【打工仔公敵？】一人一個見過最差嘅HR！十問九唔應、日日捉同事着衫、合約寫錯人名！

人力資源從業員（HR）會為公司處理各項事務，包括招募與甄選、薪酬福利、績效評估等職務。由於HR事事都以公司事務為優先考量，因而惹來打工仔反感。

近日，有網民於連登討論區發文，分享自己遇過最差的HR行為，同時邀請網民分享自己的所見所聞，一同盤點HR令人討厭之處！

延伸閱讀：【見工面試】HR堅持打電話約面試！全因1個理由？「我都唔想打畀求職者！」

按圖了解網民回應：

+20

+19

樓主：HR喺office巡邏捉人dress code，見到啲同事着得casual或者條裙太短，就會寫低人名，然後叫佢返屋企。唔知以為自己返緊小學……

網民A：問咩都話唔識、唔知，send email畀佢哋就已讀不回，但佢哋send email畀人就要人哋即刻覆佢……

網民B：部門要人，要個部門自己落廣告請人、部門上司自己見同請；要check員工返工記錄，都要部門自己check。完全都唔知成個HR部門喺公司做緊咩……

網民C：請人唔check求職者有無working visa，結果請咗2個黑工返嚟。問題係公司業務係有包申請visa……

網民D：我公司team building同annual dinner唔係HR負責搞……

網民E：畀份約新請嘅同事簽名，份約就寫錯同事名、身份證號碼，搞到個同事要遲一排先返到工。仲有單係HR出錯糧，要個同事解釋一輪佢先知自己計錯數！

網民F：公司炒咗幾個同事，最後一個月嘅糧單直接寄去佢哋地址度，但HR調亂咗佢哋份文件，叫佢哋自己約對方交換返……

網民G：公司要搞員工活動，HR就扮晒唔識點搞，去咗搵其他部門同事幫手。成個活動HR完全無做過嘢，但event完就即刻衝出嚟邀功，話自己做得好辛苦……

網民H：我諗返起我20年前見工嘅事。當年見工，個HR話要睇吓我識唔識用Excel。當坐喺電腦度，見到係開住個Word，我好有禮貌咁話：「小姐，呢個係Word嚟喎！」個HR聽到即刻黑面，好大聲咁話：「Excel 你要自己開！」當刻真係有少少躁，HR你唔識用Excel都識撳開嚟用嘛，我見你開咗其他嘢，禮貌上都要問聲你，唔係到時你話我亂咁撳部電腦……

網民I：見過一份工，成個面試過程不斷話我工作經驗唔啱佢哋公司，HR唔係應該睇過我份CV同過往嘅工作經驗啱先叫人去面試㗎咩……

網民J：有次HR行過嚟問我去唔去周年晚宴，我答佢報咗名，有填自己個名喺server個Excel表度。佢就話佢好忙，唔會理呢啲小事。我心諗，咁你而家又過嚟問我？

網民K：有次去A公司見A職位，約咗3點面試，我提早咗2點45分就到，有個職員安排咗我喺一間房入面坐，入面咩都無，仲要勁大冷氣，吹咗成個鐘冷氣先叫我入去in。個HR第1句就同我講，A職位請咗人，你今日嚟係in B職位？我答佢唔知，無人同我講過。HR：「唔緊要，咁你知唔知B職位係做啲咩？」我聽完成頭問號……我已經坐咗成個鐘等你，一早請咗人唔講，仲要叫我去做B職位？

延伸閱讀：【職場熱話】辭職被公司要求檢查手機對話及相簿 網民：警察都冇權睇啦

不少網民都熱烈分享自己遇過的經歷，例如HR會嚴格檢查員工的裝扮衣容；經電郵向他們詢問事情會已讀不回，或是只懂機械式回答「唔清楚、唔識」；於聘請合約上填錯員工的姓名以及身份證號碼，甚至會不仔細看求職者履歷便安排面試，但在面試過程不斷挖苦對方不是，這些經歷都使眾多網民有所共鳴，同時亦為事主感到同情。網民表示樂見未來日子，HR業界不要再因少數人連累了整個群體，希望能齊心提高HR行業的形象。

延伸閲讀：【職場熱話】上司直接出Reference letter竟被HR質疑犯法 網民：佢老細ＯＯ咪犯法囉

按圖即看網民盤點離譜的HR問題：

+14

+13

延伸閲讀：【見工面試】HR竟然唔記得約咗Interview？事主慘呻：過程0尊重、浪費時間！

按圖即看遇上態度惡劣HR時該如何應對：

+9

+8

延伸閲讀：【人力資源】打工仔剛入職感困擾！全因HR做1行為？事主：問都唔吓我⋯⋯

最新專訪片︰

【星級斜槓族】JACE陳凱詠自組工作室成獨立音樂人 新歌《間歇性休眠》紀錄人生低谷期 鼓勵大家勇敢面對人生考驗

⏩⏩  需要請人？立即刊登招聘廣告！  ⏪⏪