【新年職場】公司請食開年飯 點知同事闔府統請 帶一家大小出席？

新年過後，許多公司都會請員工食開年飯，藉飯局增進彼此間的感情，並預祝公司來年業績豐收、吉慶有餘。然而，在這種普天同興的時刻，究竟有甚麼重要事情會令同事們興致盡掃、不歡而散？近日就有網友於網上討論區發文，指公司於酒樓預訂2圍枱食開年飯，但竟然有同事先斬後奏，擅自帶同一家大小出席，令老闆瞬間黑面⋯⋯

+6

+5

事主：上星期六公司去酒樓擺咗2圍，一共預咗25人出席（公司本身有28人，有人返咗鄉下；有人去咗旅行）。

事主：2圍已經多咗1個人，但有個男同事竟然帶埋老婆同個29歲嘅女出嚟𢭃利市。

事主：一家三口過晒嚟食，搞到成枱人坐得勁迫！

事主：點解個女成30歲人仲跟父母出嚟𢭃利市？

事主：重點係連2個老闆都無帶屋企人嚟⋯⋯

事主：公司本身都無叫可以帶家屬，如果唔係都唔會訂2圍，開年食飯迫到死死吓！

事主：同埋佢帶埋老婆同個成30歲嘅女，重點係佢個女又肯跟嚟先怪！

事主：公司本身預25個，佢帶2個嚟即係一共27個。最後老闆嗰圍坐13個；另一圍坐14個，搞到其中一個老闆黑面。

即睇網民回覆：

+6

+5

網民：你同事個女係「媽寶」定巨嬰？

網民：公司圍內食飯都帶埋家屬，過分啲囉⋯⋯

網民：咁都得？咁我帶埋姐夫阿嫂侄仔外甥嚟都得啦！睇嚟你同事都做唔長了⋯⋯

網民：除非公司講可以帶家屬，如果唔係真係好奇怪！

網民：帶埋老婆出嚟已經夠肉酸，仲要全家總動員出晒嚟仲肉酸！

網民：舊公司有同事由個仔出世開始，老闆就話可以帶埋個仔嚟食。嗰年開始永遠就晒佢聖誕節前後食／佢住嗰區食，所以我去過一年之後以後永不出席！

網民：帶個29歲女嚟得應該係想搵女婿，你公司啲男同事有無人睇啱呀？

網民：呢個世界永遠都充滿厚面皮嘅人！以前公司有個女同事已經離職3年，佢之後生咗個女新年都抱埋個女上嚟𢭃利市。

網民：試過有舊同事返公司帶埋隻狗（條頸綁住兩封利市）周圍同人拜年，相比下你位男同事算人道喇。

萬一遇上厚面皮同事聯群結隊來𢭃利巿，你又可以點做？以下有5個方法或可幫助保護你的荷包！（按圖了解）

+11

+10

1：單獨食Lunch

2：爭取外出機會

3：隱藏已婚身分

4：設利市限額

5：私人原因

同場加映：打工仔𢭃利巿攻略（按圖了解）

+17

+16

1：成群結隊 攻略不同群組

2：袋定幾句祝福語傍身

3：常備賀年糖果

4：不要帶飯

5：邀約已婚人士開會

6：來者不拒

+8

+7

延伸閱讀︰【職場趣事】陌生同事行埋嚟拜年 事主：兜個圈話我個樣老似已婚人士？

延伸閱讀︰【新年職場】打工仔大嘆 拜年仲攰過返工 網民：你仲後生！頂住！

延伸閱讀︰【新年職場】開工利市有厚度 網民拆開竟然是OO

延伸閱讀：【新年職場】同事拎咗長假去旅行 竟然話擔心返到嚟冇利市？

最新專訪片︰
30歲蘇麗珊轉型做唱作歌手 大爆曾經5點起身返咖啡店、做地盤

⏩⏩  需要請人？立即刊登招聘廣告！  ⏪⏪