Next
【職場八卦】不滿公司轉咗每月7號先出糧 打工仔：月頭唔使交租咩？
【職場八卦】不滿公司轉咗每月7號先出糧 打工仔：月頭唔使交租咩？
2023-06-06
「幾時先出糧啊！」打工仔除了盼望放假，一個月裡最期待的當然是出糧日子。不同公司支薪日各有不同，有的在月尾，有的在月頭，大部分兼職工作者更要等到7號才有薪水。最近，一名任職IT工作的打工仔在連登討論區發文，指公司突然更改支薪日，由1號變成7號。事主不解變動原因，因為IT行業是計算固定收入，又不用算佣金，推遲出糧是甚麼意思啊！有網民說是公司經營不善的信號？
延伸閱讀：【三十而立】月光族30歲先儲錢 是否為時已晚？打工仔驚覺：唔儲錢唔得！
按圖即了解事主分享和網民回應：
事主：「最近轉公司由1號轉咗7號出糧，真係幾煩。交租金，電話費等都係1號要交，7號出糧就要預定錢1號交。我明白有啲工種係計佣，要7號先夠時間計，但好似我呢啲行業固定收入，又唔使計佣，其實冇必要拖到7號先出糧。利申：做IT。」
網民：「垃圾公司先會7號出糧。」
網民：「你公司廢跟勞工法例啫。」
網民：「好少見人電話費係1號準時交，你有冇check清楚張單。」
網民：「少少流動資金都無就攞綜緩算啦。」
網民：「1號轉咗7號出糧，好明顯公司唔掂，搵定後路。」
網民：「7號出糧係公司拖得就拖嘅現象，不過你連2至3個月生活使費嘅流動資金都冇咩。」
網民：「拖緊，本身係1號，但法例係限7日內，所以拖到盡又唔犯法嘅結果就係7號。」
網民：「政府有啲位都係7號出糧。」
網民：「唔係月光族有影響咩，最緊要準時出啫，出咗糧咪預備一嚿錢下個月1號交囉，係第1個月麻煩啲要交定啫。」
網民：「真係會有人在意幾號出糧咩，唔通使到底吓吓要靠份糧過活？每個月有出就算，話知佢幾號。」
網民說：「1號轉咗7號出糧，好明顯公司唔掂，搵定後路。」不過，也有人說有些政府工作也是7號支薪啦！而現在事主公司7號出糧，雖然是偏晚，但也符合勞工法例條款。事主感覺失去預算？網民指慢慢就會習慣，只要準備好足夠流動資金便好。
巴菲特只買二手車、鍾意食快餐店？4個股神Warren Buffett理財習慣！（按圖了解）
延伸閱讀：【見工面試】萬零蚊人工都要考written test？事主：人工咁低仲要求咁多
延伸閱讀：【轉工困惑】轉工後人工高但擔心遇上人事問題 網民：唔使擔心 因為周圍都一定有同樣煩惱
延伸閱讀：【職場壓力】轉工後壓力大到失眠 同事之間零溝通交流 網民：公司靜過圖書館真係好難頂！
最新專訪片︰
【Office豪華旅行團】3M活動為本辦公室善用自家產品 Office搬遷計劃最重視員工意見！
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!