Next
【職場趣事】陌生同事行埋嚟拜年 事主：兜個圈話我個樣老似已婚人士？
【職場趣事】陌生同事行埋嚟拜年 事主：兜個圈話我個樣老似已婚人士？
2023-01-27
新年假期一結束，回歸辦公室的已婚同事和上司紛紛互相問候拜年，向同儕和下屬派利市。「拜年」原是一種互相表達美好的方式，希望為對方送上真摰的祝福，但偏偏有種人無所不用其極，務求用盡一切方法將「利市𢭃來」。近日就有事主於香港討論區發文，指自己新年假後第一日復工便遇到陌生同事拜年，禮貌回應後竟被追討利市，事主最後究竟如何應對⋯⋯
按圖了解事主經歷：
事主：放完新年假第一日返工，有啲已婚上司、同事周圍派利市，咁都好正常。
事主：但係今日有個唔係好熟嘅同事行埋嚟同我講「恭喜發財」，咁佢同我講我自然都回返句「身體健康」畀佢。
事主：以為咁樣就完，點知大家尷尬對望咗幾秒之後佢問我：「你唔派利市㗎？」
事主：我心諗：「我又未結婚又唔係做上司，何來利市派呀？」
事主：我同佢講我未結婚，佢話：「吓，睇你個樣仲以為你結咗婚添⋯⋯唔好意思，咁祝你快啲搵到好人家。」之後佢就尷尷尬尬咁走咗。
事主：乜結咗婚有樣睇㗎咩？佢係咪兜個圈嚟話我個樣老，似已婚人士？
即睇網民回覆：
網民：照吓塊鏡，或者你個樣真係似做上司呢？
網民：辦公室真係乜人都有，為咗嗰十元八塊乜都做得出⋯⋯
網民：你又同返佢拜年吖嘛！問返佢：「你又做咩唔派？」
網民：呢啲同事多數都係層層掃、個個講㗎喇，啲小朋友最鐘意咁做。
網民：嗰位同事真係極之白目、無家教，下次再有呢啲情況可以完全唔使理佢！
很多人都認為作為上司為了鼓勵下屬，即使未婚都應該派利市。不過有些辦公室人數少則數十，多則過百，同事之間的關係又親疏有別。到底應該派多少錢利市才算「均真」？
按圖即睇開工利市公價：
若然上司未有準備利市都不需要擔心，因為現在已經可以透過網上派利市，上司毋需再花費心機編織其他藉口推搪。
按圖盤點銀行2023兔年派e-利市優惠：
即刻按圖了解更多新年職場趣事。
延伸閱讀：【新年職場】未婚應否派利市畀下屬？網民︰呢啲錢唔好慳
延伸閱讀：【新年職場】大家會封幾錢畀保安員同清潔員工？網民竟然咁做！
最新專訪片︰
30歲蘇麗珊轉型做唱作歌手 大爆曾經5點起身返咖啡店、做地盤
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!