【職場文化】網民大數日資公司文化差異 連喺位工作都要保持微笑？

早前對比過不同外資公司的工作文化，有不少網民都覺得日資公司原來比想像中多限制，並不如大家看劇集、動畫般中美好有愛，最近更有網民在討論區內分享自己正在日資公司工作，這間公司對員工的要求當中，有幾項都很奇特，令不少網民嘖嘖稱奇！

延伸閱讀：【職場熱話】返外資公司係咪好過港資公司？港、英、法、日資大比拼！

網民在討論區Dcard上以「日資公司真係好麻煩」為題分享，道：「返咗呢間日資半個月有感而發，明明表訂係朝9晚5，有一次我8:55到公司，個經理即刻話 建議你8:45前到公司；返工頭一星期要背晒公司嘅core value，即使返自己位做嘢都要保持微笑；我又唔係服務業，對同事笑都算，返自己位埋頭苦幹都笑？笑乜嘢？

跟住，每次開會，上司講完嘢一定要拍手講辛苦晒，收工去到門口都要對住啲同事：『收工喇！今日辛苦晒！』 真係救命！講真，建議大家冇咩事唔好返日資。」

單單是想像大家都在座位微笑的畫面，已經覺得非常詭異！不過，是不是只有事主的日資公司有此奇怪的文化？即睇其他網民分享！

（按圖了解）

+12

+11

網民：「坐自己個位戴口罩做嘢都要微笑，好癲！」

網民：「個畫面真係好好笑，成班人坐電腦前微笑。」

網民：「返咗一個禮拜日資頂唔順，而家返加拿大公司，日日chill到傻！」

網民：「日資要係早15分鐘已經唔算誇張，有啲要你早半個鐘返到，開始做嘢前幫手打掃office！」

網民：「一日微笑八個鐘，眼附近肌肉都幾辛苦。」

網民：「日本文化係咁，所以唔知點解香港人咁鍾意移民日本，到低係鍾意去玩定生活？」

網民：「我自己反而好鍾意返日資公司，佢會講晒啲規則，冇其他公司咁飄忽。不過我返咗咁多間都冇試過要喺個位度笑，真係好奇怪！係咪有工廠嗰啲？自己嘅經歷就係早15分鐘嗰啲，同啲人熟咗就唔使跟咁足，我反而幾鍾意精神式咁叫，我覺得好搞笑！」

網民：「日本係好住嘅比起香港嘅話，不過喺日本返工就不了。」

網民：「我做日資公司，9:00開工我10點先返到。」

網民：「日本文化永遠都係咁，做外人享受下就好，唔係土生土長但要融入當地跟足晒禮儀嘅話，真係人都癲！」

網民：「所以其實日本唔係想像中咁好，係啲人睇太多動漫劇以為日本咁好，我知道啲日本公司文化，聽你咁講己經好輕鬆。日本人真係好有堅持，要其他地方都要跟自己地方文化。」

網民：「開頭見到提前15分鐘到Office已經覺得好痴線，後邊見到要微笑直接笑死！」

網民：「邊間啊⋯⋯我朋友喺日本傳統企業做都冇呢啲。」

日資公司工作文化
要求員工在座位中微笑，惹來網民討論，雖然想像的畫面好笑，不過有些曾在日資公司工作過的網民則表示，並不可以一竹篙打一船人，他們的公司都沒有要求員工時時刻刻保持微笑；有些前日資公司網民更表示其實挺喜歡日資公司的文化，指：「我自己反而好鍾意返日資公司，佢會講晒啲規則，冇其他公司咁飄忽。不過我返咗咁多間都冇試過要喺個位度笑，真係好奇怪！係咪有工廠嗰啲？自己嘅經歷就係早15分鐘嗰啲，同啲人熟咗就唔使跟咁足，我反而幾鍾意精神式咁叫，我覺得好搞笑！」

亦有網民提醒，指日資公司大部分都需要早到、打掃office之類，且階級觀念重，很多細節都要做足，喜歡到日本旅行，並不代表日本工作文化都適合自己，所以在選擇工作上，還是要看看自己喜歡怎樣的工作模式。

延伸閱讀：【見工面試】面試唔識包裝自己 錯失取錄機會 自我介紹3大架構你要識！

+9

+8

延伸閱讀：【職場文化】公司執笠前有咩先兆？網民：冇零食、冇廁紙…

延伸閱讀：【職場熱話】幫上司求婚 被抺殺功勞 網民：完美展現下屬做嘢上司領功

延伸閱讀：【職場熱話】人工13K要識marketing、設計、整App 網民：做份清潔都高人工過你…

⏩⏩  需要請人？立即刊登招聘廣告！  ⏪⏪