【職場二選一】升職 vs 發揮長處？打工仔苦惱留職定跳槽！網民竟提1理由勸勿辭職？

今時今日，打工仔不會再「打死一份工」，普遍人都以爭取更理想的薪金及發展機會為目標，在市場上覓尋適合自己的工作。

有台灣打工仔在網上討論區Dcard分享苦惱，指自己面對兩難局面，不知道應該留在原來的公司升職，還是到朋友的公司大展拳腳，網民竟然提1個理由勸喻事主不要辭職？

點圖了解更多：

+19

+18

事主：「我喺一間小旅館做咗13年，從底薪唔計加班費同獎金，26,000台幣（約6,638港幣）左右開始做到而家40,000台幣（約10,213港幣）。呢份係我出社會嘅第一份工，直接做到而家。

由2023年中開始進修，返到我嘅設計編輯專業，咁啱近期有朋友嘅公司話由10月開始缺人，想搵我過去，月薪50,000台幣（約12,767港幣），年終獎金1至3個月不等，而且福利唔錯。

目前而家返緊嗰間旅館只能夠算係唔好唔壞嘅公司，冇咩福利，年終固定1個月底薪，冇節日獎金，每日包一餐廚房準備，都冇咩員工旅行之類嘅福利。從我入公司開始，都只係搵份工嚟做嘅心態，返工之外嘅時間，除咗打機之外都冇咩事，於是第3年我就舉手自願去到第二個部門加班（每個月大概加班約60個鐘）

不過重點嚟，我考慮轉職嘅事冇人知情，但啱啱老闆搵我去講嘢，內容簡略講嘅係公司經營咗18年，終於還清貨款正式走上正軌，要幫我加人工，底薪從九月開始上調到57,000台幣（14,554港幣）。加班都會少一啲，不過要擔任主管職位，好多事要顧，然後話如果我願意升職，會將準備要買嘅公司車畀我揸，想開返屋企就開返屋企，不過保養維修嘅錢只係畀一半，佢都會負責。

想問大家會點揀？」

網民回應：

A/相比之下加得唔多，當然留低。

B/只能夠話好老闆唔多，小旅館老闆願意咁樣畀你，已經好難得，多數都係老闆創業喺20年嘅老員工都冇加咁多人工，仲有公司車可以揸返屋企，自己好好考慮清楚。

C/留低比較實在，新工作唔肯定得嚟，錢又少。

D/你朋友嘅公司穩唔穩就唔知，話唔定公司會唔掂，或者業務緊縮唔缺人，你就準備走人，留喺度實在啲，真嘅。

E/我會留呀，我今日畀人改咗成日設計。

F/我會揀留低，因為設計真係唔係人做。

G/我覺得係留低。

H/可以留低，空檔時間接朋友嘅Case。

I/留，因為你超熟，而且老闆唔係因為你要離職先加人工，係自己主動幫你加咁多，你對呢邊都應該熟悉，睇嚟都仲有晉升機會。然後設計部分有興趣就兼差接Case，等到確定對呢個行業超有興趣同熱情再轉都唔遲。

J/呢個真係將你嘅努力看在眼內嘅好老闆。

K/老闆咁樣，你都唔留低，一定會後悔。雖然行業唔一樣，但之前我同事都同你一樣，最後為咗夢想離開，而家不單只工作唔穩定，薪資仲低，5年前頂替佢嘅後輩，人工一年高過一年。結婚買樓，而家當年走個同事好後悔，又返唔到轉頭。

L/唔好以為朋友嘅公司唔會出事，會在意自己嘅老闆唔多，諗清楚先做決定，唔好揀咗一邊，又一直留意另一邊好。

M/係我實留低，自己好唔鍾意轉環境，既然喺公司咁耐，人工福利都有升，老闆肯定係見到你嘅好，可以將設計當成副業接案就好。

對於事主的疑問，幾乎所有網民都勸喻事主不要離開公司，全因認為事主的老闆是個好老闆。有網民指除了留下來比較實在，理由除了薪金比朋友的公司高，更強調將員工看在眼內的老闆少之有少。有網民就認為事主可以選擇在空餘的時間接案子做設計，若果真的對設計行業有興趣及熱情，晚點再轉行也不晚。

轉工人工加幅先夠大？（點圖了解更多）

+19

+18

30歲應該搏殺定Hea？（點圖了解更多）

+15

+14

延伸閱讀：【轉工跳槽】2年半換11份工！咁Jumpy面試被問轉工原因點算？網民建議事主做1件事！

延伸閱讀：【辭職跳槽】追數大過天！公司懶理員工Workload重 樓主：酒仙！我要離開呢間黐線公司！

延伸閱讀：【辭職學問│轉工跳槽】辭職轉工應該點寫farewell email？內附3個farewell email範例

最新專訪片︰
【星級斜槓族】JACE陳凱詠自組工作室成獨立音樂人 新歌《間歇性休眠》紀錄人生低谷期 鼓勵大家勇敢面對人生考驗

⏩⏩  需要請人？立即刊登招聘廣告！  ⏪⏪