Next
【打工仔被炒】請病假去見工被公司發現！HR批打工仔無誠信決定即時解僱 網民：你下次都係請AL去見工啦！
【打工仔被炒】請病假去見工被公司發現！HR批打工仔無誠信決定即時解僱 網民：你下次都係請AL去見工啦！
2024-07-22
不少打工仔都會選擇轉工，以爭取更好的薪酬待遇。有部分打工仔為求節省有薪假期，都會選擇請病假，再到新公司進行面試。不過，若然舊公司得悉員工詐病，並到其他公司面試，公司又有否有權解僱員工？
近日，有網民於連登討論區發文，指自己以請病假的方式到其他公司面試，卻被現職公司得悉，其後公司更以工作表現差為由，即時解僱事主，令到事主頓時感到無所適從……
延伸閱讀：【人工報大數犯唔犯法？】打工仔稱面試時人工報大數 網民質疑：新公司唔Check咩？
按圖了解網民回應：
事主：最近因為想轉新工，所以就請病假去見工，不得不承認我係請得幾密嘅，但經濟唔好，見過幾份都無回音，咁唯有繼續搵。然後過兩日有間大公司叫我上去in，咁我心諗，無理由浪費AL去見工，所以咪決定當日再請病假，點知今朝無啦啦畀HR call咗去傾偈。
HR問我最近成日請假，係唔係身體有咩事？我答佢只係腸胃有少少唔舒服。之後佢即刻講：「既然你腸胃唔舒服，咁更應該好好返屋企休息吓啦，點解仲要去見工呀？」我心諗你無證無據，點都死撐落去嘅時間，佢就拎起我去見工嘅job application放喺枱面，仲畀咗封解僱信我。
HR：「我哋公司覺得你工作表現差，而家要解僱你，你有1個鐘嘅時間執齊啲嘢走。」我即刻say sorry，問佢可唔可以畀次機會我，HR話：「而家係你誠信有問題，我哋唔會畀機會你，而且我哋公司會將你嘅所作所為，同晒所有行家講，你之後都唔會再有機會喺呢行入面繼續做。」最後我就畀佢請出去，唔知仲有無一個月糧賠呢……
網民A：你準備見嗰間公司data protection 有問題喎！
網民B：想知公司發現又點？請病假去見工好平常啫。
網民C：即炒咪賠一個月糧畀你。
網民D：可能間公司同你而家做緊個間係同一個集團。
網民E：建議你去報私隱公署！
網民F：你下次都係請AL去見工啦！
網民G：你呢啲係誠信問題，間間公司都好忌，正常病假係因為病而無能力返工，但你就走咗去見工，當然你可以話有醫生紙大晒，但你呃公司，公司亦合情合理可以炒你，下次唔好啦。
網民H：其實炒人都係求其作個理由啫，只要賠足錢就唔犯法！
網民I：只可以話自己攞嚟衰，想攞盡著數但出事就鬧返HR問題。
網民J：其實你間公司有你見工資料，兩邊公司都違反咗私隱條例，佢哋大鑊過你。人事部做啲咁樣嘅行為私下都算，而家講緊係明目張膽。
網民K：我剩係試過我上司轉工，新工個PM係現職公司PM個老公，最後轉唔到，不過應該加咗佢人工。
延伸閱讀：【勞工法例418│病假、休息日點先有？】418計算方法一覽 兼職都有有薪假？勞工法例年假、食飯時間規定懶人包
對於事主的經歷，網民意見頗為兩極，有一派人士認為整件事都是事主咎由自取，指出事主為求節省有薪假期，透過請病假這種灰色地帶的方式為自己獲得好處，事後被人發現，便將過錯推過公司人力資源同事，建議事主應吸取這此教訓。
另一派網民認為現職公司持有事主的職位申請表格，很有可能是另一間公司有所透露，指出這行為已違反私隱條例，未經事主同意便將其個人資料分享給他人，兩間公司的人力資源從業員有可能觸發法例，若果事主到私隱公署報案，兩位人士便會遭到控告，因此網民建議事主可以到私隱公署報案，爭取自己的權益。
勞工法例怎樣說？
根據香港勞工法例，雖並未列明病假期間可否外出，然而若僱員的病假屬有薪，而公司質疑僱員有意欺騙公司的有薪假期，公司有權向僱員展開調查。若證據確鑿，僱主可即時解僱僱員，而無須預先通知或給予代通知金，甚至有機會負上刑責。
《僱傭條例》第9條僱主在以下情況，可即時解僱僱員，而無須預先通知或給予代通知金。如果僱員在與其僱傭有關的事宜上：
僱員參加罷工，並非僱主無須給予通知或代通知金而終止合約的合法理由。
私隱條例怎樣說？
根據《個人資料(私隱)條例》（PDPO）的6項保障資料原則，除非得到資料當事人自願給予的明示同意，否則個人資料不得用於「新目的」，即原先收集資料時擬使用或相關的目的以外的目的。資料當事人有權以書面通知，撤回先前曾給予的同意。
即是說，若面試公司未經求職者同意，便向現職公司透露申請人資料，便會觸犯《個人資料(私隱)條例》，一經定罪，可處罰款$1,000,000及監禁5年。
延伸閲讀：【Annual Leave】請假卻遭老闆「提醒」 打工仔嘆：佢話我放假影響公司運作成本⋯⋯
按圖即看公司要求打工仔上繳社交媒體帳號有否違法：
延伸閲讀：【無理解僱？】收工唔記得熄Mon竟成解僱理由！僱傭條例點定義「不合理解僱」 無理解僱賠償點計？
按圖即看未獲新公司錄取便要求做Reference check：
延伸閲讀：【2024更新丨勞工法例丨產假】女同事入職不久即結婚兼大肚 產假有薪無薪點樣計？即睇計算方法！
最新專訪片︰
【星級斜槓族】JACE陳凱詠自組工作室成獨立音樂人 新歌《間歇性休眠》紀錄人生低谷期 鼓勵大家勇敢面對人生考驗
Tags︰
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!