【庹縮老細】打工仔用員工福利照MRI遭拒 老細列1理由質問點解要用員工福利 網民：建議報勞工處！

員工福利是吸引打工仔加入公司的一大考慮。但是，近日一名打工仔在網上討論區「Dcard」發文，分享自己欲使用員工福利時，遭老闆無理拒絕的經歷。事主表示，公司其中一項福利是可以免費照MRI，但當他想申請此項福利時，老闆卻提出一個問題，並立即拒絕了事主的申請，令事主相當無奈。

延伸閱讀：【公司總有難頂上司？】上司事事執到正好難頂？打工仔想辭信 網民勸︰保障你咋

按圖睇樓主及網民回應：

+8

+7

樓主：話說早前我整親膊頭，睇咗跌打都冇好轉，所以就想喺公司照吓MRI。我哋公司就係Imaging Centre（電腦掃瞄醫學診斷中心）嚟，所以員工係可以免費做。

咁照程序都係要遞紙請老細Approve我用員工福利做Examination，當下佢係簽咗畀我，但係之後就精彩啦。簽完之後佢問我：「你冇買意外保險㗎咩？」我好誠實咁答：「好似有。」然後佢即刻搶返張申請表，好大聲咁講：「你自己有保險你咪自己Claim返錢，做咩要用員工福利？」再劃花咗佢自己嘅簽名。

我話：「Claim保險好煩，又要申請，又要填表搞一大輪，員工福利本身係免費嘅，點解唔可以用？」老細答我：「覺得煩呀？煩你咪唔好照囉！呢個觀念要灌輸晒畀全公司，自己有保險就用保險，唔好覺得員工福利唔使錢，就走嚟用員工福利！」

其實你如果係唔想畀人用員工福利，你大可以唔加落去，寫完又唔畀人用咁寫嚟做乜？真係覺得成件事好Kam……

網民A：福利唔用得嘅話做咩寫出嚟？寫出嚟只係呃人入嚟返工，真係好Cheap！

網民B：直接報勞工處啦，因為工作勞損整親膊頭，你老細有排煩，你仲可以報工傷。

網民C：點解Claim保險有排煩？唔係Suppose Send晒啲嘢畀Agent就搞掂咩？

網民D：仲唔走？

網民E：你老細嘅意思係想食埋保險公司嗰嚿錢，因為員工福利免費，佢覺得你有保險一樣係免費，當然想賺埋嗰嚿錢。

網民F：Claim完保費有可能會加？但佢話到明係員工福利，點解唔可以用？個老細真係幾搞笑。

網民G：呢啲咁嘅公司唔係你走就係佢執，走得快好世界！

其實根據法例，事件中老闆的行為有可能已經觸犯法例。因為根據《僱傭條例》，僱主有責任遵守招聘廣告中所承諾的條件，如果在招聘廣告中承諾提供某種福利，實際上卻不予以實施，這可能被視為對僱員的誤導，並可能導致法律責任。員工可以要求賠償因未能使用承諾福利而造成的損失，而公司的這種行為亦可能會損害公司的信譽，影響未來的招聘和造成人才流失。

睇埋薪水小偷排行榜：

+23

+22

好嘅女上司難求！

+11

+10

延伸閱讀：【辭職原因｜辭職學問】就是開不了口讓老細知道？打工仔15個常見的離職原因 內附辭職信範本

延伸閱讀：【打工仔辛酸史】公司轉咗新老細 大玩針對、雞蛋裡挑骨頭 事主大呻：日日都返得唔開心！

延伸閱讀：【上司就係大晒？】上司脾氣極差 成日掃文件落地 仲會不停用粗口問候下屬屋企！網民：極品上司真係邊到都會有……

最新專訪片︰
【星級斜槓族】Tsoul田曜誠無懼現實殘酷 任旁人嘲諷仍堅持追逐跳舞夢 冀能成為有影響力的人

⏩⏩  需要請人？立即刊登招聘廣告！  ⏪⏪