【職場熱話】返咗一日工就果斷辭職？一人一個返工即辭職嘅原因！

CTgoodjobs' Editor

Published: 2025-02-24

Updated: 2025-02-24 18:32

打工仔入職後，通常需要一段時間與新工作及同事磨合，同時考察新公司是否符合預期，再判斷這份工作是否值得長期深耕。然而，有打工仔在入職的第一日就當機立斷決定辭職，究竟是甚麼原因令他們如此果斷？社交媒體專頁「奴工處」向網民徵集了他們入職當日即離職的理由，結果五花八門，令人不禁感嘆職場百態，無奇不有。

即看網民分享：

+11

+10

網民A：第一日返工上司問你借錢。

網民B：第一日返工就收唔到工，加咗2個鐘班，我話要走都唔畀走！

網民C：公司廁所太過污糟，當你諗起每日都要用呢個廁所就好Sad！

網民D：成間公司啲同事好似仇人咁。

網民E：初入職場，隔籬位同部門嘅同事黑口黑面，問佢少少嘢好似犯咗大忌咁。算，橫掂仲有第二個Offer，即遞信，Lunchtime就走咗。

網民F：座位超迫，枱面好似自修室大小，格局似學校電腦房，我坐路口位，隔籬仲有兩個位，入面同事出入，我都必須起身。

網民G：9點準時返工，坐到5點都冇嘢做，到5點半先嚟畀嘢你做，話係Urgent拍硬檔，搞掂先准收工……

網民H：同見工講嗰啲工作內容完全唔一樣。

網民I：返咗去先話係6天工作。

網民J：冇人理，好似無主孤魂咁。

網民K：N年前返工坐咗兩個鐘，同事帶我行一轉公司，發現個廁所冇鎖，男女共用，睇完我即走。

網民L：明明話係做文員，第一日返工就要你做Sales，行街跑數搵生意，見工嗰陣又話唔涉及做Sales嘅嘢！

網民M：見到同事要自帶水返工。公司只有熱水機，冇提供飲用水，但係部熱水機煲出嚟啲水係黃色嘅生鏽水……返咗一日工都唔夠，中午辭職走人。

網民N：5月都唔准開冷氣，只可以開風扇。

留意公司文化和環境及時止損

不少網民表示，入職當天發現工作內容或福利待遇與面試時的描述嚴重不符是他們當場辭職的主要原因，有人提到工作環境和人際氣氛的惡劣使他們難以忍受，亦有人因加班及工作安排不當而立即辭職。這些經歷提醒打工仔在求職時，可以多了解公司文化和工作環境，以免浪費時間和心力在不合適的職場上。僱主亦應當重視求職者和員工的感受，不應對工作內容和福利待遇有所隱瞞，改善工作安排、公司環境以及企業文化才是留住人才的關鍵。

延伸閱讀：【最快辭職紀綠】一人一個最快辭職嘅紀錄！網民：未返到新office門口就收到另一個offer！

+15

+14