【無理要求】裁員潮逼近必炒「廁所所長」老闆逼下屬「行孖咇」監察對方如廁？

CTgoodjobs' Editor

Published: 2025-06-26 16:12

Updated: 2025-06-26 16:12

香港2025年面臨明顯的裁員潮與職場動盪，主要受全球經濟波動、AI技術興起及企業組織調整等多重因素影響。根據最新調查，超過六成香港打工仔考慮跳槽，約六成員工感覺薪酬低於市場水平，職場安全感大幅下降。同時，中階管理層因承受上下夾擊的壓力，面臨「主管崩潰潮」，工作倦怠和績效下滑問題嚴重。

網民在網上平台「Threads」上發文表示任職的公司於一天之內解僱了3位同事，理由分別是如廁時間過長、走路時看似沒有精神，以及於上班時間使用電話。及後就連事主如廁後也遭到上司質問「去咗邊！」，上司指剛到了洗手間「巡視」而不見事主的身影，直指事主「講大話」並需提供證人證明事主正在如廁。上司無理的要求引來一眾網民的熱議，認為事主是下一個裁員對象，故此才會受到百般刁難。

即睇點解如廁要畀人證？（按圖了解）

+14

+13

事主：今日公司炒咗3個人，第1個喺廁所做所長、第2個行路睇落唔精神，第3個光明正大玩手機……

令到我都好驚，剛剛去廁所！上司就走嚟問我去咗邊？我就話去咗廁所！

佢話入過廁所唔見我，我就話我真係喺廁所，佢堅持話唔見我！反問我有無人證證明我係去咗廁所！

所以你哋明點解要叫埋同事去廁所啦，就係要人證明你去咗廁所囉！

網民A：咁黐線嘅間公司！

網民B：走得！

網民C：想炒你了！

網民D：次次都影啲排泄物畀佢睇！

網民E：可能即使你有相，後面都要放個鐘證實係Real Time影！

網民F：下次係唔係要係廁所自拍畀佢睇？

網民G：做咩㗎間公司，咁得閒睇人去廁所？

網民H：問返佢去廁所使唔使做直播？

網民I：就算你有人證，佢話你幾個夾埋都得！

網民J：公司有無肥雞餐先？

網民K：借啲意炒人，不過最重要係有無補償先！

網民L：下次叫佢做人證囉！我夠膽叫，你係唔係夠膽睇先！

網民M：下次係咪要留返有排泄物畀佢睇？

在香港，僱主解僱僱員必須遵守一定的法律原則，以保障雙方的權益。根據香港勞工處及《僱傭條例》（第57章）的規定，解僱過程需合法、公平，並符合相關程序。僱主解僱僱員必須有合理且合法的理由，如工作表現不佳、違反公司規章、裁員或業務重組等，絕不可無故解僱。這些原因須能被證明，否則可能被視為不當解僱。如僱員遇上任何不合理的解僱可適時向勞工處尋找協助。

延伸閱讀：【失業潮】裁員潮求職難！send百幾份CV都石沉大海 HR仲針對空窗期！網民：有得見工已經算好

+27

+26