【打工仔薪酬】月薪僅得$15,000 抱怨香港物價過高只有$4,000食飯 網民：辭工啦！

人努力工作賺取薪酬，都是為了提高生活質素，讓自己和家人過得更好。人生豈能盡如人意，總是事與願違。

最近有打工仔在連登討論區發起薪酬相關討論，指香港物價過高，要是打工仔薪金$15,000，扣除各種費用，只有$4,000作膳食之用，網民都紛紛回應指：「這樣的話不如辭工！」

點圖了解更多事主分享：

+16

+15

事主：「老實問呀，而家幾錢食先係正常，唔拎啲高嘅嚟比，啱啱畢業出嚟份工搵$15,000一個月，一個人平平哋咁住$6,000，再搭車返工當每日$20，一個星期返六日，計埋自己出街當$600。社交娛樂當$2,000，日用品上網電話費剪頭髮$1,000，水電媒$1,000，在電子產品同家具方面就平均使$400。

如果唔買樓，唔儲錢，唔去旅行，咁就只得$4,000食飯，咁一日只可以使差唔多$130，但好多餐廳都要$60一個餐，一個月差唔多冇錢淨，如果病埋分分鐘唔夠錢食飯，直接餓死。」

網民回應：

A/ 兩餸飯幫到你！

B/ 咪一個人煮，再分幾餐食囉！

C/ 晚餐，我通常兩餸飯算，$34；星期五會加錢換盒檸檬茶，開心吓。

D/ 吓，$15,000返6日？辭工啦！

E/ 病咗咪唔使娛樂，點會冇飯食？

F/ 搵工有公司醫保嘅先有資格病。

G/ 你買啲麵包，加片芝士落啲茄汁，或者加果jam又一餐。

H/ 你啱啱畢業，一出嚟做嘢就搬出嚟住？如果搵得$15,000真係無理由搬出嚟畀$6,000租，同屋企人住住先，咁你食玩方面可以使多好多。

I/ 想問$6,000租到乜？

J/ 1.住屋企 2.水電煤無可能用到1,000 餐餐出去食 3. cut娛樂！

K/ 我（認真冇吹水）

早$ 6（半塊麥包＋ 自己整即磨咖啡）

午$10（自己帶飯，1餸飯入面差唔多全部菜，少肉，昨晚自己煮）

晚$10（1餸飯，差唔多全部菜，少肉 ，自己煮）

每日加埋一份水果，每日唔畀自己過$30，一個月都唔會使超過$1,000:D

L/ 畀得$6,000租點解仲要用20蚊車錢？你係冇租過屋定冇搭過車？租得就租個可以行路返工㗎啦！

聽畢事主的分享，網民都提出個人建議，有人指吃方面能自己煮，除了飯盒方面也能弄三文治。對於事主指剛畢業就要出來住，網民認為可以先與家人同住，這樣就能減少住屋方面的消費。不過同時有人質疑事主，指事主對於實際費用不理解，認為事主假如要搬出來住，好應該找個在公司附近的地方。

打工仔有甚麼常犯的理財錯誤？（點圖了解更多）

+8

+7

即睇4個讓你月儲萬元的理財小習慣：

+9

+8

延伸閱讀：【職場英語】7大職場用語你要識！「Chair a meeting」、「Reshuffle」又點解？
延伸閱讀：【職場理財】自覺理財不遂 有可能理財能力比想像中好！5個理財指標 判斷財務健康與否！
延伸閱讀：【職場溝通】到職1周被上司「照肺」 全因1個理由！打工仔：點解要請我？
延伸閱讀：【職場文化】同事學歷低、工作少、年資少 但人工竟然高過自己！

最新專訪片︰

【金像獎背後】憑《年少日記》獲多個獎項提名 編劇、導演卓亦謙：時刻提醒自己不要心高氣傲！

⏩⏩  需要請人？立即刊登招聘廣告！  ⏪⏪