【職場熱話】因為做嘢太快被炒？事主：等我仲沾沾自喜⋯

正所謂「一鼓作氣 再而衰 三而竭」，工作時，打工仔都希望盡快完成手頭上的工作，免得進度越拖越長。至於在職場評核員工時，效率及產出，通常都會被視為考量之一，員工做事越快、完成度越高，就越會得到僱主的歡心。不過這世界上，居然會有人不喜歡太有效率的員工？在網上討論區Dcard有台灣打工仔分享自己的慘痛經歷，指自己因為工作太有效率，因而被炒：「還以為自己很聰明，沾沾自喜。」

點圖了解更多事主經歷：

+16

+15

\

延伸閱讀：【面試攻略】見工被問上一份工離職原因 6大模範答案得HR歡心
延伸閱讀：【職場英語】學會英文客套話 不再被字面誤導

事主分享：

「我返緊份散工，本身係要返十日嘅，做咩唔方便講，但可以講吓我要負責做咩，工作分為兩個部份，三個人做上司分配嘅工作，做第一部份嗰陣，要用到Excel，我越做越嬲，嬲嘅原因唔係上司畀嘢我做，而係覺得自己好蠢，諗唔到可以點做得快啲。

喺第一日返屋企之後，我諗到一個可以縮短一半時間嘅方法，第二日返到去就直頭諗到個可以馬上做好嘅方法，雖然唔係套啲公式落去，但只要係對Excel熟少少，都會知道呢個方法，所以喺第三日，我就將呢個快捷嘅方法話咗畀另外兩個同事知。本身要幾日完成嘅嘢，一個鐘內就做好咗。

嗰陣我仲沾沾自喜，覺得自己真係好聰明，點知我畀上司通知，工作會提早結束，本身仲有幾日要返工，而家唔使再返，我聽到嗰陣覺得好崩潰，好無言，因為呢份工真係好正，喺冷氣房撳吓電腦，唔使諗太多嘢，只係對吓數字就得，我仲要影響到另外兩個人，搞到佢哋失業，有啲唔好意思。邊會諗到，做嘢太快都會搞到自己失業至得㗎，本身諗住完成工作，份人工金額會唔錯，點知而家咩都無。」

網民回應：

A/恭喜晒你，拿捏工作進度本來係件好重要嘅事，太快或者太慢做起都唔太好，除咗打工之外，一般喺職場，避免畀人分派太多工作，我哋多數都唔會太快做完，應快則快，應慢則慢

B/其實打散工真係唔使太認真，反而係啲返正職嘅人，先要好似你咁做，為咗得到老闆賞識，縮短工時

C/呢個故事只要包裝吓，可以喺見工嗰陣講吓，有趣之餘又畀人知道你嘅優點

D/聰明人只要自己知道方法就好

E/所謂嘅工作就係要一邊工作，一邊偷閒，畀幾多時間你做，就做幾耐，唔提早亦都唔延後咁做完，提早做咪又係畀人壓榨，遲咗等畀人炒，我出咗嚟做嘢就變成咁，返唔到去努力工作嘅模式

F/恭喜你學到有用嘅經驗

G/有時工作真係唔可以做得太快，有呢個成果係靠你嘅努力同經驗，但啲老闆同客係唔會理你咁多，只會覺得好快，原來咁簡單就做好。同埋，你做得咁快，拉到個標準咁高，會累埋其他人

H/職場上點都會遇到你呢啲好鍾意表現自己嘅新人，本來大家都輕鬆做，日子過好輕鬆，就係你呢啲人搞到大家工作量增加，或要裁員，日子本來過得唔錯，結果畀你搞到過得好苦

尊重公司處理手法
在工作的時候，我們會遇上對公司運作難以理解的地方，比起馬上質疑公司處理手法，我們更應該思考，公司為甚麼會一直沿用這個方法。其實公司每個制定的流程，都考慮到各種因素，可能會為了保護自身的利益，或者是同事的利益。學會理解，並尊重公司的決定，也是投身職場必須學會的一點。

僱主會經常忽略哪種優秀員工特質？（點圖了解更多）

+13

+12

即睇6個避免於職場提起的話題！

+9

+8

延伸閱讀：【見工奇遇記】問職業前景卻被面試官黑面？求職者衰講多咗●●兩隻字
延伸閱讀：【見工面試】求職者常遇到的4類測試

⏩⏩  需要請人？立即刊登招聘廣告！  ⏪⏪