【無良上司】外婆過世請喪假！竟遭上司拒絕 並問1條奇怪問題？網民：冇良心又唔專業！

人生無常，世事難料，人活在世上難免要經歷生離死別，盡可能都希望能夠看到家人的最後一面。有台灣打工仔在網上討論區Dcard分享個人經歷，指自己數年前收到外婆離世的消息，於是要求請3天喪假，豈料對方竟然拒絕，更問了一條奇怪的問題，網民不禁回應：「冇良心又不專業！」

點圖了解更多事主分享：

+13

+12

事主：「啱啱見社交網絡有人講起喪假嘅問題，啱啱我諗起一件我嬲咗好幾年，諗返又有啲搞笑嘅事。分享欲爆棚嘅我，好想同大家講吓。

幾年前我外婆走咗，當下收到通知，我即刻跑去護士長辦公室，同佢講我阿婆啱啱走咗，近期有三日會需要請喪假返去處理喪事，要麻煩佢。點知佢嗰吓居然問：『唔可以請佢晏啲先死咩？你咁樣臨時請喪假，我調唔到人手出嚟（態度理所當然）。

我嗰吓真係無語到呢，簡直令我開眼界。你護士長，人都走咗，你要佢復活？仲可以叫佢晏啲先走？我知人手唔夠，只係得返4個護士，所以都冇夾硬請（當時大家全部都返12個鐘工，足足返咗一年）個護士長最後係有畀我請一日假返去搞喪事，嗰日係由佢嚟頂我嘅空缺。之後，發生咗好多荒謬嘅事，我就冇做，而家諗返都覺得好荒謬同有啲好笑。」

網民回應：

A/你應該係要投訴？

B/你要同佢講：不如我帶你去同佢傾吓，但嗰度仲有其他人。

C/咁太過分啦，可以畀親人遲啲走，我都願意，前提係佢唔痛苦嘅情況下。

D/呢個護士長講埋啲咁冇良心嘅說話，仲要一啲專業質素都冇，我都係做醫護，以前有個婆婆就嚟撐唔住，醫生估係2至3日內嘅事。結果個家屬竟然同我講，可唔可以畀佢撐到星期日之後先過身？因為長孫要結婚，所以請畀佢遲啲先死。後來我就教育個家屬，天要下雨娘要嫁人，呢啲嘢係冇辦法，阻人生死會折福。

E/同我個經驗好似，返工收到外婆離世消息，即刻同資深同事講（佢負責排班），佢同我講：「點解唔早啲講，咁我好難做，而且我返工會好攰！」我話：「唔通我係先知？唔該你遇到呢啲情況，都要提早講喎！」（過2個星期，佢阿爸過咗身，當事我請有一個星期假，佢打電話嚟叫我返工）佢：「你返嚟返工頂更呀，我爸過咗身。」我：「你唔早啲講？要提早講呀嘛！」佢：「（沉默，cut咗我線）」唔該你啦，一啲同理心都冇，憑咩要我幫你？

F/可唔可以請佢遲啲死，呢句可唔可以同啲病人講？係唔係工作壓力大到要咁樣迫啲醫護人員？

G/你回佢一句，叫我媽嚟同你請假好啦。

H/所以返工嘅人會越嚟越少。

對於事主上司的無理要求，網民都為事主抱不平，有人認為事主身為護士長，卻說出這樣的話，實在是有失專業。有網民就分享類似經驗，指曾經在請喪假時，被資深同事刁難。有網民坦言有誰不想親人多撐一會，先別離世，前提是不希望親人感到痛苦。

在香港，一般情況下私人企業都會提供喪假，不過情況可能較為繁瑣，需要提供相關的證明文件，如死亡證或火化證明等。然而，香港勞工法例並未對喪假作出具體規定，安排主要依賴於僱主的政策和公司內部的規定。

參加喪禮都要被工作訊息轟炸？（點圖了解更多）

+12

+11

員工家有白事，老闆居然扣大假？（點圖了解更多）

+7

+6

延伸閱讀：【男士侍產假】男同事想請AL陪太太過預產期 中年單身女上司竟然話OOOOO！網民：勞工處見！

延伸閱讀：【恩恤假│勞工法例】恩恤假並非法例規定？打工仔請喪假要咩證明文件？一文睇清香港恩恤假政策

延伸閱讀：【員工福利】近8成打工仔難清AL！全因2大障礙？Y世代鍾意瞞住老闆「安靜休假」？

最新專訪片︰
【星級斜槓族】Tsoul田曜誠無懼現實殘酷 任旁人嘲諷仍堅持追逐跳舞夢 冀能成為有影響力的人

⏩⏩  需要請人？立即刊登招聘廣告！  ⏪⏪