遇過咁嘅事！佢問我屋企人咩職業，我話我媽無返工，問點解，我話身體唔好，佢又問咩病要食咩藥！問埋我有返工嘅屋企人嘅人工幾多！當時我入世未深所以乖乖答佢，如果宜家嘅我，我會錄音拍片吿佢！

網民C：點解要請Band 2學生？「如果我Band 1仲會嚟見貴公司咩！」

網民D：我初初出嚟做嘢都試過見份工，個上司話：「你剛剛出嚟做嘢，咩都唔識，點解我要請你？」

我答佢：「你教我咪識囉！」

佢話返我：「你都幾寸喎！」

網民E：唔講以為你IN教育局！點知係書局！

網民F：好多公司行程序，就算内定咗人選，都要登報或搵勞工處出廣告！

網民G：佢真係唔識尊重人，請你都唔考慮啦！

網民H：請你嗰個上司一定人品有問題，正常唔會連基本尊重都無！

網民I：同個HR講：「不如我帶埋我阿爺嚟見工啊！咁樣夠誠意未？」

網民J：樓主都幾好脾氣！

網民K：我一定唔會再Email覆佢，反而我會Email去政府部門投訴佢！

在面試中遇到不尊重時，我應該怎樣表達我的立場？（按圖了解）

+2

+1

婉轉表達不適感   

用尊重語氣表達感受，例如：「我很重視彼此的尊重和溝通，這樣的對話讓我感到有些不舒服，不知道我們是否可以轉移到其他議題上？」避免直接衝突。

保持冷靜與專業

面對不禮貌言語時，避免情緒化反應，保持沉着冷靜，用事實和具體例子回應，展現自信與成熟。

以提問化解尷尬   

若對方態度依然不好，可用提問方式了解對方關切，例如：「請問您能否進一步說明您的疑慮？我希望能更了解您的想法。」緩和氣氛。

評估面試環境

若整體氣氛不佳且感覺不被尊重，思考該工作環境是否適合自己，必要時可禮貌結束面試，保護自身尊嚴。

事後反思與跟進   

面試結束後透過郵件理性回應不適當部分，展現專業態度與溝通能力。

尊重是面試的基本前提，求職者不應被無理刁難或歧視。面試官和HR應以專業態度對待每位應徵者，營造良好招聘環境。求職者則需保持冷靜、理性應對不尊重情況，並善用法律和社會資源保障自身權益，最終找到真正適合自己的工作機會。

延伸閱讀：【職場辛酸】幫公司賣命通頂OT 被HR警告追打卡 打工仔嬲爆：冇收過工又點打卡？

+23

+22

延伸閱讀：【勞工權益】見新工Reference Check會唔會查病假？ 網民：如果有病假紙，怕咩？

延伸閱讀：【職場關係】HR大捉同事「月事」「衣着」「守時」 事主：女人又何苦為難女人啊！

►最新【政府/公共機構】職位空缺  

►最新【行政】職位空缺   

►最新【銀行/金融】職位空缺  

►最新【非政府組織/社福】職位空缺      

►最新【人力資源】職位空缺

最新專訪片︰

【office豪華旅行團】GT Group超日系辦公室展現年輕活力 仲有Poolside畀員工放水燈！

⏩⏩  需要請人？立即刊登招聘廣告！  ⏪⏪