Next
【職場八卦】同事成日幫人改花名 連老闆都難逃魔掌？
【職場八卦】同事成日幫人改花名 連老闆都難逃魔掌？
2023-02-24
辦公室的日常工作沉悶，同事之間有時會互相開玩笑搞搞氣氛，提升工作效率，但開玩笑的同時亦要留意好好拿揑玩笑尺度，以免得罪他人。最近有網民於香港討論區發文，指公司有同事經常貪玩為其他同事改花名，雖然與熟絡的同事開一些無傷大雅的玩笑，對方並不會心中留下疙瘩。但該名同事似乎意猶未盡，竟在茶餘飯後與同事對老闆的外貌評頭品足，更主動為老闆「改名易姓」⋯⋯
即睇事主分享：
事主：公司有個男同事，成日都會拎人哋個名嚟講吓笑。
事主：有個女同事英文名叫Polly，然後咁啱佢又係姓張，之後個同事就叫佢做「玻璃窗」，我哋聽完之後心入面都反哂白眼⋯⋯
事主：仲有個男同事英文名叫Billy，然後佢又叫呢同事做啤梨，仲問佢係咪姓士多⋯⋯公司入面幾乎所有同事嘅名佢都改過。
事主：最癲嗰次試過喺Pantry問成班同事覺唔覺得老闆個樣好似暴龍，又好惡，於是成日喺同事面前叫佢做「暴龍哥」！
事主：我真係好驚呢個同事遅早會唔小心係老闆面前咁樣講⋯⋯
即睇網民回覆：
網民：對呢啲咁多口嘅人唔使咁上心，等佢撞吓板。
網民：口多嘅人遲早會撞板，講者無意聽者有意，如果得罪老闆或者上司以後就一定無好日子過！
網民：呢啲行為真係好幼稚，咁大個人把口都唔識收斂啲！
網民：我個人就覺得無乜所謂，無傷害性嘅就大家輕鬆吓囉，如果有嘲笑成分就唔太好啦！
網民：佢都算幾有創意，不過如果因為咁而得罪上司就真係好唔抵。
帖文一出，網民紛紛留言批評貪玩同事的行為幼稚、不懂分寸云云⋯⋯要與同們融洽相處，便要謹記不可輕言得罪身邊同事，以免飛來橫禍。即刻參考7個職場得罪同事乞人憎行為！
即刻按圖了解更多職場八卦。
延伸閱讀︰【職場八卦】同事喺公司兼職占卜睇相 連HR都有份幫襯？
延伸閱讀︰【職場八卦】難忍女同事狂噴香水 事主：見親佢就想打乞嗤！
延伸閱讀︰【職場八卦】隔籬部門老闆成日指指點點 事主：點先同佢相處到？
延伸閱讀︰【職場八卦】FG新入職用名牌手袋會否太招搖 網民：唔建議⋯⋯
最新專訪片︰
【星級斜槓族】TVB綠葉王兼物理治療師林景程專訪 入行歌手夢碎一度想離巢 視周星馳及黃子華為世一偶像
Look out for further updates on our Facebook fan page!
Follow CTgoodjobs for the latest career news, hot topics and recommended jobs!