【失業潮】裁員潮求職難!send百幾份CV都石沉大海 HR仲針對空窗期!網民:有得見工已經算好

香港就業市場持續惡化,最新統計數據顯示,失業率已從3.2%攀升至3.5%,創下近年新高。零售建築及地產等行業失業情況尤為嚴峻,職位空缺數較去年同期大幅減少近四成,就業市場供需嚴重失衡。在如此嚴峻的就業環境下,社交媒體上出現大量求職者分享自身經歷。有網民表示,儘管已投遞逾百份履歷,獲得面試機會者仍寥寥無幾。更令人頭痛的是,不少人力資源(HR)部門對於求職者的空窗期尤為敏感,成為拒絕錄用的理由之一。面對這種局面,網民普遍感嘆:「有得見工已經算好」。

Send百幾份CV都石沉大海 HR仲針對空窗期?

樓主:上年都係send完CV第2日有工見,而家send幾百份都冇。但係啲HR仲係針對人空白期,又唔知出面搵工幾艱難,離晒地。

網民A:我都係,呢一個月起碼send咗超過50份,得6、7份叫見,得1份請,點知仲係剋扣人工,見嗰陣時就實牙實齒講到好好聽,話一定請你㗎啦,點知咪又係冇下文。之前一星期內一定搵到工,個市真係好差。

網民B:好多係都呃CV。

網民C:今時唔同往日。

網民D:Send完嗰排超多廣告電話。

網民E:而家咩環境呀,有得見好好啦。

網民F:啲HR自己要交KPI,呃CV,他朝君體也相同。

網民G:咁易請到人班HR冇工開。

網民H:上年已經喺度每日不停send CV,差不多10份先有1份有回音。見完全部都係等消息。同埋搵agent仲死。個post啲公司自己出post,agent搵我哋去見。食水深,啲公司通常都搵唔經agent嗰啲。

網民I:試過見完工等咗兩個月,突然打嚟話請我,人工仲要cut咗30%,真係當求職者乞衣咩?

網民J:朋友做HR透露,而家一個entry位收過千份CV,公司專登拖慢請人流程,等啲人自己壓價!

網民K:最離譜係in完三輪,見完HR、見部門head、見埋CEO,最後話「呢個position暫時hold起先」!玩嘢咩!

網民L:試過見完工等成個月,HR打嚟第一句就問「你仲未搵到工啊?」跟住壓多兩成人工,真係當我哋cheap到貼地!

網民M:啲HR專登問空白期,而家經濟差成咁,扮唔知咩。

不少求職者反映,香港就業市場持續惡化,求職者普遍面臨極大困難。多數人反映即使投遞數十至上百份履歷,獲得面試機會的比例仍極低,且最終錄取率更是不樂觀。招聘過程中存在諸多不合理現象:企業刻意延長招聘流程、面試多輪後突然取消職位、利用求職者急迫心理大幅壓低薪資(甚至達30%),以及過度苛責職業空窗期等。此外,透過求職仲介往往遭遇更高門檻與不透明資訊,部分企業甚至被指為完成KPI而虛假招聘。當前一個初級職位就能收到上千份申請,供需嚴重失衡的情況下,求職者被迫接受更苛刻的條件,就業環境明顯惡化。

延伸閱讀:【失業潮】裁員潮殺到!咩職業最穩定?10大不易被裁員行業大公開!

延伸閱讀:【失業潮】裁員後7成「留低員工」效率跌?點解僱先唔會影響軍心?

延伸閱讀:【失業裁員】經濟下行香港將會衰退十年? 網民一人一個求職經歷力證市場現況!

►最新【電子商務】職位空缺

►最新【教育】職位空缺


最新專訪片︰

【office豪華旅行團】GT Group超日系辦公室展現年輕活力 仲有Poolside畀員工放水燈!

⏩⏩  需要請人?立即刊登招聘廣告!  ⏪⏪

Advertisement

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow