Next
【職涯規劃】被公司迫轉行 事主：仲Fresh過啲Fresh Graduate⋯⋯
【職涯規劃】被公司迫轉行 事主：仲Fresh過啲Fresh Graduate⋯⋯
2023-01-30
眾所周知，轉行是件令人頭痛的難事，既要拋開過去，更要重新學習另一個領域的新事物。不論是職場新人還是中年職人，都不能輕易面對「轉行」所帶來的壓力。近日就有事主於連登討論區發文，指公司決定刪減自己所在部門，再另立新部門發展新項目，並要求整個舊部門的員工改變原本的工作內容。雖然公司願意提供資源予員工學習，但對於要突然跳出舒適圈，事主霎時之間竟變得不知所措⋯⋯
按圖了解事主經歷：
事主：話說小弟畢咗業一年多啲，轉咗兩次工。前兩份工都喺大公司做，都係做同IT相關嘅工，人工都係兩萬頭至兩萬中。
事主：依家呢份工就喺細公司返，啱啱入職咗未夠3個月。
事主：本身見呢份工嘅時候係話做啲Business Analysis嘅嘢；同啲Client攞下Requirement，做小小Project Management嘅嘢，人工都升到兩萬尾。
事主：但最近因為無晒需要Programming做嘅Project，公司話要Cut咗我依家個部門，再開個新部門要我哋去做Cybersecurity⋯⋯
事主：我真係勁Fresh，一啲Cybersecurity嘅經驗都無。但公司話無所謂，仲話畀Resources我哋去考CISSP/CISA嗰啲嘢⋯⋯
事主：我其實都係睇錢行先㗎啫，不過唔知呢行發展有無前途。同時又驚自己再轉工會玩爛個CV⋯⋯
事主：依家糾結緊好唔好向呢方面發展，求各位全能嘅連登仔畀吓意見。
即睇網民回覆：
網民：Cybersecurity應該係嚟緊嘅大方向喎！都係一條好出路嚟嘅⋯⋯
網民：Cybersecurity仲好過Business Analysis啦！仲要貼埋錢畀你學嘢，你仲繼續做BA就真係爛CV喇！
網民：咁咪仲好，Cybersecurity肯定嚟緊10-20年唔怕無工做，間公司又肯畀錢Train新人，減少少1-2k都制。等你考晒啲嘢做一陣再跳走一定高過依家。
網民：試玩3個月睇下點先啦。3個月唔得咪走，到時4月啱啱好又係旺季。
網民：因住上完Training綁你十年八年先畀你走。決定前問清楚先，魔鬼在細節。
網民：轉啦！公司畀埋錢你學，到時轉工兩樣技能都有。同埋Cybersecurity真係吃香，你見啲公司成日被人Hack資料就知。
網民：做Cybersecurity咪仲好，你繼續做Business Analysis之後人工9成機率唔會追到Cybersecurity。
網民：公司畀資源你學同開一條新嘅路，仲有咩好掙扎？你依家唔做有得加人工咩？梗係學完再攞黎加大自己Profile，到時再過塘就算人工加得唔多都一定唔使蝕。梗係去馬啦！
網民：我以前Graduate Program就嚟自己考埋CISSP求公司俾我做Security，最後都係將我投閒置散。你可以唔使減人工畀你轉做Security，仲喺度問？
網民：依間公司都幾好，唔直接炒你仲畀錢畀時間你，出埋錢、畀埋人工Train你都要怕？其實你怕輸乜？
很多網民都認為，Cybersecurity是現今的大趨勢，即使沒有豐富經驗亦不愁沒有工作。不過對於一些完全沒有相關經驗的工作者來說，要重新學習另一範疇的知識確實要花費大量的時間和勇氣。仍在糾結應否跳出舒適圈的工作者們，更加要切記三思而後行了。
人到中年想轉工？即刻了解5個職業發展因素：
１／個人興趣
首先問自己一句：你喜歡現在的工作內容，並願意持續投入精力去完成它嗎？興趣不一定是最好的老闆，但它能為你提供長遠的動力，使你享受工作過程之餘，還希望提升個人能力，增值自己攀上更高位置。如果找到這種令你著迷的工作範疇，真正發自內心享受，距離事業成功不遠矣。
２／擅長領域
第二個問題要問自己：這份工作能讓你發揮獨有優勢，越做越好嗎？找出自己的核心才能，它可以是天賦而來的技藝、累積的專業知識，也可以是能轉移的通用軟技能，如組織表達能力、管理能力等。在擅長領域中深耕細作，就越有機會站在高點。
３／工作的價值
除了興趣和能力，你還要思考工作對你來說有甚麼價值，甚麼事情值得你注入心機和時間。值不值得關乎每個人的價值觀及所追求的東西，你寧可賺更多錢而犧牲家庭生活？還是更追求心靈上的滿足？這個標準非常主觀。個人興趣、能力、工作價值這三個因素會形成一個正循環，你越喜歡做，就會投入越多精力，那麼你便越擅長做；你越擅長做，你就越有機會站在高點，這件事就越值得做；這件事越值得幹，又進一步讓你更加喜歡做，如此類推。
４／行業趨勢
問完自己以上問題後，就要客觀地評估市場趨勢，例如分析你所在的行業在未來5年會越來越好嗎？你的職位缺人嗎？即使個人能力有多高，還是要靠社會趨勢來把它越做越大。判斷行業是否在市場上佔高價值、高需求，並找到自己比別人優勝的地方，才可以乘風而上。
５／衡量風險
你要了解自己在未來職業生涯中，有機會遇到哪些潛在風險，例如35歲後體能下降、能力下降、晉升到頂、結婚生育的支出、事業轉型……因此，人越年長越不能停留在體力及技能層面的競爭，而要累積管理能力、建立個人品牌、拓展人脈等等。
延伸閱讀：【辭職轉工】調查顯示近3成打工仔會考慮轉工 公司福利成去留關鍵''
延伸閱讀：【職場趨勢】近5成人計劃2023年轉工！呢4類人最有可能辭職！
最新專訪片︰
30歲蘇麗珊轉型做唱作歌手 大爆曾經5點起身返咖啡店、做地盤
Look out for further updates on our Facebook fan page!
Follow CTgoodjobs for the latest career news, hot topics and recommended jobs!