【職場辛酸】 準時收工被同事報串 網民：啲同事唔抵得你

上班族工作能力要好之外，還要學會「看眼色」？香港討論區一名上班族轉換新工作後，第一個星期都準時收工，離開的時候看見別的部門還在工作，只以為他們要處理的事情比較多而已，沒有放在心上。不料，有一天下班前，老闆居然過來跟事主聊天，要求事主不要按時下班，OT「做下樣」。上班族準時收工有問題嗎？這樣都被同事「篤背脊」？

延伸閱讀：【職場文化】同事勁早返到公司 打工仔嘆︰使唔使咁乖？

按圖即了解事主分享和網民回應：

+17

+16

事主：「返咗新工一個禮拜多啲，我暫時每一日都準時收工，去到差唔多收工，就開始執定嘢，夠鐘即係衝去打卡走人。但見公司隔籬team嘅同事好似日日都OT，可能佢哋多嘢做啩。但我做晒啲嘢就梗係準時收工啦。噚日收工前，老細揾我傾偈，話聽到有同事講我成日都一早就準備收工。其實準時收工有咩問題，做完嘢就梗係執嘢準備收工啦，OT又冇補錢，佢哋鍾意OT都唔使拖埋我落水嘅，竟然同老細報串都有嘅。但係老細咁同我講，意思係唔係即係叫我OT吓，唔好咁準時收工？」

網民：「做好自己嘢就走就冇問題。」

網民：「唔知你幾點收工，如果6點收工5點半，已經執好嘢咩都唔做就有小小問題，次次早早準備走人同準時衝去打卡收工畀人感覺你根本唔想返工。同埋有無試過因為就收工同事畀嘢你做你話第日再跟？」

網民：「職場就係要扮工交戲，你可以6點後拼命網購，但唔好被人發現。」

網民：「收工梗係走，唔係簽約嚟做乜。」

網民：「係唔係得罪咗同事呀？」

網民：「做晒公司嘢準時收工是無問題，成件事根本就是你老細問題。」

網民：「錯在係你未夠鐘就停晒手執嘢等收工。」

網民：「呢啲衰老闆我都遇過，講我早收工，我話我係準時放工，做晒嘢就走, 唔急的明天做，然後佢就即刻畀嘢我做，話做完先畀走，之後我問返同事，原來無嘢做都要坐到7點才畀走，黐線，即刻搵工走人。」

話題一出引發一眾網民為事主抱不平，明明下班時間到了，工作又已經完成，為何不能離開？網民直言全因事主同事作怪，看不慣別人天天準時離開，自己未能走才向老闆報串。也有人指出是否事主太早收拾東西，一到點就跑走太惹人注目。

同事發難，如何處理？
準時下班並沒有錯，只是職場上或者不同公司間都有很多潛規則，同事們各有性格，部門間的工作量亦有差距。事主才入職沒多久，還未了解公司文化或潛規則。或許是事主天天一到點就走，害別人心理不平衡，自己天天OT，卻有人天天正點下班，誤會你沒有事幹才向老闆告密。老闆提出要事主晚一點走也是在考慮其他未能按時下班的同事心情。

事主或許可以如網民所說扮工一下，晚幾分鐘才走，離開時放輕步伐。你也可以不經意向同事表示下班後有別的事情幹才早早離去。

心理學來說，口頭禪可以透露出待人處事的態度和性格，分析同事口頭禪可令打工仔迅速了解同事。同事成日講「可能」、「但係」其實係雙面人？即看幾個常見職場口頭禪，了解它們背後意思。

+12

+11

延伸閱讀：【職場文化】職場上靚女注定有着數？ 網民︰根本贏在起跑線

延伸閱讀：【職場英語】5個常用但易錯商業英語 點樣祝福人 點樣多謝人？

延伸閱讀：【職場英語】同事打招呼要點應對？教你如何有禮地回應

⏩⏩  需要請人？立即刊登招聘廣告！  ⏪⏪