【年度評核】3年無做過Appraisal 晉升隻字不提！事主：每日返工胡思亂想⋯⋯

對打工仔來說，每年都有標誌性的時刻，就是「年度評核」（Appraisal）環節，透過與上司回顧過去一年的工作，打工仔可以了解自己的不足及可取之處，對方亦會按個人表現加薪及晉升，以回報打工仔的付出。

不過原來這並非理所當然，有打工仔向Facebook專頁「奴工處」投稿，指自己3年來都沒做過Apprasial、未獲升職，更要包辦公司的大小事，令他感到很灰心：「每天上班都胡思亂想⋯⋯」

點圖了解事主分享：

+17

+16

「我個人好重視誠信，2019年Appraisal本身喺業務A做，有機會升職加薪，但因為某件事嗰年公司凍薪，第二年其中一個業務結業，我調咗去公司另一個業務B度工作。嗰度有啲老seafood成日喺度擺款，咩都要理，成日明我做咗，都話我無做，我做咗又當係佢自己做。

3年疫情都無做過Appraisal，啱啱正式做咗Appraisal，無晉升，完全隻字不提，加幅對我嚟講好少，仲同我講咗堆理由，我3年前選擇相信，個結果變成而家咁，所以我認為相信一次就已經好足夠，但我而家好矛盾，我而家嘅人工唔可以話低，又可以準時收工，多假，但無滿足感，工作內容都無進步，調咗過嚟好似工作降咗Level咁，日日返到公司就胡思亂想，好多負面諗法，我真係好想祼辭，但未有勇氣。我個人鍾意辭咗工先搵工，騎牛搵馬比較難，定係我要放低執着，繼續做住先？」

網民回應：

A/老闆只會睇死你唔走，騎牛搵馬最理想，搵到先好走，你要放棄你嘅執着，唔係決定走定唔走，而係要學識騎牛搵馬

B/呢個時候騎牛搵馬係求生技能之一，要做到無聲無息都唔容易，畀公司發現又麻煩，始終生活都要錢嘛，加油

C/畀我睇人工同公司規模去決定去留，做熟咗Hea吓唔會畀人鬧，人工又正嘅話唔好講職位同滿足感，永遠睇錢同穩定性

D/一係Quite quitting 睇開啲啦，corporate ladder呢啲嘢係幻象嚟，如果經濟容許嘅話，辭咗職再搵，至少心理上會舒服加調整吓

E/有啲老闆好衰，睇死你走唔到，經驗值夠就唔好捱落去，辭職啦

F/通常都會覺得好唔合理好唔開心，但會越諗越唔開心，如果公司而家多假，人工又OK就做住先，如果想人哋注意你嘅付出，就可以學吓點樣喺公司群組講低同交低同事做咗咩

G/一間無誠信嘅公司，做嚟都無意思啦，騎牛搵馬走啦

H/只係「畀信，走」係好簡單，根本唔使畀勇氣你都走到，唯一問題係你要檢視吓自己做成點，唔會下一份工又入返同一個Loop

I/走啦，到你走到，你會發現世界好大

J/試吓用新角度，新思維面對佢哋，公司無咗任何人都唔會死，你都一樣

K/呢兩年轉工轉密咗，先發現定期轉工好重要

嘗試換個角度思考
對於事主的分享，不少人都表達同情，勸喻他放下執着，騎牛搵馬。有網民認為事主一直想着不開心的事，只會鑽牛角尖；另外，有網民就分享自己的經歷，指近年才發現轉工作的重要性，當辭職離開時，便會發現原來世界這麼大。

若果各位好像事主一樣，覺得自己的工作表現沒受到重視，不妨換個角度思考，檢視一下自己的工作情況，看看有甚麼可以改善的地方；同時，亦都可以嘗試多與上司交談，讓他知道你的付出與想法，加強雙方的合作，或能夠走出「死胡同」。不過，若過嘗試過以上的方法，情況依舊，事主就可能要考慮一下騎牛搵馬。

做Appraisal有甚麼禁忌？（點圖了解更多）

+13

+12

即睇3招提升職場存在感：

+13

+12

延伸閱讀：【職場貼士】待業期間無所事事？5個規劃有效降低求職焦慮
延伸閱讀：【職場貼士】5個開會不再浪費時間的方法
延伸閱讀：【見工面試】想由小薯晉身成管理層 面試可以點樣凸顯管理技能？
延伸閱讀：【職場文化】如何收服下屬的心？後疫情時代「好上司」必備5個特質

🌟免費獨家「大學生銀行MT/GT攻略」🌟
CTgoodjobs聯同HKCareers為有意應徵銀行管理培訓生（MT）的大學生，精心準備「銀行MT/GT攻略」，內容涵蓋銀行MT常見面試形式、題目大全、求職準備項目等資訊，還提供市場上熱門MT及GT職位空缺，幫你順利踏上MT之路：
立即按此下載：http://bit.ly/3VdJFI2

最新專訪片︰
【女強人的誕生】專訪新鴻基有限公司企業人才及文化主管車祉穎

⏩⏩  需要請人？立即刊登招聘廣告！  ⏪⏪