Discovery Feed is launched!
【職場八卦】同事喺公司兼職占卜睇相 連HR都有份幫襯？
CTgoodjobs' Editor
在職場上，擁有職責以外的特殊技能的確會對自己有所幫助。但正所謂人怕出名豬怕肥，當其他同事因此而紛紛向你求助，延誤了工作進度，你又有否後悔當初胡亂答應幫助別人？最近有網民於香港討論區發文，指公司有同事間中為其他人占卜睇相，但隨時間推移，有更多其他部門的同事前來請求他為其占卜，而更誇張的是，HR同事得悉事件後竟然未有加以阻止，而是加入請求占卜問卦的行列？
即睇事主分享：
事主：公司有同事識得占卜睇相，佢之前都有幫同事睇，同事睇完都覺得好準。
事主：點知喺公司傳吓傳吓，搞到連其他部門嘅同事都嚟搵佢占卜。
事主：可能個同事見到有商機，竟然話每占一次都要收錢，一題起碼都收$50蚊。
事主：我有數過一日有幾多同事搵佢占卜，起碼都有10個以上，咁樣就每日返工都搵多$500蚊咁濟！
事主：仲要HR見到都無阻止佢喺公司秘撈，因為連HR同事都有搵佢占卜！
事主：好羨慕同事返緊工都仲可以有額外收入⋯⋯
即睇網民回覆：
網民：前公司有同事一邊返工、一邊開公司接生意，印文件、傾單全部喺公司搞掂，仲要約埋個客上公司傾⋯⋯GM都知道發生咩事，但話公司暫時唔可以無咗佢，所以由得佢。
網民：公司有個同事幫自己占吓卜又幾方便，仲要唔係好貴。
網民：$50蚊占一次都幾平⋯⋯介唔介意叫你同事幫我占吓？
網民：靠占卜就成功得到成間公司同事嘅歡心，你同事都應該唔使驚會被人炒⋯⋯
網民：我公司架構好簡單，我個部門除咗要處理所有內部事務兼客服銷售之外，其他部門都係專門處理單一事項，所以上層嗰班乜都要問我，唔會亂咁炒我！
事件中的同事被公司眾人所托，增加了額外的工作量，雖然沒有未能按時完成工作的情況發生，但或多或少都會對其造成影響，要同事幫忙完成工作，甚至連帶影響其他同事工作上的部署。
即睇10個辦公室Freerider同事特徵：
1：經常遲到
特徵：無論返工定開會，呢種人一定會遲到，仲要毫不內疚，講千萬個藉口掩飾自己嘅錯。
應對方法：要將開會嘅時間，白紙黑字同CC晒畀相關嘅人同上司，如果佢遲到，就喺大Group問佢喺邊，要咁多人都知道佢無出現。
2：唔覆電話／電郵
特徵：打畀佢一係唔喺位；一係就話唔得閒，最嬲嘅佢所謂嘅「忙」其實係煲煙、吹水，唔係做嘢。
應對方法：唔應電話？同坐佢隔離位同事講，叫佢一得閒就打返畀你/打完電話，電郵佢話搵佢唔到，叫佢覆返你電話，當然要CC埋上司啦！
3：零意見
特徵：唔使旨意問到任何嘢，佢只會答你「是但啦」、「無所謂」，最最最嬲係成績好就領功，被鬧就龜縮。
應對方法：大家，明明大家有份負責同一個Project，但係只得Freerider無嘢做/無意見，等佢自己落自己面。
4：電腦壞咗／上唔到網
特徵：叫佢做嘢唔係電腦有事，就上唔到網，明明全公司電腦同Network都運作正常，淨係佢出事。
應對方法：借部電腦、Share WiFi畀佢又點話，叫埋IT Support幫手，無得賴啦啩？
5：臨交Report前先問進度
特徵：畀好長時間做Report，咁耐以嚟都唔關心，臨交畀個客前就問做成點⋯⋯不過問咋，無話要幫你。
應對方法：都係嗰句，凡事做任何嘢都要電郵白紙黑字講清楚，佢唔交就直接催佢，唔好畀佢以為你無所謂，會幫佢做埋一份。
6：面皮幾尺厚
特徵：叫佢幫手，一定話唔得閒，面皮厚到有時仲衰到Copy & Paste就算，大佬，起碼改個客名呀！
應對方法：佢做錯嘢，照樣CC話畀全世界知要佢改，切忌私下WhatsApp佢，等佢可以走數。
7：總會講「我後Join」
特徵：做咩佢都只話「後Join」，有時放埋工佢都未Join到，不過人哋唔係忙緊，只係唔記得，返咗屋企咋。
應對方法：做咩佢都只話「後Join」，有時放埋工佢都未Join到，不過人哋唔係忙緊，只係唔記得，返咗屋企咋。
8：Deadline Fighter
特徵：一係唔做嘢，一做嘢就做Deadline Fighter，最弊嘅係明知成日有錯，係都最後一刻先起貨，一有事就一齊陪葬，公平咩？
應對方法：唔做嘢直接飛起佢，同上司講唔好叫佢Follow成個Project；或由第一日合作開始，講明每個步驟嘅交貨日期同要度大家Update進度。
9：交垃圾
特徵：你想催Freerider做嘢？得！佢咪交啲垃圾畀你囉。唔滿意想改？得！等多三五個禮拜應該有架啦！
應對方法：一定要CC上司同所有相關嘅同事，有錯就白紙黑字列明佢有咩錯，再畀個時間佢交貨。不過對付呢種人最好就係提早個起貨日期，起碼有時間畀大家改任何嘢。
10：老臣子／搏炒
特徵：點解仲可以喺公司生存？一係老臣子，一係皇親國戚，背後有人撐，再唔係把口叻，做錯、唔做都氹得上司勁開心，鬧都唔鬧一句。
應對方法：遇到呢種Freerider就最難處理，惟有做好以上所有步驟，自己唔好出錯，其他就…認命啦…
即刻按圖了解更多各行各業辦公室八卦！
延伸閱讀︰【職場八卦】難忍女同事狂噴香水 事主：見親佢就想打乞嗤！
延伸閱讀︰【職場八卦】隔籬部門老闆成日指指點點 事主：點先同佢相處到？
延伸閱讀︰【人際關係】與富二代老闆爭執被秋後算帳 罪名：嚴重違反職場規定
CTgoodjobs is Hong Kong’s leading recruitment platform. Our editors brings you the latest salary trends, interview tips, and professional courses. We provide comprehensive career insights to help you navigate career transitions, break through bottlenecks, and stay ahead in the workplace!
Explore Job
Follow CTgoodjobs for the latest career news, hot topics and recommended jobs!