Next
【職場二選一】照返新工vs心儀公司面試！收Offer冇耐即收Dream job邀約！事主：應該用咩理由走去見工？
【職場二選一】照返新工vs心儀公司面試！收Offer冇耐即收Dream job邀約！事主：應該用咩理由走去見工？
2024-11-04
「瘦田無人耕，耕開有人爭」，求職者接受工作邀請後，有可能收到另一個邀請。這個時候，他們都會陷入兩難，到底應該繼續做現時的工作，還是考慮新的工作邀請？有打工仔在Threads發文談及個人苦惱，不禁問到：「應該用甚麼理由去面試？」
點圖了解更多事主經歷：
事主：「收到offer，confirm埋星期一返工之後，就有意想唔到嘅事情發生。
係唔夠15分鐘內，我就收到一間夢寐以求嘅公司電話，約我面對面interview，我已經即刻問今日in有冇可能。佢話今日唔得因為佢地WFH，佢話最理想係下星期二，但問題就嚟啦星期二，我先返新工第二日，我點樣可以走到去見工呢？間公司又好有誠意好想我去in，就到我可以用lunch time去見。而我對間公司又勁有興趣，咁大家會點做呢？」
網民回應：
A.如果係我，我會同打畀新公司HR同佢講，星期二屋企有重要事想請假，想請佢哋幫忙問吓，反正都係no pay leave，新公司冇損失，但如果冇去in，自己一定會後悔。新公司有心，唔會差呢一日半日。
B.當然係照見工，Lunch time interview你計時間趕唔趕到？或者問Zoom interview 先？
C.Lunch照去見，原本嗰份照返，一陣見完唔請連原本嗰份都冇埋。
D.Lunch見咗先，請咗可以再quit。
E.推遲on board date。
F.有經驗嘅公司/HR，見同事一返工就想請假其實都估到同事仲揀緊或者有工見。講個藉口好啲同埋加啲演技，都係互相尊重。加上，改on board date其實好普遍。
G.驚就唔好見，做人不妨就進取啲，必要時請個下午SL，反正你都冇下份工再見，得呢次。
H.我都係same case，星期一返新工，但我申請咗一排嘅工星期三見，真係星期三先算。
I.SL囉。
J.曾經試過同一情況，因為好多工一齊apply , 我嗰次係星期二放工後phone interview都放棄，因為仲有另一份約見，我真係照請no pay leave，點知一見幾粒鐘仲即請，但最後冇accept offer，點解？公司好，但job nature原來冇咁好。
K.其實改返工日期吧，起碼唔使趕頭趕命，其實lunch時間見係一定唔夠時間，location近整都要時間。就算confirmed咗你到職日期，禮貌啲同佢講有家事要改一星期後，同時in case in完first round佢又可能有second and final round ，所以比多幾日時間走盞。
網民都認為事主應該參加心儀工作的面試，否則錯過機會就後悔莫及。談及如何剛到職新工作，又抽空到另一間公司面試，網民認為事主可以請No Pay Leave或者病假參加面試。有網民就認為事主如果入職不久就申請假期，HR都會察覺事主還未選定工作，建議事主可以想藉口推遲到職日，更稱這是常見的做法。
Take offer即反悔有冇壞影響？（點圖了解更多）
想take offer但空歡喜一場？（點圖了解更多）
延伸閱讀： 【求職貼士】收到理想offer想回答得體？一分鐘教你點覆錄取通知 附範本
延伸閱讀：【職場熱話】Fresh Grad不滿公司出手低 接受Offer後要求加薪無回音
延伸閱讀：【求職兩難】口頭接受offer後獲悉有更好機會 求職者怕反口惹人討厭
最新專訪片︰
【星級斜槓族】Cloud雲浩影曾做過侍應、補習老師及派傳單 風格多變深受觀眾喜愛 冀能實現演唱會夢
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!