Next
【職場熱話】好同事好上司VS新工作加人工3.5K 打工仔辭咗職但日日唔開心⋯
【職場熱話】好同事好上司VS新工作加人工3.5K 打工仔辭咗職但日日唔開心⋯
2023-04-17
打工仔時常都會面對辭職轉工的狀況，會比較幾份工的優劣之處，有時更加會覺得很迷惘，不知道哪一份才適合自己。不過所有選擇，其實都視乎你將人工、工作人際關係、工作環境、交通等因素如何排序。
延伸閱讀：【年度評核】Appraisal好擔心自己表現失準！點樣消除緊張感？
有網民在社交平台專頁「奴工處」上以「搵到份新工，人工多3.5K，但好唔捨得而家啲同事」為題，指自己正面對一個兩難的局面，因為他很喜歡現時公司的同事和上司，但卻因為人工加幅少，所以他另覓高就，新工的人工更比現時高3.5K，然而，他卻非常不捨現時的同事和上司，不知道自己的決定是否正確。如果是你的話，你會如何選擇？
即睇事主分享及網民回應：（按圖了解）
事主：「話說而家喺大公司做咗份工就嚟4年，只係加過一次1千蚊人工，但一直以來部門老闆阿姐同事都對我好好，好錫我，即使每個月都要請假覆診都一定批，呢度好似一個大家庭咁，喺到返工每日都好開心，就算OT都冇問題。
但由於人工真係太低，追唔上市價，亦唔會有晉升空間，所以去見咗一份都係大公司嘅工，加我3.5K人工，重有升職機會，最後佢哋請咗我。本來我以為有錢加就會好開心，但遞咗信後，我每日都好唔開心，好唔捨得。究竟我有冇決定錯誤？雖然新工作都可能會有好同事，但我真係好唔捨得佢哋。返工有更高人工重要？定係有班好同事好上司更重要？真係好迷惘，好驚自己會後悔。」
網民：「返工係為咗搵錢，唔係交朋友。如果你唔捨得之前嘅同事，可以同佢哋做朋友（如果對方願意的話）。」
網民：「你唔捨得人，有冇諗過人哋會唔會唔捨得你？你估人哋有得走嗰陣會唔走？」
網民：「冇永遠嘅同事，錢都係最實際。有乜事嗰陣，你就知道幾千蚊差得遠。呢個世界，你當人哋同事人哋未必當你同事，醒少少啦，做人現實啲好。」
網民：「真心會後悔，我覺得相處好的同事真係好難搵，返工日日見住啲衰人好難頂 ，雖然話同事唔係朋友，但一日相處9個鐘都係搵啲易相處的好。」
網民：「係對你好嘅，相信佢哋都會希望你有更好嘅發展。現實始終係現實，人大咗就要面對一啲關口。」
網民：「你走咗都可以約返舊同事聚舊，根本無阻你哋之間嘅關係，咪咁矯情啦！係唔捨得就唔會send CV出去啦！」
網民：「由你去搵工嗰秒，就已經決定咗啦。」
網民：「1. 你今日唔走，佢哋可能聽日都會走。2. 打工係為錢。」
網民：「你走咗之後，如果嗰啲同事成為到朋友，嗰啲先係朋友。」
網民：「如果真係friend嘅，可以敘舊，同佢哋都會希望你搵到食、有前途。」
網民：「天下無不散之筵席。」
網民：「咪咁攪笑啦！同事並不是你的朋友，搞清楚！」
網民：「人係要發展、向前看、要跳出舒適圈！我以前有同學，大學畢業後，唔捨得離開大學，覺得大學生活好開心，一直留喺大學工作。在大學內做一些很無聊的研究助理工作，到三十幾歲就好後悔。」
網民：「咁你啲同事會陪你做到退休？」
網民鼓勵向前行
很多網民其實都鼓勵事主往前看，他們明白不捨與好同事和好上司相處的時間，但難保日後他們都會離開公司，所以人工才應該是最實際的考慮。做出職場決定並不總是容易的。我們需要考慮到多方面的因素，包括個人的發展和長遠的收入。有時候，我們需要面對離開現有工作的不捨，但只有勇敢地前進，才能為自己帶來更好的機會和發展。在未來的職場生涯中，我們需要繼續學習和成長，以應對各種挑戰和機遇！
延伸閱讀：【年度評核】Appraisal好擔心自己表現失準！點樣消除緊張感？
延伸閱讀：【見工面試】見工叫你介紹自己 唔通真係講完自己個名就講興趣？自介要包括邊幾點？
延伸閱讀：【見工面試】面試最後階段 HR問你放假會睇咩網站？用意原來係……
延伸閱讀：【職場熱話】辭咗職竟然要自己in下一手 公司HR可有可無？網民：求其in求其請囉！
最新專訪片︰
【Office豪華旅行團】仲量聯行辦公室有瑜伽班、採用環保傢具 HR：最重要以人為本！
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!